Tendremos que andar a palos Nun va a haber otra manera si nun queremos qu´un día lo que nun pasó tovía pásemos sin que se quiera. Ye el casu que cuantayá en la rotonda de Argame esos del Ayuntamientu ficieron un cerramientu compuestu por unos palos, y pa decir la verdá en sin mieo a equivocame debíen de ser per malos y dellos apodrecieron, pos unu aquí y otru allá donde taba ya nun ta, y tal como me paez desde cuando los pusieron echo en falta más de diez. Cola falta de eses pieces, díxose ya munches veces que pué dase un accidente, pues pellí pasa la xente y dalgún puede cayer a rodar pel terraplén, así que vamos a ver si puede arreglase bien. Como quien tién que mandar el volver a colocalos nun da traza de facelo, y el caso nun pue esperar hasta que caigan del cielo, nosotros, probes vecinos, tendremos qu´andar a palos, dir a compralos, se entiende, tratando con quien los viende, pues podremos encontralos bien bonos y derechinos buscando donde los haya, que tien que habelos asgaya. Y lo veis que nun se trata de reñir nin de pegar, ye cosa d´obra barata que podremos entamar sin necesidá d´ andar per ende dando la lata, pidiendo que faigan coses esos del Ayuntamientu, que les arques tan escoses y ellos solo tienen cuentu. |