Ye de Jose León Delestal, foi l´inventor del personaxe, nomau Pachín, que yera algo asina como el alter ego del home asturianu del so tiempu, el reflexu y síntesis de los paisanos asturianos de la época. Pachín yera prototipu de personaxe popular, de clas baxa y recursos económicos escasos, amigu la comida y bebida del país y fumaor empederniu.
Nesti monólogu, el home, vergoñosu pol asuntu de xugar al fubol con ropa que paecía ropa interior espeta esti monólogu:
¿Por qué mil diantres tenemos
que salir dando risión,
vestíos de calzonciellos,
coles cañaes al sol?
Tovía’l que les tien curioses
santu y güenu… pero yo
que tengo unes parigüeles
que talmente paez que son
como dos pates de silla
que tuviesen sarampión,
a santu de qué m’obliguen
a salir sin ton ni son
vestíu d’esta fachenda…
que paezco, qué sé yo…
Dame una vergüenza,
pensar qu’a mio alredeor
hai tantísimes rapaces
y yo aquí en ropa menor.
Nada, d’ahora p’alantre
yo pa xugar al fubol
ni en jersei ni en calzonciellos:
voi xugar en camisón. Sobre la costume de fumar de les muyeres, tamién tuvo una acertá:
Home, el fumarriar les muyeres
ye más que pecao mortal,
los labios de les muyeres
non tan fechos pa fumar,
fízolos el Dios del cielu
pa rezar y pa besar. Yo como non fumo, toy d´alcuerdu enteramente col monólogu...¿¿dalguien non ???