Boquerizu - Asturias

Felicidades para todas las que se llamen Carmen. Que paséis un buen día, y para que empeceis con una sonrisa el día para vosotras va dedicada esta historia.


¡Per esu, Xuaca....! ¡ Per esu !

Sempre jué ´l probe de Pachu
dominau n´el matrimoniu,
per la que i tocare´n suerti
que yera igual qu´un demoniu.

Mala... com´una culliebra;
de vaga... nón trabayaba;
mal xeniu... como denguna...
¡Cunten qu´a Pachu y zumbaba...!

Púnxose grave´l p´robín
y al ver que diba palmala,
llamó a Xuaca, la muyer,
al respeutu d´avisala,
de lo que a él i paecía
yera güenu que ficiere,
una vez Dios lu mandare
que les pates espurriere.

Llegose Xuaca a la cama
y díxoi entós Pachín,
entri afogos y quexíos,
en presencia d´un vecín.

- ¡Ay Xuaca...! ¡Voy a diñala...!
Y queu tan pesarosu
de dexate sola en mundu,
que pá que vaiga gozosu
a presentame al Siñor
pá ver si me llarga´el Cielu,
quieru me prometas algu
que me sirva de consuelu.
Y yé, que si al espurrila
tengo, sola, que dexate,
nón me niegues el deseu
de que güelvas a casate.

.......................................

Toa extrañá, xemebunda,
dixoi Xuaca, doloría:

- ¡ Ay Pachín...! ¡Paez mentira
digas esu n´isti día...!
Si suscede como dices,
casu tan extraordinariu,
nón pienso salir de casa
nin pá llegame al Rosariu.
Cunto facer una viuda
como nón se viere igual...
Que tu m´aconseyes esu...
¡ ta paeciéndome mu mal...!

......................................

Discutieron un gran cachu
el asuntu del casoriu
y, per fin, prometioi Xuaca
complir esi requiloriu.

Yá d´alcuerdu n´esti puntu
diz Pachu con intinción:

- Píote más... Que te cases
con Pericu, el de Linón.

Risponde Xuaca extrañá:

- ¡Pos eso... non me lo explicu...!
Non intiendo, per que quiés
que me case con Pericu...
Robábate les panoyes;
nunca te puo tragar
y tirábate pedraes
cuando dibes a esfoyar.
¡Ye´l tó mayor inimigu
denque lu metiste presu...!

..........................................

A lo que diz el güen Pachu:

- ¡ Per esu, Xuaca...! ¡ Per esu...!