Morcín - Asturias

El alcalde díxoyos un montón de veces a los periodistes que diba encargar un estudiu pa saber de cuando son les capilles de La Madalena. Díxoyoslo a los periodistes, pero n´ el Ayuntamientu nun dixo na.
Debe ser que va a poner él les perres del su bolsu pa lo del estudiu, y a mi y paezme que tará más bien asina, porque les capilles son del Obispao y nun pinta na el Ayuntamientu pagando perres pa saber cuantos años tienen les coses que nun son suyes. Y tamién pienso que tará bien que lo pague el alcalde con les sus perres porque el Ayuntamientu nun les tien, y de onde nun hay nun se pué sacar.
Pero pué que ya nun faiga falta seguir escarabicando pa saber por qué tan les capilles allí, y pué que nun haiga que pagar pa que averigüen quién les fizo y cuantos años fai que tan feches.
El casu ye que el concejal de Foro, el que ta con Barbao en la Junta Gobiernu del Ayuntamientu, ya lo explicó bien explicao en un dicursu que yos echó a los suyos, creo que en Peñerudes, y que, pa dai más aire, puínxolu en el facebook que tienen p´aquí pa Morcín.
Leéilo, y va veréis como la cosa tien que ver con unu de Astorga que desembarcó en Luarca y que vino desde allí, como Cascos. Leéilo despacín y fijáivos bien en lo que diz de les capilles, y sobre manera en lo que diz de Cascos y del su partido, porque nun tien desperdiciu

Yo ya lo leí y diome la risa