Morcín - Asturias

Al tal Villa salió-y mal
la amnistía esa fiscal
pues por la declaración
pa lavar el su dineru
descubióse el gran follón
que conoz el mundo enteru.

De momento queda claro
que robó al su sindicatu,
y nun fue un robu baratu,
que a la UGT salió-y caro
tenelu de timonel
confiando tos en él.

Porque el tigre de Tuilla
taba sentau en su silla
robando día tras día,
y mientres que presunía
de defender al obreru
arramplaba col dineru
de les dietes y demás,
nun se cortando jamás
pa embolsar cuanto podía.

Perfumes, regalos, coche
y gastos a troche y moche,
pagaos con su tarjeta
¡hay que ver cuánto derroche!.
Esi lider, con su jeta
vivía como un rajá
dirigiendo aquí y allá
mientras los sus allegaos
callaben como afogaos,
¿nun taríen compinchaos?.

Ahora ta ya condenau
por robar a la UGT,
y además,como se ve,
va derechu a ser juzgau
por to lo que blanqueó
con la amnistía fiscal,
pintando la cosa mal
pa esi jefe que creyó
que tol monte yera un prau
en sin sebes que pararan
a cualquier aprovechau.