Morcín - Asturias

Fai dos o tres díes que Barbao dixo al periódicu que la Diretora Turismu había tomao bién la su idea (yo diría que discurrimientu) de poner un teleféricu al Monsacro, pero en los periódicos de hoy la tal Diretora diz que del teleféricu nanay, que nun hay apoyu del Principau.

El asuntu del teleféricu fue cosa de Barbao, no del Ayuntamientu, y paezme a mi que tampoco del PSOE, porque cuando les elecciones callaron como afogaos, y después ningún de los suyos salió a echai una mano.

El Ayuntamientu puinxo perres pa pagar les comides y viaxes de andar Barbao con el casu d´aquí p’alla, y pué que tamién haya pagao los estudios que decíen que el aparatu yera cosa buena. Pero lo del teleféricu nunca fue aprobao pol Plenu, y el únicu que sacó pechu revolviendo Roma con Santiago fue el alcalde.

Nun hubo nadie que saliera a defender la ocurrencia de Barbao, y andaba él sólu contándoyos a los periodistas lo que paecíen fantasíes, y dicíendoyos que la cosa marchaba; así que cuando fai bien poco dixo que tenía el apoyu del Principau, pensé que esbarriaba. Hora, viendo lo que dicen los periódicos, resulta que nun andaba yo muy descaminau.

Dice ahora el alcalde que el teleférico es compatible con las sendas, pero como resulta que el Principado dijo no habrá teleférico, si no hay teleférico, ¿dónde está la compatibilidad?

Debía saber Barbabao
que todo está ya parao,
y que no son compatibles
una otra cosa y la de al lao
si les dos nun son posibles.

Total que si el Principau
nun da de pasu el inventu
diciendo que nun pué ser,
esi artilugiu del cuentu
va a quedar en sin facer.

Así que bien claro quede
que por mucho revolver
no habrá ninguna manera,
aunque él se la imagine,
de facer que compagine
una cosa que se puede
con otra que nun pué ser.
Eso lo sabe cualquiera.

El Guerra, el torero, no el que tuvimos en el Gobierno, decía que lo que lo que no se puede no se puede, y además es imposible.

Va más de dos años que escribí lo que ta más arriba, y fai unos díes que vi nel periódicu que los de FORO apúntense agora a lo del dichosu chisme.
Debe dir poco tiempu que se dieron cuenta de lo que, según dicen, mos convién el teleféricu, porque cuando tuvieron nel gobiernu del Principau, unos meses, Cascos nun quiso recibir a Barbao, que muncho insistió en dir a conta-y el cuentu.
Barbao ya nun ta sólu, pero tienlo tovía muy crudo, porque ¿paezvos que con la crisis y con lo que ta creciendo lo de la fensa de la naturaleza ta ´l formu como pa cocer esi bollu?.
Nun se, pero como el asunto marche tan bien como hasta agora van tener que sentase a esperar munchu tiempu los que quieren subir nel teleféricu a rezar nes capilles de la Madalena.