Urbiés - Asturias

Si el cantar, si el poner cara de risa de qu´unu ye dichosu fos la seña,
quiciás la dicha tóa en esti mundu tendrianla los paisano0s pel´aldea.
Y el que diz pel´aldea diz n´Asturies, rinconin del mio amor, de xanes tierra; tanto más encantada y petecible cuando i debe a Dios solu so guapeza.
.......Aquí yera el cantar, aquí riíse, si el riíse y cantar, de dicha é seña, pos aquí tóo canta y ríse tóo, flores, páxaros, aire, cielu y tierra.
....... Les fontes tan siempre marmullando al gorgolar el agua de la peña, y los páxaros van de rama en rama cantando sos amores en so llengua.
.... Ello ye que pel llanu, pe los altos, per el ríu, pel monte y per u quiera; fáiga el llabor que fáiga´l aldeanu,que trabaye pa sí, qu´este d´andecha, tempranino, de nuechi, al meudía, qu´el mundu´sté regüeltu ó quietu´stea, atentu al so llabor él siempre canta, o satisfechu ó pa ´scuerrer la pena, si detrás de les vaques perezoses regolvi co´l llaviegu fonda secha; nel sallu, cuandu rinquen el morgazu, o arralando el maíz cuando s´arrienda; al siegar el narbasu y facer cuques, o pa noyes llevar na ´squirpia enllena; cuando texe les riestres na´sfoyaza, o esbillando, el tarucu llimpiu dexa, atentu al so llabor él siempre canta o satisfechu o pa´scuerrer la pena.
.... Y canta al cabruñar el so gadañu, con que braciando los marallos siega; y al montonar la herba nos varales, y enllenar la tenada desque seca.
.... Por cantar ha cantar tamién el carru, que hasta tién en ´a exe cantaera; y si non canta bien nun ye de pasu, nin arranquen los gües, pos tienen pena; y más qu´ellos á naide lo cuntaron, tiénlo el home chantao ena mollera.....

Gústame mucho el tu cantar.Conoces y describes bien toa la fauna y flora de la tierrina.Les faenes del de la tierra y el ganao.Vas a les esfueyes y hasta cabruñes el gadañu.El carru canta per bien.
En la Güeria habia tres o cuatro, y pa mi el que mejor lo facia yera el de mi güelu cuando cuchaba pa la tierra de la Yana.
Saludos.
Xda.

Un cantar sonoru ye el to cantar. Cuando yo yera rapaz los carros que conocí taben debaxo el horriu del Rincuncu. yo más bien y poco, conocí les carreñes y algo menos el forcau.

en llanuperal tbn lu habia y acuerdome hasta de les vakes ke lu llevaven la "gallarda "y la" morena" camin del palacio y sulabola de les esfueyes tbn me toco y vastante hasta de llevar el maiz al molin de forosa y de ladio, de cantares en llanuperal cantabase poco yera una casa vastante triste,motivos pocos pa cantar,solo me acuerdo una vez de oir a mi tiu mador cantar pa fazei la burla ami guela y cantaba " ke el turururu ke el turururu" eso si con una borrachera de cuidao y mi guela mercedes muy pero ke muy cabrea,prubina ke pokes veces se cabreaba

besos pa tos
rosy

Bones nonche Xamonda
Ya quisiera yo que esti poema fuere mio, ye de Acebal y ta escritu a mediaus del 800
Yo tamién en mia xuventú conocí los carros del país y prestabame per munchu como rinchaben
Un abrazu
Zalu