Urbiés - Asturias

¡Ay, la mio quintana, prubitina d´ella!
¡Ay, la mio quintana, la de los mios güelos!
Tá desconocía, per dientro y per fora tá cambiá d´afechu.
Non ye la de antis:
ya non tien regueros d´agua cristalina y mermuraora
semeyando espeyos,
en ondi les xanes, con rueques de oru texien cadexos.
Ya non tién fontanes pa poner el ramu en la nochi guapa de Xuno primero.
¡Nochi de San Xuan cuayá d´estrellines y preñá d´ensueños!
... Hoy los mozos canten cantares extraños,
fediendo a extranxeru.
Una xerigonza que nin Dios la entiende,
nin el diañu mesmu,
pos canten con voces que nin son de homes
nin ye de muyeres tampoco el acentu.
Fuéronse olvidando les guapes tonaes,
les que pa cantales inflábase´l pechu,
pos yeren cantares de homes bragaos,
cantares montiegos, con son de fontana y arume a romeru,
y el sonar bravíu de los ¡ixuxús!
per montes y valles cortando los vientos.
... ¡Ay, la mió quintana, prubitina d´ella!
¡Ay, la mio quintana, la de los miós güelos!
¡Quien te vio y te ve,
muérrese de pena y acongoxamientu!

muy guapa zalu
con verdades como cases,respigueme entera

pasailo bien en galicia y buen viaje,por si nun tengo ocasion el dia ke marches cuidao con el riveiro y la buena comida de akella tierra.

besos pa los dos
rosy

Si rosy asina ye, además date cunta de cuandu ta escritu esti poéma en 1916, y aún na quellos tiempos la xente non se avergonzaba de nuestra fala, pues guoi delles piensen que los que falamos como nuestros guelos, somos unos aldeanos incultos, cuando ellos, desprecien nuestra cultura, sin dase cunta que yera la de los sos ancestros
Non te preocupes que a galicia vamos a un balneario a descansar, pero esu non ta reñiu col riveiru y la rica comida pa xintar de aquelles tierres
Un abrazu
Zalu

lo ke ta claro ye ke nun tiene na ke ver, se aldeanu pa ser buena gente,ami ke me den muchos aldeanos, y yo orgullosisima de ser aldeana de la mi gueria, y hablar como los mios, y dir con la cabeza muy alta sin facer dañu a nadie
besos
rosy