Larna - Asturias

-Ouye, Maruxa, ¿acuérdeste de Conchitina?
-¿Qué Conchitina, oh?
-!La que estudióu cun nos, ho¡
-¿Esa gocha? Quita, quita; nun m’hablu cu n’etsa.
-Nin you, boba. Peru n'el “feisbu”, sí.
-¿Tamién tás n'el “feisbu”, nena?
-Si ho, ¡añadíla cumu amiga!
-¡Ay má, que bazu tienes, oh!
-Casóuse ya diz que tuvu na India, ¿ouyeste?
-¿Subíu las afotus de la boda, oh?
-Sí. Tá muy ranciona. Adimás son toas de mediu cuerpu.
-Pur algu será, boba. ¡Menudu perfíl!
-Ya, ya, hay cada unu n'esta cumunidá…
-Sí, nena, ía que ponenlu tou perdíu.
-¿Qué vas a cuntáme a mí? ¡Tengu el miou muru tsenu de tontadas!
-Claru, boba. Tantu socialitsar…
-¿Vieste la que vumitóu anueite?
-¿Quién? ¿l’amiga del amigu de l’outra?
-Non, la novia de l’outru, la que fíxuse fan de Guti.
-Ah, sí, sí. Tenemus quince amigus en común, ía tremenda.
-Pueis dispidiénunla, guapa.
-¿Qué me tás diciéndu?
-Sí, nena. Dixu que nun diba a trabatsar purqui taba mala ya …
-¿Pillóula el jefe?
-Claru. Viu la afotus de la xuerga ya’l palique cunmigu.
-Probe… ¡Estu del “feisbu” ía lu que tien!
-¿Acuérdaste cuandu cutitseábamus pur la ventana?
-Qué aburrimientu. Onde té la tenología…
-¿Ya lu tou cun’el cineasta?
-Esu. ¿Vieste el vídiu del bautizu que culgóu?
-Sí. Tien talentu, eh.
-Ía de lu más maju que hay na red. Ya muy atentu, ¿uyiste?
-¿Agregástelu?
-¡Si ho! ¡L’outru dia invitóume a una fiesta!
-Amira que zorru… ¿ya foste?
-Yera en Estucolmu, nena, viníame fatal.
-Ah. ¿Ya purquéi nun sulicitas l’amistá del cuñáu?
-¿Quién ía, esi calvu que tien un'afotu cun la perra?
-Non, l’outru más baixín, que ía del grupu d’admiradores de Chenoa.
-Ah, si, si. Tinemus dous amigus en común, peru nun me mola.
-¿Purquéi, oh?
-¿Visti lu que pusu n’el muru de l’outra?. ¡Ía enemigu de la danza prima!
-¿En seriu, nena? ¡Ay, dexasme fría!
-Ya you pur esu si que nun pasu, ¿uyeste?
-Ía que la xente cuandu cuelga lus sous pensamientus …
-Nun se dan cuenta que tán hiriendu a lus demás, boba.
-Qué xentuza, eh?
-Pa que veas … Non, si aiquí cunucemunus tous.
-Ya te digu: ¡¡Esti mundu ía un pueblón!!.

Jotaele

Buena charla la que tienen estas dos. A ver si es verdad que este verano vamos a conocer L'arna. Ya veremos, yo siempre estoy dispuesto pero Carmen ? Un entrañable abrazo. CAMINANTE (El leonés)
12-03-09