Boquerizu - Asturias

Siempre jué'l probe de Pachu
dominau n'el matrimoniu,
per la que i tocare'n suerti,
que yera igual qu'un demoniu.
Mala...com'una culliebra;
de vaga...nón trabayaba;
mal xeniu...como denguna...
¡ Cuenten qu'a Pachu y zumbaba...!
Púnxose grave'l probin,
y al ver que diba palmala,
llamó a Xuaca, la muyer,
al respeutu d'avisala,
de lo que a el y paecia
yera guenu que ficiere,
una vez Diós lu mandare
que les pates espurriere.
Llegose Xuaca a la cama
y dixioi entós Pachin,
entre afogos y quexios,
en presencia d'un vecin.
-¡ Ay Xuaca...! ¡ Voy a diñala...!
y queu tan pesarosu
de dexate sola en mundu,
que pa que vaiga gozosu
a presentame al Siñor
pa ver si me llarga el Cielu,
quieru me prometas algu
que me sirva de consuelu,
Y yé,que si al espurrila
tengo sola que dexate
nón me niegues el deseu
de que guelvas a casate...
Toa extrañá, xemebunda,
dixioi Xuaca, doloria:
-¡Ay Pachin...! ¡ Paez mentira
digas esu n'isti dia...!
Si suscede como dices,
casu tan extraordinariu,
nón pienso salir de casa
nin pa llegame al Rosariu.
Cuanto facer una viuda
como non se viere igual...
Que tú m'aconseyes esu...
¡ tá paeciendome mu mal...!
Discutieron un gran cachu
el asuntu del casoriu
y per fin, prometioi Xuaca
cumplir esi requiloriu.
Yá d'alcuerdu n'esti puntu
diz Pachu con intinción:
- Piote más...Que te cases
con Pericu, el de Linón.
Risponde Xuaca extrañá:
-¡Pos éso...non me lo explicu...!
Non intiendo,per que quiés
que me case con Pericu...
Robábate les panoyes;
Nunca te puo tragar
y tirábate pedraes
cuando dibes a esfoyar.
¡Yé'l tó mayor inimigu
denque lu metiste presu...!
A lo que diz el buen Pachu:
-¡ Per esu, Xuaca...! ¡Per esu...!