QUE GRANDI ES MI EXTREMADURA ¡¡¡ Ondi quiera que m'acercu afinu bien el oidu por si escucho alguna voz que me regali el sentiu. Algún acento extremeñu, alguna voz de mi tierra, ese es el más grandi empeñu al que mi alma s'aferra. ¡Qué grandi es mi Extremadura dendi Badajó a Gredus, dendi Miraveti a Mérida, y de Arroyo a Cañameru! Qué grandi es mi Extremadura! ¡Qué llanos, que sol, que cielo! ¡Qué encinar, que tierna albura! ¡Con cuánto amor la recuerdo! Por esu, si jablan de ti, yo a escuchar siempri me quedu, ¡y ay de la voz qu'al jablarti a ti no te mandi besus! ¡Que naide valga diciendu malis de mi Extremadura porque yo no lo consiento y me juego l'asaura! Extremadura no es esu que alguna genti se cree, no es comarca, ni senderu, ni es olvio, ni vejez. Qu'es una parti d'España con historia, rango y ser, y jarta ya de patrañas y de güelva usté otra vez. Eladio Sanjuan Brasero SEANME FELICES Bolindre |