JUEGOS DE ADULTOS La carrera Termináu el trabayu del día nun faltaba entri la xente moza: "...corredores q´a porfía Al llegar sudorientos a los teyos Ganen en ´a carrera la cuayada Al que más diestru sia destinada. Como llozanos potros desbocados Q´el vientu corten sin tocar l´arena, Unos tras d´otros van precipitados; El pechu francu, suelta la melena; Los brazos fasta el codu remangados, Del triunfu y la esperanza l´alma llena, Sin zapatos, sin calces, sin ropía. Más lixeros que cuete en romería. Nube de polvu entonces se llevanta Y n´ella envueltu el mozu que ya espera Con fartu empeñu y con lliviana planta El términu tocar de so carrera, Cede y s´atrasa al otru que se llanta Metanos xunta él y lu supera En piernes y alientos, y la grita Y les palmades del que mira escita. Y allega más forzudu y más arteru Sudorientu, llivianu, espolvoriadu A tocar e´ nos teyos el primeru. Y allí mismu por todos declaradu Ye el rey de la coida, y gayasperu Recibe de les manes de una neña Del vencimiento la esperada enseña."
|