La Codosera - Badajoz

SEPA USTE, FORASTERU ...

Me trompecé el’otro día
con un forasteru,
mu compuestu y mu finu,
que se llegó ende la capitá,
y decía que semus lus extremeñus
incurtos y de mu mal jablá.

No soy yo una jembra
de mucha gramática
ni tampoco mu estudiá,
pero asina jablaba mi madre,
asina jablaba mi agüela,
asina jablaban lus de mucho más pa’trás,
y asina jablo yo,
pá que no se me olvide nunca ni una letra
de la que jablan también
nuestrus más grandes poetas.

Sepa usté, señó mío,
que cuandu un extremeñu jilvana
toas y ca una de las letras,
empalma comu una melodía tras otra
lo que no es otra cosa
que la lengua que se jabla
en nuestra tierra.

Sepa usté, forasteru,
qu’en cá lugá se jabla una lengua.
Y si no,
aviente, aviente usté una mirá
por lus jondones de la jistoria
a vé si se da cuenta
que no semus lus extremeñus
más incurtos que lus que nacierun
ajuera de la nuestra Extremaura.

Sepa usté, forasteru,
que sabemus mu requetebien leé y escrebí
lus extremeñus.
Pa eso, cuandu eramus zagalinas,
un maestro mu resabio,
y mu letrau,
nus enseñó en la escuela.
Y pa encandilá lus nuestrus pensares
no nus jacen falta
ni las eses, ni las jerres.

Y ya, pa terminá,
si tiene una miajina de vagá, aviente usté
una ojeá por lus librus
de Luis Chamizo ó
de Gabriel y Galán
a ve si encuentra usté, señó mío,
arguna incurtura en su pluma desgarrá.

UN SALUDO

Chacho Luis,

Que este ya lo habias publicado!

hola lamini,tienes razon,pero esto es lo mismo
que cuando nos comemos,unas tapitas de nuestro
"pata negra" el mejor del mundo,repetimos
pues esto es lo mismo ya ves que la poesía
es una realidad y es buenisima,tengo que repetir
muchas gracias

un saludo

PORQUE SEMOS EXTREMEÑOS

S'han entornäo los postigos
del portón de mi silencio
y por una rendijina
me s'han escapao estos versos.

No sé aönde irán
ni qué tiempo,
pero aönde quiera que vayan
se llevan marcäos a fuego
sentimientos en castúo
descuajäos d'ese silencio
y esculpíos con la marra
y el cincé d'un extremeño.

¡EXTREMADURA!
no rejuyas de la vos de tus ancestros
porque d'ella nos sentimos mu ergullosos
los que palramos asina, porque semos extremeños.


ttp://www.ctv.es/USERS/daviddelgado/serradillaprincipal.html

Hola Luis, aquí te dejo este enlace pro si no lo tienes.
Saludos

OTOÑAL

¿Qué tendrán las tardis
en la sementera,
que ni paici qu'egüelin las floris,
que ni pica el rejón de la abeja,
ni canta ya el cucu,
ni ves en la sierra
rejilal los berezus, las jaras,
canchalís y pieras,
que nos paici se queman sin lumbrí
ni jumo siquiera?

¿ Qué tendrán las tardis
en la sementera.
que toitas las cosas te paicin
vestías de tristeda?

Ni los mozus hablan
de toru y de fiesta,
ni bailan las mozas
con garbu y presteda,
ni los viejas te cuentan sus cosas,
ni te pairan de todu las viejas...

Toitu está tristi
en la sementera...
Idin que los añus
tamien tienin penas,
se muerín igual que los hombris
allá en Nochebuena.

Son comu muchachus,
en la primavera;
y en atoñu barruntan la muerti
que vieni, que llega.

Por esu en las tardis
de las sementeras
toitas las cosas se muerin
andiquiera te encuentras tristeda.

José Mª Vecino

(Octubre- 1920)

Buenas tardes, Luis te subo este hilo, porque no pones el autor de los poemas de castúo.
Un saludo