Boquerizu - Asturias

¡Por fín diéronme permisu pa seguir con los insultos!...... sin molestar a nadie, solu pa que veáis que variedá de palabres tién el vocabulariu asturianu pa dicir una mesma cosa....... o cuando nos paece qu´estamos diciendo algo malu, resulta que ye cariñosu

Hoy vamos a describir los distintos tipos de desaseaos y de la palabra gochu en particular.

Hay munchos calificativos pa retratar a les persones sucies, destrozonas y descuidáes:
abaruyéu, albarda, axixilistráu, chafarón, margüetu, xostra, xustrón, xilistrón, zabo, zarabayón, zarafaco........

En cuestiones de limpieza y aséu personal, ye con les muyeres con quienes hay más exigencia. Aquí tenéis la prueba:

Canuda, ye la señoritina jolgazana y de pocu sentíu.
Fandosca, ye la muyer estrafalaria y desastrá.
Tabasca, ye la pocu cuidadosa.
Xostra, la sucia y desarreglá.
Pelurcia, esta ye ya el colmu de la dejadez. Las muyeronas más puercas y desgreñás son las pelurcias o pelurcionas.
Probe del que se case con una d´estas porque además tienen muy mala leche, les apesta el alientu, dan malos consejos ..... y de vieyas parlan solas.

Pa los hombres tamién hay:

Patayón, ye el pocu cuidadosu.
Abarqueiru, el que viste mal...... estrafalariu....
Esfachetáu, ye el que lleva el traje desabotonáu, les calzones ceyendo-i, tou descuidau.
Un ejemplu d´esfachetáu puen ser los poetas y artistas en general.
Esfarramandaos, que visten con ropas destrozás.
Esmelendráos, que cúbrense con pingajos de tela.
Farrapeiros, pindexus y zaparrastros son tóo lo contráriu a los elegantes y bien vestios.

Si además se suciu ye vagu...... ¡buena la fizo! pues tienen calificativos pa dar y tomar:
Badanas, zanguán, baldrán, zanguanu.

Trafulleiru, ye el embrollón que además ye vagu.
Cebullón, ye el que nun resiste munchu el trabayu y les fatigues, y pa colmu, ye bajín y rechonchu.
Pascaxu, ye el abobáu que descuida las sus obligaciones.
Zarabayu, ye suciu y desordenáu y face les coses de cualquier manera.
Desgaxáu, ye el vagu, pocu responsable, dasastráu y marranu.

Faneigón, cibutsón, chambón, fargatón son personajes con pocu prestígiu, pero el que llévase la palma de los vagos, marranos y descuidáos ye el felpeyón.

De toes formes como recordar toos estos escalafones con sus respectivos calificativos ye muy difícil, en un momentu de apuru vali decir gochu a secas.

Pero nun vos creáis que la cosa acaba aquí, porque lo de gochu tamién tien sus variantes.

Se li pué llamar gochu al paisanu desaseáu, al que llega tarde a una cita, al que deja plantá a una novia después de 10 años de noviazgu, al empresariu que nun cumple, al obreru que nun trabaya, al políticu que cambia de chaqueta........

La vida tá llena de gochos y gocháes.

¡Enhorabuena! por el permiso.
No sabía que el repertorio fuera tan amplio-
Saludos

Muy bueno Asturianina sigue así que esta muy interesante.
Saludos.