Eljas - Caceres

Ey nun sé cómu poyin falal de paru cun a cantidai de isenti que se nicisita pa traballal nu campu. To vida se labró a terra; pus agora le eitan herbicidas y asuntu tirminau. Nun importa que se enveneni a terra y que essi venenu passi a nos, pur supuestu a tos avis y demáis animáis, us poicus que quedan ya, purque antis us exterminaban directamenti: us lobus hasta que nun acaborin cun elis nun parorin -agó se queissan de que hay superpoblación de jabalís y nun sabin que to e una cadea y que us lobus us cumían- Us dorrus us mataban y us levaban cumu trofeus pur as casas pa cunsiguil un¨a prupina; pus us dorrus tamén se alimentan de roedoris, son binificiosus. A us poicus paissarus que quedan les tenin manía muta isenti riturcía y ¿sabéis u que fadin estis ejemplaris? pus le ponin venenu nus balcós purque, sigún elis, luissan. U ríu ya su cargorin fay tempu que mutus u coñecemus cun truchas y anguilas, así cumu tamén tuvemus upurtunidai, desgraciamenti, de vel cómu algús pescaban itánduli cal u podu, cun u cual quedaba ya a agua envenená. Total que aquí nun va a quedal na ¡Ah, tamén están us escopeteirus que supoñu que tirarán a to que se mova ! Esperu que a isenti que actúa así cambi pur u ben de tos; que se deissi de utilizar herbicidas y se labri que se evitin us incendius que desertizan a terra y matan us seres vivus y que tos cuidemus u nossu jardín que e u campu que e de tos.