Boquerizu - Asturias

Detrás de casa de Pachu
hay un maderín pintau
donde se sienta Rosina
y Ramón al otru llau.

Iba Pinón pa la siega
y en el camín acordose
de la muyer y los fíos
y dió la vuelta y volviose.

Gústenme les buenes moces
cuando ximielguen la saya,
hasta los santos se alegren
de ver una nena guapa.

Les castañes son castañes,
los orícios son orícios,
los güeyos de la tu cara
para mí fueron hechizos.

El cencerru de la vaca,
de to padre que esté en gloria,
to colgalu del piscuezu
pa traete na memoria.

Tienes una chamuscona
que San Antonio la guarde,
aunque vayas a la siega
non te la corteja naide.

Les moces de aquesti pueblu
son todes a cual meyor,
sólu que a dalguna delles
faiyos muchu dañu el sol.

En Xixón ya no se usa
el pedir la moza al padre;
se entra per casa pa adientro:
¡¡rapaza!! quiero casame.

Mio madre diome y zurrome
y estirome las oreyes
porque me diba a les moces
como el perru a les oveyes.

Pastor que estás en el monte
no me trayas lleñi verde,
que estándome calentando
saltome una chispa al dengue.

Mio madre pa casame
mandome un copín de fabes
y después que me casó
mandome rascar les ñalgues.

Das i a un probe una panoya
cuando se llega a to puerta,
y a mí, que te quiero tantu,
dasme en focicu con ella.

Ayer me dixo to padre
que non rondara to puerta,
que mozu sin daque suyu,
ye como molín sin presa.



Título del libro: ESFOYAZA DE CANTARES ASTURIANOS
Autor: AURELIO DE LLANO