Urbiés - Asturias

Bueno xente, en esti rinconín, voy a mirar a ver si soy quien a facer que la xente cuente histories prestoses, y reales acaecíes pel pueblu, de la xente, de los animales, o de quien seya.... y pa dar exemplu, voy empezar yo.
Voy titulala........ la operación.
Un día, como utru cualquier, taba una señora, mayor, vecina mía, charrando con mió ma, de esto que púseme a escuchar, y taba ella muy interesante cuntandoi...
- Pués si, ingresa guey, y mañana ya ta preparao to, pa que la operen.
- Mió ma, un poco estrañá entrugoi.. - pero ¿taba mala?? o ya taba concertá la operación ??... que y pasó muyer ??
- La señora, poniéndose más interesante tovía, recalcoi - Pues ta, que nun ve na, nun tien dolores, pero nun ve na.
- Mi ma, que taba farta de vela peles caleyes tornó otra vez al asuntu- pero bueno... entoncenes.. ¿que ye lo que tien ??
- Parose un poco, entornó los gueyos escontra el suelu, como revolviendo ente les piedres la palabra que non salía de la testera... hasta que llegó el relumbrón- ¡¡¡ pues dixoi el médicu que eso de la vista que yera un desprendimientu de vagina ¡¡¡¡ que por eso nun vía na ¡¡¡
- Mió ma nun sabía ende metese.... yo dende el correor, ente la risa y la imaxinación, cavilaba ..desprendimientu si... pero de vagina... probre muyer... vaya dolores... andar pel pueblu con ella arrastru, no se como influirá na vista, dolores.. y un dolor tien que ser vela con to eso arrastru .. bueno el casu ye que mió ma, recapacitó un poco y dixoi- lo de la to hermana nun será desprendimientu de retina ???.
- Ella, sin parase ni a pensalo un par de veces, contestoi- eso, me paez que ye eso, desprendimientu de ratina......
JAJAJAJAJAJAJAJAAAAAAA.....
Al final,

Xanpa, me cagun mi manto, muy burro yes, tien razón esa muyerina: La ratina ye lo mismo que la vagina.

Anda que tu madre tamién, vaya fisnura con lo de retina, si polo menos dijera "desprendimiento de la rajina".

¡Ay dios! que lío más grande con estes muyeres

jiji

ya amigu.... pero nun yera ratina... yera RETINA... o nun lo pillaste entavía ???

jajajaj claro ,de retinaaaaaaaaaaa,jajajaajajajajajajajaj

Bueno, pues esti yera el mió primu, que subía col padre, tos los domingos, depués de cumplir con la misa, a ca mió güelu. Bueno, mientres mió tíu, tomaba un vermú, mi güelita sacabayos unes aceitunes, pa que el neñu comiera algo con el refresco. Bueno, resulta que un día, les aceitunes rellenes, habín acabaose, así que mió güela sacoyosles con güesu, o piedra, como queriais nomalo.... el mió primu, pusose emocionau a meter aceitunes una detrás d´otra, ya sabeis que a los neños pequenos gustayos muncho los sabores, agrios, picantes, salaos, y tal.. bueno, el coyía aceituna y pa dientro.. nin piedra sobraba... mió güela, cuando lu vió.... ¡¡¡¡ noooooo ¡¡¡¡, tu guapín, cuando cojas una, comes la aceituna y tires la piedra, ¿entendistilo ??.. el neñu, con los gueyos muy despiertos, miraba pa mió güela con una cara santu, que nun lu había na parroquia, y namai dar media vuelta mió güela, tirose por otra aceituna. Coyola, pa dentro.. y fuera na.... total que mió güela taba na cocina y oyía como tirar peñazos nos teyaos de los payares, per debaxo casa... y venga oyer peñazos.... asina que salió pa fuera, y ende taba el mió primu, con una cara santu.. comiendo aceitunes... mió guela fijose pa él... y el mientres ni se enteraba... el neñu coyía aceituna, metíala na boca, agarraba una piedra nel suelu y azotábala al camín abaxo.. mió güela empezó a reise y a reise y dabai mal... yo cuando la oyí tanto reise tireme fuera pa mirar que pasaba..... ¿¿que qué pasaba ?? que el mió primu entendió que ca vez que comiera una aceituna tenía que azotar una piedra pel camín abaxo.... y dicho y fecho.. menos mal que nun pasó nengún paisano pel camín mientres el mió primu acababa con les aceitunes, porque de aquella, había paisanos muy gafos..... jejejejeje

Esta ye una señora, que va de visita a casa de otra, que taba un poco maluca, el casu ye que fué pa cullá, a vela y de esto que tan falando de to un poco, y resulta que sal el tema de la nieta, y va y entruga-y .... bueno... ¿que tal la to nieta ??... y la señora va y contestai to acelerá.. ¡¡ menudu disgustu que tray ¡¡¡ echáronla al paro.... bueno, la otra intentando facelo mal pequenu, dixoi.. bueno, muyer, pero ahora pasa unos meses cobrando algo, a cargu de lo que tuvo trabayando hasta agora... y la otra respondioi de sopetón.... bueno si, queden-y pa cobrar, dos meses de paro y un de suicidio...... JAJAJAJAJA..... (ta jodío esto del trabayu.... pero home..... pa allegar al suicidiu.... ye un poco demasiao ). Bueno xente, sobra decir, que los neños que taben ende, escuchando la conversación ente les dos señores, tuvieron que salir disparaos, porque taba a puntu de dayos mal... poneibos nel casu..... y nun vos digo quien yera la señora, porque si no escojonaisbos más tovía......

Bueno, esta ye otra hestoria na que participé direutamente... resulta que ente casa Chelís "el pintu" y la cochera Fermín, xugábemos muncho, de guajes, col balón, y el cabronazu de Chelís, ca vegá que mos apañaba, llantabai una zapatá al balón y calcábamoslu na Güerta ´l Ratu. Total que un día xugando, de esto que remato una volea preciosa y oimos..... fiiiiiiiiiiiiiiiiiiiiiiiiiiiiii..... pinchó el pelutu.... yera de esos finucos que non pesaben na, y quedemos ensin él. Yera sábado, y la xente taba n´un caudañu, y ya sabeis lo que ye la testa de un guaje, cuando non tien na que facer... asina que abriendo el pelutu, mirando pal campo la escuela vi los montones que había ende de gravilla... la testa empezó a furrular... pelutu pinchau... gravilla... morrillo... Chelís.... y asina, foi dandome la idea pa vengame de Chelís. Total que fuimos pal campo, metimos un morrillu nel medio el pelutu, rellenemoslu con la gravilla pa dexa-y forma reonda y planiamos qué facer cuando saliera Chelís de misa. Bueno,sonaron les campanes y la xente salía de misa, el pelutu colocau nel mediu ´l camín, yo puestu cerca casa Ramón Subiduriu (que facía de portería) y el mió collaciu, disimulando como que taba esperando que pasara la xente pa tirar. Asina que veo a Chelís dir allegando, y a lo zorro subía per ende ya riéndose... el mió collaciu, seguía faciendo el papel del despistau, y yo del que tien priesa por xugar... en esto que Chelís coge brío, arrímase al pelutu y llantai la puntera ..... ¡¡¡ CAGUUUUUNNN.. %%%%%% ¡¡¡¡ ... júrobos que el pelutu nun se movió, ni un centímetru... el zapatu Chelís, abrió pela suela... el deu gordu... quedoi negru... y púsose de una mala ostia que lu llevaba el demonio.... eso si... en xamás volvió pegai una zapatá a un pelutu de los nuesos...... jejejeje

ajajajajjaja ,anda menos mal k tenemos a xanpara k nos anima esto y nos fai reir un poco,muy bueno ,la verdad k de juage parecies mas bueno ,matabeles callando ,

ay xanpara qe cabroncete e!!!!!!!!!!!jajaja hombre javi volviste! ya era hora oh, jeje qe nos tienes abandonaos del to.
nuria

cabroncete no ... un poco travesau namai.... jejejeje

Como la xente sigue ensin animase a contar dalguna fechoría de cuando yeren guajes, o de cualquier otra cosuca, voy contar yo otra... casi paez un monólogo... porque solo falo yo.
Bueno, esta historia remóntase a cuando yo yera un guajucu, diría yo a 2º EGB, o 3º como muncho... resulta que nosotros tabimos olivando porque cayera una bona nevá... les maestres, de aquella Loli y Quini, nel momento que cayía un par de deos nalaben pela carretera abaxo pol mieu que y teníen a la ñeve. Bueno, resulta que fuimos pela mañana pa escuela, y como taba nevao, tornamos pa casa... pero... pa casa a dexar la maleta y como un tiru a trotiar p´ente la ñeve. Resulta que tábimos enredando ente la ñeve, y como había una buena cota, tabimos mirando a ver quien se atrevía a blincar dende más alto, porque como había ñeve de sobra pa amortiguar el blincu, pues eso... haber quien tenía más coyones... jejejeje... bueno, tuvimos na cera de casa Chelís, blinquemos abaxo tos... depués fuimos hasta la güerta de casa Irunda, que de aquella yera una praera medio cerrá.. y tos a blincar... asina que se me ocurrió una.. ya de la que tábemos díbemos blincar de más alto.. acordeme de la cuadra donde tenía mi pa les vaques.... cerca casa Irunda, pa los que conozan, ye la cuadra que ta al pié del horrio de la foto que colgué va poco... bueno, pues al pié l´horrio, subía un senderucu hasta la casa Mª Alfredo; asina que provoquelos y dixeyos que nun habia boliquines pa azotase dende arriba.... jejeje... voy callar el nome del valiente... jejejeje.. el casu ye que depués de mirar y remirar... dixo un que diba saltar él, porque debaxo había ñeve abondo. Total que coxó postura y azotose..¡¡ zas ¡¡ yo nun fice namai que velu posase abaxo, cuando reventé a reime.... había azotaose dende arriba y ... enriba..... la parva cucho que tenía mió pa delantre la cuadra... , jajajajaaaaa... con lo guapo que yera la ñeve blanca, y aquel home, salió entafarrau de cucho casi hasta la cintura.... nun vos digo na, la comedia que se entamó... pa tos... caro... menos pal que se azotó que tuvo que marchar pa casina a camudase, porque no había dios quien parara al pié d´el.

bueno, hoy voy contar yo una mini anecdota, espero acordame de to jaja.

como se sabe haz unos años habia coro en misa no?pues yo no se qien lo puso pero el cable qe iba desde la sacristia hasta donde cantabamos las de coro, pasaba por donde tan les veles que encienden las paisanes.
y en vez de poner el cable por detras de les veles pa que no molestase ponienlu por delante y les paisanes tenien que estirase pa encender les veles.

pues un dia debieron de mover algo y el cable taba un poco mas tirante de la cuenta y taba algo levantau del suelu,

y empieza la misa y les del coro su primer cantu, y entra una muyer del pueblu toa azota pq yegaba por los pelos a misa y en vez sentase fue a encender una vela,.......y nun vio el cable.........!!!!!!!!!!!

asi ye q les que tabemos cantando nel coro entrono la risa en medio el cantu y caro, pol micro escuchase to, y ya tuvo qe decinos el cura q tampoco yera pa tanto...jajaja

ala yo ya puse una e! aunqe seguro que se me escapa algo, pq yo nun tengo memoria!!jeje venga buen dia

nuria

tu si que yes un buen ... jejejeje... anda que no vos escojonaríeis poco....

Bueno esta historia, ye d´aquellos tiempos nos que Marco, tenía la cafetería abierta... yera vienres, y esi día xuntábase xente abondo nel llugar. Paisanos, mozos, chavales.. xente de toes les edaes, total que ... ya sabeis lo que ye, allegues y tomes daqué, depués que si invitin a una ronda, que si invites, que si tal que si cual, y a eso de les 2 de la mañana, ya ta el personal cargaucu. Bueno, el que más y el que menos, taba bien cebau ya, pero yo por suerte, taba bastante lucíu y despejau. El casu ye que na barra, yo taba viendo un paisano bastante pasau de vinos, y víalu que se despedía y salía pela puerte fuera.... y sin pasar dos menutos.... apaecía pela puerte otra vegá... ¡¡ coño.... que cosa más rara ¡¡ cavilaba yo.. vendrá a tomar l´espuela.. total que al menutu, la mesma maniobra... puerte fuera y al cau dos menutos, puerte dentro.... ¡¡ mosqueo.... esto nun ye normal ... total que veolu que mal que bien, el paisa, torna otra vegá, puerte fuera... y com´un tiru azótome pal ventanal pa espiar y veolu..... casi me da mal.... porque tornó otra vez pela puerte dentro.... el casu ye que a mi dábame mal de risa y Marco taba viéndome y ya me taba diciendo, el cabronazu esti ¿que fadría que tray esa escojonación el solu ??? total.. que nun yera quien a explicailo, y el paisano tornó otra vegá, puerte fuera... y yo rodaba, lloraba, y taba retorcíu.... y en esto que pude recuperar el aire, dixi al taberneru... oye, coye al paisanín y llevalu hasta casa, que si no guey nun llega y mañana o pasao... veolo jodío... cuando y expliqué lo que pasaba, el nun se retorcía.... el tronzábase ya direutamente... ¿¿¿sabeis que pasaba ?? pues que el paisanín, taba bastante cargau, y de la que salía del bar, agarrábase a la señal que había en frente la cafetería, y empezaba a dar vueltes agarrau a la señal, y ca vegá que se soltaba de la señal, diba de frente pal bar, y así una detrás d´otra, hasta que el home, entró y dixo na barra...... BUENO, Y A MI ¿¿ QUIEN ME LLEVA A CASA ?????..... al final fué el "taberneru"....

Bueno, la xente sigue ensin animase, ni contar, ni abrir un diálogu prestosu, ni rexistrase... na.... ta visto pa sentencia... PERO ... yo voy seguir aneciando..
Un dia, fuimos hasta Uvieu, y tuviemos la idea de comprar mierda plastificao... bueno, nun yera mierda... daba la apariencia de selo, pero yera de plástico, asina que nel pueblu tuvimos la ocurrencia de emplegalo pa reimos un ratu; total que un día, tamos na Recusa, y allegose per ende un paisanín que vivía, allí al pié. Bueno, tábemos dos sentaos nel bancu y el mió primu taba de frente sentau na sebe que había enantes, al pié la peruyal. Con munchu disimulu, posemos la mierda nel suelu... el paisanín cuando la vió.... ¡¡¡ cagun los perrones de los coyones ¡¡¡¡ mira donde van dir a cagar ¡¡¡¡ ... tábemos n´un ataque risa, asina que lo único que pudiemos facer foi, apostillar lo que taba diciendo, y day la razón en to... el paisanín levantose y con la guiyá que traía foi dando-y hasta que la sacó del camín. Claro, el mió primu que taba al pié, garrola, con disumulu, pasoila al mió collaciu, y esti a mi, que la volví a posar cerquina ´l paisanín.... pasemos un ratiquín falando col paisanín, hasta que el home, diose cuenta de que, ende, había más mierda..... ¡¡¡¡ cagun la madre que los parió ¡¡¡¡ esto ye una vergüenza ¡¡¡ namai que mierda pirru per tos los llaos ¡¡¡¡ total que nin cortu nin perezusu, levantose otra vegá, y con guiyá púsose y fexo lo mesmo... el mió primu depués de ver onde taba, tornó a apañala, pasola y yo torné a posaila otra vegá...... bueno... nun fadrá falta que vos diga cómo se puenxo el paisanín, cuando tornó a ver otra mierda..... puenxose encendíu. Nos, mirando a ver si podimos aguantar la risa, dábimos-y la razón a to. Total que el paisanín, fartu de andar con la guiyá sacando mierda ´l pié ´l bancu, levantó la guiyá como si fuera xugar al golf, y llantoi un guiyaazu que si non la posó nel teyao de la casa (n´aquellos tiempos de Ludivino), posola per ende cerquina.... el mió primu, pasoles putes pa que la mierda plastificá non y diera na cara, porque arreoi con ganes ..... quedar, quedemos ensin ella, pero lo que mos reimos aquel día, merezú la pena.

Esto pasome a mi.... normalmente son coses, que solo me pasen a mi... yera un fin de selmana, a eso de les dos de la mañana, aprosimao... venía yo en coche y namai finar la recta la Vegona, veo un coche colos cuatro intermitentes puestos, y un mozu per alloriau, tornando alrreor del coche y col movil na oreya. Yo, per confiau, paiciome que yera un conocíu del mió primu, asina que paré, y entruguei:
- ¿que pasó home ??
- ¡¡ cagun diez ¡¡ quedeme ensin gasolina, y diba pa la Güeria, y taba mirando a ver si vía manera de falar colos miós collacios que tan nes fiestes.
- Bueno home, nun te procupes, que eso tien arreglu, sube que te llevo yo- n´eso que el chaval va y dime:
- Muches gracies, espera un poco que voy llamala.
¡¡ Cagun la Santa Compaña ¡¡ yo pensaba que taba sulu, agora a ver cuanta xente sal d´esi coche... a ver que garrapiellos me va meter nel coche... tuvi un ratiquín rumiando y espiando pel retrovisor... y neso que veo que sal una moza.... ¡¡¡ vaya moza ¡¡¡ cagun la ostia ¡¡¡¡ una mozarra.... pero diba per arreglá.. cagüental .... nun me cuadra una moza tan peripuesta pa dir a Los Remedios... non porque fuera la Güeria, yera porque la ropa que trayía, nun pegaba.... demasiao raro... demasiao... no se... discotequero... muy repintá... munchos reflexos... no se... total, que montaron nel coche y subimos charrando.
- Oyes, pues munches gracies, porque tando arriba, ya yos pido a los miós collacios que me baxen pela gasolina y ya mos arreglamos- dixo él.
Bueno, subimos asina un ratiquín falando y d´eso que tábimos a la altura de Santolaya, los móviles tornaron a sonar to d´afechu, ya taba coyendo la cobertura, y el asuntu ya furrulaba. La moza que diba sentá detrás de mi, faló por primera vegá... pero l´acentu, desorientome... yera algo asina como un portugüés dulciplayao.... pal mió adentro, diba yo pensando.... mira tu, estos de la Güeria, faen les fiestes internacionales, vien xente d´allende la mar.... ¡¡ ay que xodese ¡¡.
Total que subiendo, allegamos a la Güeria, pa facer el favor bien fechu, llevelos hasta delantre la carpa. Total que ellos per agradecíos, taben empeñaos en que fuera con ellos a tomar algo, pero taba del vienres, y el domingu tenía que madrugar, y ya yerin cerca les tres de la mañana, asina que yos agradecí el xestu, pero non podía... por decilo dalguna manera... colos coyones. Total, que mientres que maniobraba delantre la carpa, la parexuca que venía conmigo, posose y la xente que taba a la entrá de la carpa, salín pa fuera, y la xente que me conozú ´l coche, salía amiraba pa mi mientres yo a fuerza maniobres, me ponía a dar la vuelta, y ca vegá más xente, familia, vecinos, collacios... tos salín apuntabin pa mi y reinse.... yo ya taba un poco resquemosu con tantu cojoneo... n´esto que na última maniobra enfoco ´l cartel de les fiestes, y veo que na nuechi del sábadu había stritis mistu.....¡¡¡¡ CAGUN LA PUTA QUE LO PARIO ¡¡¡ nun me digas que estos dos yerin los que se diben desnudar ??? la madre que los parió ¡¡¡¡ nun ye ningún problema.... el problema ye que mañana voy tar na boca tol mundu, porque van relacioname con ellos.... dicho y fecho.... al utru día, tuvieron entrugándome la mitá la xente, que cuanto llevaba de comisión, que cuanto cobraben por facelo..... total.... que guey..... tovía hay xente, que piensa que me dedico al negociu ´l sexu....

Bono, veo que la xente nin ta por cuntar dalguna hestoria, asina que tornamos a cuntar otra, p´encima soy el protagonista y nun yera endemasiao xoven... tendría yo sobre.... taitantos... jejejeje..bono, resulta que pel branu, vienin les miós tíes, que viven lloñe, a pasar unos dis, ya una, un día d´esos de branu, que ta ´l día tristón, orbayando y tal dioi por dir sola pa ca mió güelu. Nos, en casa, tabemos diciendoi que non se y ocurriera dir sola pa la casa, que tenía muncha costumbre de dir sola, pero tabemos diciendoilo en plan de broma. Total que arrancó pa cullá, la mió cabeza puenxose a furrular a to meter, y en cosa de dos menutos ya lo tenía to planiao. La mió prima y la mi hermana, diben colar detrás d´ella y quedase na casa con ella, pero nel pisu d´arriba, por si se desmayaba o se punxera per nerviosa. Yo....... yo diba garrar unos bombachos, una trenca, unes zapatielles rotes, unos guantes con les dees rotes y una peluca melenua. To esto teníalo mió ma guardao pa facer un fuebu na güerta. Bueno, cuando puse to eso enriba, mió ma nun quería dexame salir de casa, la mi hermana y la mió prima, dábayos mal cuando me vieron. Agora tenía que salir de casa, ensin que me viere naide... asina que escuqué y cuando vi que non pasaba naide, salí pa fuera, agorrumbeme un poco, eché los pelos de la peluca p´alantre, y púnxime camín arriba arrastrando les zapatielles.... namai dar unos pasos atopeme con una señora.. (precisamente la protagonista de la primera hestoria que vos cunté) y taba falando con otra y quedaron callaes, nun respirabin..... a cinco metros taben tres guahes, debaxo d´ un horrio, enredando, quedaron muos, non se movín.. yo pente los pelos de la peluca, espiabalos, y per dientro taba que reventaba de risa, pero aguanteme, asina que colé camín de casa güelu. Olvidáseme decibos, que cuando llegara delantre mió tía, nun diba decir nenguna palabra, asina que llevaba un papel que traía escrito "zoi zordomuuo, dame argo". Bono, allego a ca mió güelu, veo la mi prima y la mió hermana nel correor escoyonándose, y pico a la puerte. Mió tía va y abreme la puerte..... namai veme quiso trancar d´arreu, pero yo fité el pie, y non pudo, asina que saqué ´l papel y punxime a meter ruiu cola boca.... ensin decir na.... elle per nerviosa entrugábame que qué quería y yo nun decía na, solo facía ruiu y poniai el papel delantre la cara.... yo taba que reventaba y ella ca vegá más ñervosa, asina hasta que empecipió a llamar a voces a la mió hermana y la mió prima, y entoncenes reime abondo, pa que quedare tranquila.... probe muyer... non tornó a colar pa ca mió güelu, sola...... y .... entrugareisbos qué pasó nel pueblu........ pues....... tuvieron unos cuantos dis, col mieu nel cuerpu... porque un forasteru pasó pel pueblu, llevaba muy mala pinta.... y ... igual taba metíu per un payar o n´una cuadra....... .....

Fai abondo d´años, un fin de selmana, un collaciu míu, traxo unos petardos, y tuvimos tul día cavilando que facer co nellos... dempués de muncho escurrir, vienome a la testa una bona idea, de nuechi, pa xunta casa Chelís.... bono, el plan yera asina, sobre les diez y media o les once, dibemos preparar la traca per debaxo la puerte, l´utru diba ponese nel frente la puerte, pero metíu na praera de Fermín (onde agora tien la rampa cementá pa subir al güertu), metíu debaxo d´una sábana, faciendo paecer un fantasma... el día, meyor dicho, la nuechi, yera perfeuta, facía aire y n´aquellos tiempos non había muncha lluz, asina que ´l mió collaciu, preparó la traca, yo subí y camudeme debaxo la sábana..... ¡¡¡ tra, tra, tra, tra, traaaaaaaaaaa ¡¡¡¡¡ .... yo debaxo la sábana, taba que reventaba risa... Chelís en canzoncillos, asomose pela ventana que daba al camín, y yo mientres púnxime a mover la sábana, agazupau, l´home non quitaba gueyu, y tascábalos... como non creyendo lo que taba viendo... la verdá braera, non m´estraña na, si tas metíu na cama, despiertes con tantu ruiu, y según t´asomeyes ves una aparición..... ¿¿que vas facer ???... total, que dempués de un bon ratu faciendo el fantasma, y Chelís que non mos quitaba gueyu, marchemos ensin dar esplicaciones, y lo único que pudo ver, yera una sábana que marchaba ensin enseñar na.

probé chelis muches putaes aguanto no me estaña que marchase de urbies marcho aburriu con vosotros no podía vivir tranquilu probe hombre aunque yo ya no lu conoci en urbies

yeren bromes muyer... amás, taba tul tiempu tocándomos les narices... nos, lo que facíemos yera devolveiles con retrasu.....

yo tamien lo decía en broma hombre siempre presto facer trastaes

dices que siempre prestó facer trastaes.... ¿¿porque non me cuentes dalguna de les que ficieres tu ????

Llevo un buen rato leyendo y riéndome solo. No había leido esto nunca, solo me gustaría que me pasaras un privado y me dijeras si esto es real o es fruto de tu potencial inventivo.