Urbiés - Asturias

"...oyo ruxir el vientu na colina...
duermo, y cuando amanez, los paxarinos
puestos é na figar de la corrada
ampezando á facer gorgolitínos,
dispiértenme contenta y gayaspera...

¡qué gustu, qué gociar puede igualase
al que me ofrez entós la mió quintana!
Allá, muy llone, empieza á llevantase
tras los montes el sol, tiñendo en grana les flores y los prados
agrándase pocu á pocu se ve, y ena fontana seliquín se retrata
y los sembrados, en so apacible lluz dexar bañados.
Les flores del rociu salpicades en blanco y roxo, y en azul teñides,
y de sos rayos d'oro matizades,
encantu y gustu son del que les mira, y so meladu olor quiciás respira.
gústolu yo tranquila y sosegada, en tantu que baxando á la fontana
bebe sos agües pures el ganadu,antes que les caliente la mañana
corre dempués á fartucase al pradu...

y animáse col día les quintanes, que ya atruenen el monte y carbayeres
el chirridu del carru, y los cantares de los mozos que van á sos q'haceres...
Desde que naz fasta que muerre el día, un fresquillín que cuerre na campaña, en perfumes de trébol empapadu, y madreselves mió semblante baña...

Y non la tierra al mió sudor se nega,
acá produz panoyes, allá espigues,
cueyo fabes quí, dáme una siega de yerba en otra parte sin ortigues
Y á la bona cebera siempre allega castañes y panizo pa les migues,
y prunos, y cereces y manzanes,
nueces y figos, ñisos y avellanes...

¡Qué Dios non quiera acabes nunca para min:
primero falten flores al pradu en primavera,
por xan xuan haya xelos,
y en xinero derritian los calores la mollera;
pos yo nin más fortuna y diches quiero,
q'en paz vivir comigo y los vecinos,
y criar para Dios los miós neñinos..."

"La vida de la aldea"

(esti poema va dedicau enteru a tí...)