Del alcarde de badahÓ pa sus paisanas y paisanos bando A los zagales y chirivejes, mostrencaces, rebajetines y tallúos, polvorillas, poltroneras y cachazúos, alcandoras, cusculejas, cingüallas y chochúas, ajigueraos, lirondos y desasqueraos, aseonas, aconchabaos y a to el personá cojudo de Badahó y forasterio, ¡¡chachos cuchás!! QUE VOS JAGO SABE Amos a sé jormale y mu peripuestos, jateaos, arriscaos y emperifollaos el ocho de setiembre nus espetamus tos en garrafilas a la vera de la Virgen de Guadalupe pa’l jorgorio tallúo del día d’Etremaura que se jará como sigue: A LA JONCE: Prencipia el día con la misa pa que la Vigen güena, moza y santa se pirre y los curas jagan: Al bori, sin bori y tlon, tlon, tolón, tolón, toitas las campanas llamen a peronía. A LA UNA Y CUARTO: La castúa, la que blanquisquea, es verde y tiene tizne, asina la de tos los españoles, colorá y amarilla, arrenjuntás, se llevarán a l’arto con lloraera de los espetaos. Los aguiones nos pondrán tirulatos y clisaos con sus joreos. Aluego arrenuntaos jaremos el cantar del jinno d’Etremaura con juerza y genio. Toas las presonas andispué se arreparten por el pueblo pa’l condumio. Abajote en la chopera pa’l que quiera habrá gorgorinos, bailes castúos, desconciertos, juergas y pá comisqueá, carajamandanga, jilimoje, cojondongo, condio, tricalla, potingues y guisotes y ¡que contri!”, pa petiscá y achiperres de cualisquiá. A LA SIETI Y MEDIA: Las tallesas dirán a la golilla del festival de aguiones, aroplanos, globos y toos los bichos que corren po’l aire. Publicado en el nº 1/2006 de la revista UNIVERSO EXTREMEÑO - universo.paseovirtual.net A LAS NUEVE: Arrejuntaos en la Plaza vamo’a jacer gorgoritos y bailá toos con nuestras cosinas durces y tiernas y nuestros guapos jorgorios. Y tamién mucha luz, no de la elertina, tan seria y tan fosca, sino de la del estrupicio, estrebejío y aramandanga. Pa los que no estén abaldaos habrá respagilones con el resencio en el baile hasta que claree. Hay’na trasmallá de cosinas que nus jarán risorio. Las 18 tallesas esmontarán a las 8 de la Plaza de Toros principá a jumo paja pa tos los que jayan dio al Untamiento a endilgar su nombre. ASINA, DIRVOS TOS A GUADALUPE, QUE YO SUS DIQUELE EL ALCARDE |