cuidado con los chequeos si erih un tipu feliz, sin temorih y sin mieuh no se te ocurra jamáh, dejarti jacé un chequeu, porqui te vah a enteral, sin siquiera suponelu, que estáh en lah diéh de últimah, aunque te cuesti creelu. Seguru que te dirán, que ti sobran triglicériduh lo mehmu que fohfulípiduh, sin colehterol del guenu, y que por'luh atéromah; que eyuh te van produciendu tienih ya lah tuberiah, taponah casi hahta el mediu: que esu preanuncia un infartu, que tou eh cuehtión de tiempu... También te puei ocurril, que te encuentrin un bloqueu, una elongación de aorta, que esu no pue se na güeno; taquicardia sinusal, que hay que detenel a tiempo, o una ihquemia de cudiau, en el ventrículo izquierd. Son muchah lah variantih, del informi del chequeu, tou eh cuestión del colol, del cristal de tu galenu: el jinchazón en el colun, irritación en el rectu, que el intehtinu delgau, no absorbi loh alimentuh; excesu de fohfatasah, o carencia de anticuerpuh; que pueah tenel mareuh, por culpa del oídu mediu, enfisema purmoná, úlcira en el duodenu, insuficiencia renal, cálculoh en el colédocu; y hahta te puein decil, aunque no entiendah ni mediu, que "hay una falla en el ácidu desoxirribonucleicu". Y aunque te sientah fenómenu, y ansí le insihtah al méicu, lo tienih que aceptal tou, porque lo dice el chequeu. Lo máh que te va asombrá, -aunque en ehtu seah un legu- es la gran similitú, de touh loh tratamientuh excluyendu, por supuehtu, el tema medicamentuh: siempre una dieta jipu sódica, andal kilómetro y mediu y nada de calnih rojah, ni embutiuh ¡y ni quesuh!; pescau sí -bien jerviu-, y poyu, peru sin cueru... Tendráh que decil adióh, a tuh grandih compañeruh: el whisky y el cigarrillu, y hasta al cafetinu negru. si tú, que antih del chequeu, casi te creíah Tarzán, poco menuh que un peyeju, te diran: "que cahcarah el poleu si no lo tomáh en seriu"... Por esu hermanuh jurdanuh vuh boy a dal un conseju: si erih un tipo felíz, sin temorih y sin miuh, no se te ocurra jamáh, ¡dejarte jacé un chequeu! |