| 26-05-09 14:45 | #2336467 |
| Por:No Registrado | |
| bolindre "EN LA RESOLANA" ¿Que hay tiu Pericu? ¡hola amigu Pedru! comu estáh Benanciu y óste, tiu Anacletu. ¿Prontu ah dau la güelta no te sienta aquellu? Calla hombri calla aquellu es el infielnu, to llenu de cochis de utobusis y metrus, la genti va agina siempri van corriendu, comu cuandu aqui hay qu'apagar fuegu. Pos y la contaminá, no hay quien respiri aquel airi espesu, que sueltan las fabricas, pol unus celindrus que tocan al cielu, comparau al airi nuestru tan claru y tan puru, aquellu d'alli paici venenu. ¡Y no veas los muchachus los juegus que tienin! Tos jacin lo mesmu, corrin la pilota que se desesperan, van tos tras d'ella comu'n la loquera, tienin scalertrih pa jacer carreras, y tamien, muñecas que lloran que icin papa, y mama y otras cosas nuevas. Juegus inventaus por gentis sin concencia, que no enseñan ná de lo que les espera, que los va atontandu sin qui seden cuenta, poh no leh eja sitiu para el ejerciciu de su pensaera. ¡Poh y en las escuelah lo qui lis enseñan! A parlar mu finu, a jacel cuentas con las letras, a conocer la vida de personas que jaci siglus estan muertas, comu si estu sirviera pa algu a la hora de buscar faena. Aquellu n'es pa mi pol esu estoy de güelta, quiero estar tranquilu y sin aginus el tiempu que mequea, que se quein ellus con los cochis que me ejin a mi con mi "miseria", yo quiero vivir en paz y aquellu, paici la guerra. Sedme felices. bolindre  | |
| Puntos: | |
| Tema (Autor) | Ultimo Mensaje | Resp | |
| DEDICADO A BOLINDRE Por: CASTAÑUELA | 02-11-07 23:33 CASTAÑUELA | 0 | |
| jugando a los bolindres Por: CASTAÑUELA | 24-10-07 21:14 CASTAÑUELA | 0 | |
 |  |  |