Morcín - Asturias

Tengo yo un conocíu que tien contratá una empresa de eses de consulting pa controlar lo que trabaya la mujer que-y fai la limpieza de la casa.
Bueno, no ye justo así. Él contrató a la muyer, pero el contratu diz que la muyer ye la que tien que pagar a la empresa pa que la vigile. Yo véolo raro, pero será cosa moderna de la que nun toy al tanto, y debe ser normal, porque dicen que el Ayuntamientu también fizo un contratu así pa controlar lo de la basura y la limpieza.
El casu ye que la empresa, en vez de controlar lo que limpia la muyer, lo que fai ye lo que-y manda el mi conocíu, y calcúla-y lo que va a costar poner un negociu, los puestos de trabayu que necesita, los clientes que va a tener y les perres que va a dar; así que, como vieron en el periódicu lo que dijo el Alcalde del teleféricu y de los cardos de la Madalena, el consulting esi fizo un estudiu que demuestra que lo mejor va a ser dedicase a criar burros.
Sí, como vos lo cuento, porque a los burros gústenyos muncho los cardos, de esos que tantos hay en La Madalena, y que se podrán bajar en el teleféricu pa dayos de comer.
El conocíu míu nun tien prau onde meter los burros y tampoco tien perres pa montar la empresa, pero los del Consulting dexeron-y que lo de les perres ta fácil, que pué sacar una subvención de eso de la Montaña Central, o de los Fondos Mineros, y que lo del prau pué arreglase hablando con los amos de les parceles sin edificar del polígonu de Argame que dicen que les limpien los del Ayuntamientu, y como tienen luz por la noche, que paga el Ayuntamientu, y guardias que vigilen, que parez que ahora ya tan en regla (el Alcalde dixo fai tiempo que ya taben y nun yera verdá), así nun-y robarán los burros.
Ya veis cómo con lo del teleféricu van a salir munchos negocios, sin fijase en lo de los terrenos de les Vegues de Cardeo.

EL NEGOCIU DE LOS BURROS PUÉ CAMBIAR DE SITIU, Y PUÉ DAR PA FACER DOS EMPRESES.

Los del consulting que trabayen pal mi amigu, bueno, pa la muyer de la limpieza del mi amigu, ya sabéis, vieron nel periódicu eso de que el caserón de La Piñera quedó sin arrendar, y dixéron-y que lo de los burros igual taba mejor allí; así que va a dir al Ayuntamientu pa que ablanden los pliegos esos del contratu (igual metiéndolos a remojo) y ver si se pué facer con el caserón, porque los burros seguro que se atopen bien allí, onde antes taben los caballos de los soldaos.
Dixéron-y tamién que preguntara nel Ayuntamientu a ver si el teleféricu nun podía dir desde La Piñera a La Madalena, porque, tal como tan les carreteres, va a ser un problema llegar en coche hasta Les Vegues de Cardeo, y sería mejor subir a los turistas en burru desde Santolaya a La Piñera y que garraran allí el teleféricu.
Total ¡qué más dá!, como lo del teleféricu nun tien na que ver con lo que pué subir el preciu de los terrenos del sitiu donde arranque, nun yos dará más a los de Les Vegues de Cardeo que arranque de La Piñera.
A los turistas del teleféricu podíen xuntalos en Santolaya pa que montaran allí en los burros, y aprovechar pa dayos los billetes y enteralos del asunto un chabolín, que desde que lu ficieron pa la cosa del turismu nun-y manden ná, que ta frente al bar de Roberto.
Con eso de los burros nel caserón de La Piñera arreglaríense munches coses. Crearíase una empresa pa criar burros y otra pa lo del viaje en burru (mejor dos empreses, que abulten más) y el Ayuntamientu toparía quien se ficiera cargu del caserón, y aprovecharía al chabolu de Santolaya que lleva tantu tiempu parau. Además nun tendría que arreglar la carretera pa los turistas, ni la de Busloñe ni la de Peñerudes.
Sí, digo pa los turistas, porque pa los vecinos nun da traza de facelo, aunque cada poco hablen del asuntu nel periódicu como si fueran a ponese a ello entós mismo, y ya veis como tan.

P.D.
Para ahorrarle el trabajo a quien suele contestar a mis escritos, le digo que ya sé que quiere que vaya a decir al Juzgado todo lo que tenga que decir sobre el Ayuntamiento, y que ya sé que le parece que escribo para mis acólitos, que me sobran palabras, me faltan argumentos, escasean las ideas, y no existen verdades, y que injurio, calumnio, falto al respeto y no sé cuantas maldades más.