Villamiel - Caceres

Buenus dias tengais.
Atendiendu la invitación de La Noguera me pongu a escribi intentandu
jacerlu en villamelanu, habé comu nos sali.
Comu di La Sorda, mas tocau la fibra peru con güena intención, veu
en ti ganas de que esti foru sanimi anti todu.
Puedi que meta la pata, pues alguna palabra me saldrá en mañegu ya
que escribu más enesi foru.
¿ De dondi soi ? Mi madri me traju al mundu en la casa de la madri en
Cáceres, la cuarentena la pasó en Villamié y luegu me crió en San Martin
Cuandu estaba de dagá en Villamié me llamaban mañegu,en San Martin
guritu, vaya dilema jissas, de dondi puedu se, toa mi via he sidu de
otru sitiu al que he vividu, llevu desde el añu 1.974 en Bilbao y
tampocu soy daqui, esperu algun dia encontrá mi lugá.
Por ahora soy nacidu en Cáceres i con raicis de Villamié y de San Martin
tamién tengu raicis de Valverdi i mi agüela de Valverdi tenia un apelliu
que venia de Villamié, Obregon.
Otru dia os contare esta historia, todavia se puedi ve el escudu de
armas desti apelliu en Villamié, es muy curiosu.
Tocanti a la Jabla, no hay que perderla, se remonta a los tiempus de la
Reconquista, luegu se mezcló con la jabla extremeña y ahora ya veis
dondi ha terminadu, de origin era el Babli asturianu, nos quedan palabras todavia comu, quesu, por poné un ejemplu.
Villamié fue repobladu por curitus, no guritus, estos vinierun de Cué
( Asturias ) pueblu muy pequeñu que conozcu personalmenti, pertenéci
al conceju de Llanis y está pegandu, tieni dos playas, asi que es pueblu
hermanu y esta cerca de Bilbao, digu estu porque en Baracaldu vivi
mucha genti de Villamié, si alguien lee estu puedi jacersi esa excursión
Os iré contandu todu lo que sé sobri nuestru pueblu, me incluyu pâ que
La Noguera se quedi contenta, creu tené una idea de quién puedi sé, peru
un Caballeru nunca descubri a una Dama.
Buenu jissas, encantadu de tenerus de contertulias, somus pocus, peru
comu dicin poraqui, pâ echá una partia al mus ya vali.

Me despidu por hoy, un saludu para todus.