Herguijuela - Caceres

El (acercándose)
- ¿Sabis lo que idi la genti?
Se runrunea po el pueblu
de que tú y yo semus novius.
A ti ¿qué te paicí d´esu?

ELLA (Con desenfado)
- ¿A mí? ¿que quiés que me paiza?
No soy amiga de cuentus,
mentras que no sea verdá
a mi, ¡me importa un pimientu!

El (persuasivo)
-Digu yo, que bien poiamus
arreglalmus, si es que és esu
lo que quien idil la genti.

ELLA (Con desplante)
- ¿Arreglalmus? ¡Miá que frescu!
Arreglati tu si quieris,
yo no necesitu arreglu.

(Bajando la voz)
¿Mos estan mirandu,
dejemus los cuchicheus
i ajila jacia tu casa
porque aquellas que alli veu,
por dalli gustu a la lengua,
levantan los piés del suelu
a la menus que te piensas,
y yo, no quieru hablaerus.

El (Insistiendo más animado)
-Buenu, posváilu pensandu
porque yo ya estoy en ellu,
máscalu tú pocu a pocu
y el Domingu mos veremus
cuandu salgamus de misa,
un ratinu por lo menus
vamus juntus a la plaza
aunque alli mos separemus,
y asina poquinu a pocu,
mos vamus cojiendu apegu,
qu´el roci jaci el cariñu´,
idi un refran de mi agüelu.

(AMOROSO)
Tú ami ya m´ estas gustandu
y creu que t´esoy queriendu,
porque cuandu voy arandu
algunas vedis trompiezu,
y se me tuerci la besana
siempri que de ti m´acuerdu,
y doy comu espanturrionis
poque paici que me duermu,
y no cundi lo que jagu
porque pierdu muchu tiempu.

ELLA (Reprensiva, alzando la voz)
-Y perderas el cogoti
si siguis comu estás iendo
a rondal a la mi esquina
comu los gatus en celu,
que creis que no te vé naidi,
peru yo bien que te veu,
jadiarriba jadiabaju
jaciendu lumbri en el suelu
cuandu arrastras los zapatus
pa que, la que t´esta oyendu,
sepa que llevas tachuelas
en los borceguinis nuevus.

Y jata zampá en la cama
barruntu yo el tachueleu
que formas tóitas las nochis
pa que te ladrin los perrus,
y t´estas jata bien tardi
armandu esi escapoetu
pa que no duerma mi agüela
y este toa zurrá de mieu.

(Burlona Imitandole)
Luego irás a la senara
y te cais muertu de sueñu:
Y se tuerci la besana
siempri que de ti m´acuerdu.

(CON CORAJE AMIGABLE)
¿I no te dará verguenza
idil lo qu´estas idiendu?
Llévala siempri derecha!
y de torcerlla ni un pelu!
Piensa en mi tó lo quieras
peru el surco, bien derechu!
Porque si no lo enderedas,....

(HACIENDO UN MOHIN CARIÑOSO)
¿Cuentati que no te quieru?

Mis felicitaciones fernandola; mu guen poema en parlau rebullerinu o en palra.
Por tenel familia y recuerdus en esti pequeñu pueblu dondi pusi n'el foru un "jilu" de poesia que al parecel naide sigue, no quisiera que te quearas sin tenel una rispuesta d'alguien que aprecia la poesia y el leguaji rebollarinuo.
asin m'he queau

D'Il A SAN JUAN

Desdi mi pueblu
me voe a Roblea
y voe comu pueu
pol malas vereas.

Me diju un amigu
que tienin capea,
mùsica y bombu
y arguna pelea.

Si voe en el burru
en el riu las Mayas
mi pobri “Cazurru”
almejol se desmaya.

Si guelvo en la nochi
con la borrachera
los pies en un bochi
es lu qui m'espera.

Istoe jamparau
con mùsica añeja
de panderu cuadrau
y bailis de viejas.

Encontri un amigu
y nos juimus al bal
y cuandu salimus
nu podiamus jandal.

Asina es la vida
de un probri pastol
dil a la currida
ya sin torus ni sol.

Peru pa regresal
nu saliu un nublau
negru y'enfernal,
qui nus ha acojonau.

Ondi istan lus pontonis
pregunti a mi amigu;
- “tontu de los cojonis
ven achancal conmigu”!
Saluos