Urbiés - Asturias

¡Ai, la mio quintana, prubitina d´ella!/ ¡Ai,la mio quintana, la de los mios güelos!..../
Ya non tien fontanes pa poner el ramu/ en la nochi guapa de Xunu primeru/ Nochi de San Xuan cuayá d´estrellines/ y p`reñá d´ensueños....
Hoi los mozos canten cantares extraños,/ fediendo a extranxeru./ Una xeringonza que nin Dios la entiende,/ nin el diañu mesmu,/ pos canten con voces que nin son de homes/ nin ye de muyeres tampocu el acentu...
Non hai esfoyaces,/ nin allegres guetes en los castaneos;/ ni el trasgu burlón comete trastaes,/ nin trona el nuberu,/ nin gasten los mozos montera picona,/ nin cola civiella asolmenen reciu,/ nin en una rapaza s´atopa un refaxu,/ y del xiringüelu/ y la danza prima, yá non queda rastru,/ too ye forasteru:cantares y bailes,/ costumbres y xuegos...
¡Ai,la mio quintana, prubitina d´ella!
¡Ai, la mio quintana, la de los mios güelos!
¡Quién te vio y te ve,
muérrese de pena y acongoxamientu!