Rianxo - La Coruña

O Muelle de Tanxil.




Outra desfeita máis do noso patrimonio. E non se trata de gamberradas levadas a cabo por adolescentes sobrados de pubertade. Tampouco é cousa dunha construtora á que o único que lle interesa e facer pisos coma churros. Nin foi a natureza a que fixo desaparecer o secular peirao de Tanxil, no que tantos polbos se mallaron ou no que moitos rianxeiros deron as súas primeiras brazadas. Rematouse. Xa non existe. Destruírono.

Vaia rexeneración da praia, levando por diante outro cachiño de Rianxo. Non se trataba dunha simple pedra no medio do camiño. Tiña o seu propio nome e apelidos “O Muelle de Tanxil”. Paga a pena ter unha praia un pouco máis ancha e longa? Para que? Para que se converta nunha de tantas praias sen nada propio? Nin tan sequera agora a area vai a ser a area de Tanxil, esta quedou soterrada por area de canteira, ou noutras palabras rochas trituradas, dunha cor agrisada. Cal será o seguinte paso? Se cadra cortar os plátanos e tirar o muro de Baltar, e así facer un aparcadoiro ben grande para todos os turistas que van vir no mes de agosto.

Vean esto, relacionado con la "regeneración" de la playa de Tanxil: