Burguillos del Cerro - Badajoz

Yo no sé de lerturas
ni m´hace farta,
pa cudiar bien al amo
y a la senara.
Yo seré mu mendrugo,
mu calabazo
y más listo qu´el cura
será mi amo;
¡pero es lo güeno,
que töitos los años
mus entendemos!


Yo tengo un burro grande,
mu joronazo,
y una burrina nana
qu´es com´un rayo.
Yo los miro y me igo
pa mis adentros,
¡con lo güeno de dambos,
qué güen jumento!
Mi compadre me ijo
que los casara,
que dambas cosas güenas
pué que cuajaran.
Y en dispués de casalos,
salió la cría
más nana y mas jorona
que la familia.
Y a mi mujé le igo,
con desimulo:
a nusotros nos pasa
como a los burros.







¡