Valverde del Fresno - Caceres

Agora, nestas festas que comenzan apareci un´a figura de muta tradición. Son us ALBARRANECUS.
Me gustaría sabel du tema.
¿Son albarranecus? ¿Son barranecus? ¿Son barrenecus?
¿Quen u sabi?
Me gustaría sabel tamén si poi sel cualquera o solu as persoas que forman parti da Cofradía da Vera Cruz.
¿Cuais son as tareas que tinha y ten encomendas esta figura da Semana Santa valverdeira?
¿Se poi chamal cu mismu nomi a mulhel o pa mulhel se usa otra palabra?
Gracias anticipás y que disfrutéis de un´as felicis festas.

Ei sempris he escutau chamarli "barrenecus", y eran us da cofradía, de cuando ei falu solu había unha, agora nun sé cuantas hay, estis eran solu homis, y se bistian de blancu enteirus, comu si foran liaus en unha sabana, ei fai mutus anus que nun estoi lá en estas fechas, así que nun sé como irá isu agora.Saludos y boas noitis pa t@s.

Mutas gracias valverdeiru. Inda solu sigui a Cofradía de la Santa Vera Cruz. Antis había otras tantas comu a da Virgen del Rosario.
Suponhu qu´us barrenecus entoncis, ademais de vistirsi de brancu; levaban tamen as andas da procesión. ¿O tinhan otru cometiu?

poi sel , en a minha opinión , que u feitu de vestil de blancu tenha que vel con u nomi de "Albarranecus". En latín el adjetivo Albus-alba-album , significa blanco . A palabra "albino" ven tamén de u latin y tos sabemus que se defini asi a u de pelu blancu y pel clara. Tamen a " alba" , u amanacel du día , esta relacioanu con as primeiras lucis, con a claridai.
Un albar é un terrenu blanquecinu.. En fin é solu unha opinión
Soidi

Mutas gracias salgueral.
Me convenci a tua opinión y pur u tantu siguindu a tua pesquisa podemus chegal hasta ALBAR: De color blanquecino.
Agora mus queda u restu RENECO - RENECU.
Si pensamus ca "R" de "R"ENECO - "R"ENECU ven da raiz ALBAR, mus quedaría ENECO - ENECU solamenti.
Y que ENECO - ENECU fora un´a deformación pa enlazal cu ALBAR. É dicel, primeramenti fora ALBAR+NECO. Si pronunciamus esta palabra composta mus da ALBARNECO. Ondi a "R" ten tanta forza que pareci comu si detrás da "R" de ALBAR, hubera "RE" y quedara aus oivius comu ALBARRENECO.
Sendu asina pensu que NECO fora u final de MUNECO.
¿Estaríamus falandu de un muneco de color brancu?.
Y otra pregunta da que inda desconhozu a resposta:
¿Cual era a misión dus ALBARRENECUS?

los albarranecos se vestían en viernes santo, sobre todo eran hombres por que apuntaban en una lista, solían ser promesas y pagaban por llevar al santo, esa lista se ponía en la puerta de la ermita para saber a quien le tocaba, yo recuerdo que mi abuela apuntaba a mi hermano.si recuerdo algo mas ya te contare, ahora se sortean los santos el domingo de ramos y todos van vestidos de blanco solo que los que llevan a la virgen llevan el cordón de un color y los del nazareno de otro.

Sí tambien llevaban los santos, solo ellos, los ...barrenecus.Boas noitis y soidi pa t@s.

Entocis us albarrenecus eran penitentis, generalmenti homis, que pertenecían a Cofradía da Santa Vera Cruz y que se vistían cu alba que é a vestidura o túnica de lienzu brancu; pa mortificarsi a modu de arrepentimentu de algun'a coisa ma que huberan feitu y levaban as andas da procesión.
Sería interesanti indagal aus mais mayoris du lugal pa sabel si recordan que fora solu u Vernis Santu o si tamén se vestían desta guisa a noiti du Jovis Santu y si sempris se diferenciaban pur u colol du cíngulo que leva un borla enus extremus y que sirvi pa cenhil u alba.
Tamén é importanti sabel si a lista sempris se ficía apuntándusi us interesaus o si algun'a ve a lista a ficeran us mayordomus da Cofradía, de forma aleatoria o por imposición.
Mutas gracias Susana 1978, valverdeiru, salgueral y cuantus sigais dandu a vosa desinteresá aportación. Cu ajuda de tos, diremus reconstruindu u sentíu y a forma de esta figura tan tradicional da nosa Semana Santa.

Te mandu a miña ajuda por si te sirvi de algo y esti pequenu foro poda
ensinar algu a us mais grandis -tu sigue preguntandu que preguntandu se chega a ROMA-y nunca miyol ditu -porque si vamus tresandu chegamus hasta la-1ºantes solu podian ser homis -agora tamben hay muyeris-asin que si seran albarranecas- por aquilo da igualdai-2ºu que tiñan que ficel tos us hermanus cofradis eran as tareas que le tocaran a cada un
pa isu estaba u hermanu mayol u escribanu y otros cuatru o cincu mais que non me acordu comu se chamaba-eran vocais o concejais y u recaudador o tesoreiru - pa isu puñian as lista con us nomis y a tarea que le tocaba ficel a cada un-como te dici esa que le dicia sua guela-
Sobri u nomi eran ALBARRANECUS por u de alba-blancu y non se si era por por munecus por burlarsi de elis o por castigu o penitencia--dicin que ben da- edai media-que si era de cuandu expulsaran a us arabes y a us judius de ESPAÑA y us que renegaban da sua religion y se fician cristianus us obligaban a levar esa vestimenta -que le chamaban -sayon-
tamben se dici que tos tiñan esa sayon en casa que era como amortallaban a us mortus cristianus-en-a provincia de LEON en algun-us
lugaris tamen se usaba esi -tunica-sayon-o alba---a ver si entre tos nus
enteiramos de to que podamus y escribis que nus gusta leer estas coisas-
Antis se ficia u cabildu u domingu de RAMUS por a tardi nu SANTU CRISTU
se subastaban as- pernas dus santus-que eran us brazus das sandas- que ei sepa eran-u NAZARENU-U AMARRAU-DOLOROSA- SAN JUAN y a MADALENA-y us PENDON-S - ESTANDARTIS Y CRUCIS-y un-a coisa que era de tela que ei non
se comu se chama era comu un-a manga u que a leba aunque chova non se
molla y nun pesaba na u mango era finu de madeira----Se pagaba por pertenecer a cofradia -me imaginu que us probis que fician promesas
tiñan que ficel bo sacrifio- en ZAMORA hay un-a cofradia que se chama
das CAPAS PARDAS estas costumbris tamen as lebimus a AMERICA y ali a us
mais probis se les chama pardas -sera comu nu lugal que a roipa vella
se puñia parda de tantu usala non tiñan mais que esa y era quitarsa pa
lavala y puñersa otra ve-UN-SALUDU PA T@S Y YA NUS CONTAREIS DU LUGAL
QUE HABIU MUTA GENTI-AGORA QUEDA U DOMINGU QUE ME GUSTA A MI AS EMPANAS DAS MERENDIYAS DISPOIS DE TANTU AYUNO- AGORA AS PATATAS REBOZAS
US TARTABELLACUS ---(CREU QUE ENTENDERAS BEN)-BOI DE PRESA SEGUN PENSU
ESCRIBU

Esta procesion es una pasada, impresiona, el silencio y la oscuridad,
es muy curiosa la de los borracos, en Zamora y la de Jenarin en Leon
---------------------------------------------------------------------
La "Procesión de las Capas Pardas" es de una procesión muy tradicional de Zamora, y es muy diferente a las demás procesiones que se suelen ver en el resto de las ciudades en las que se realizan procesiones. Alrededor de 150 cofrades de la "Hermandad de la Penitencia" visten la típica capa parda alistana sobre traje oscuro y llevan un antiguo farol de hierro forjado. Sale sobre las doce de la noche del Miércoles Santo y la verdad es que realmente impresiona cuando empiezan a llegar los primeros cofrades con un sonido de matracas anunciando el paso de la procesión. En cuanto aparecen, se hace el silencio en la calle, y con la única iluminación de los faroles y la luna llena se crea un ambiente lúgubre y sobrecogedor. El único paso que llevan es el "Cristo del Amparo" (primera mitad del siglo XVII, autor desconocido), y entonan el Miserere popular de la tierra de Aliste, comarca a la que está dedicada esta procesión. Es una suerte poder colocarse justo en la esquina de la Cuesta de Pizarro, allí se puede escuchar al quinteto de viento interpretando músicas fúnebres y ver cómo giran el paso para tomar la curva. MundoVision

Ahí vai otra pequena colaboración, us barrenecus, solu sacaban us santus u jovis y u vernis santu.
Y as empanas, he verdai que estaban estupendas, pero a mí me gustaban mais us fornazus, que eran mais grandis, rellenus de carni guisá, se me está quendu hasta a baba, solu de pensalu. Boas noitis y soidi pa t@s.

Si se vistian u jovis y u vernis santo-y u vernis se dicia -a procesion
Du santu enterru y solo se sacaba a madalena-san juan detras y logo a urna o sepulcru y a ultima era a virgen da soleda en esa non se cantaba
Era a procesion du silencio-us zagais y as zagalas iban con san juan y
A madalena y un barranecu iba puÑendo orden y silencio detras de a urna
Y da virgen(que esi dia se le cambia u velu i u mantu bordau que leva u
Jovis por otro que e de lutu negru)u vernis a virgen vai arrima a urna
Primeiru van as muyeris y us ultimus un homis-se levaban as lirternas o farois que tamben se puÑian nas ventais y balcons---que us habia ben
Lindos con cristais de coloris y distintas formas----y tamben se levaban
Cirios y velas de cera -se le puÑia as vela un cucuruchu de papel pa que non se apagara si ficia airi ---u jovis e a procesion dus encontrus
Que esi se siguin ficendo igual -solo que agora ya vai toa a genti
Rebulla--tamben habia mais congregacions y asosacions estaba a du corazon de jesus as de accion catolica y de hijas de maria y algun-a mais-toas tiÑan bandeira o estandartis y insignias y escapularius cintas
Con medalla y con us hinnus correspondientis-de esis teÑu ei algun-
Tu si ques dil antis --de 1850 --tes que dil a igresia y u cura te ensina u que queiras y si ques buscalu tu- ya se poi entrar en us archivus da diocisis -solo con-- d n i--nos e coria caceres-en a de ciuda rodrigu ya entras fai mutu-a ver si nus contan algu us que foran
A u lugal y a ver si ya se podin puÑel as fotus nu foru que dijeran que
Que non se podian puÑel hasta nova orden-ba-cuco--vaya si se aprendi de
De tos -iso da matraca tamben tiÑamus na igresia y us pequenus tiÑamus
Un-a carraca que se tocaba por as callis pa tocar as procesions -porque u dia de jovis santu despois da misa se perdian as campanas y hasta que
Non resucitara no seÑol ya non se volvian a a tocar-soidi y bexius pa t@s

Me gusta esti foru porque a genti colabora y participa. Tendu foreirus comu vos non se necesitan as redis sociais.
Veo que pa tí se chaman ALBARRANECUS. Perfectamenti, en femeninu podemus dicel comu tu has apuntau.
Realmenti vistirsi desa guisa enas festas de Semana Santa, é pa ficel penitencia. Visitu us archivus históricus cuandu tenhu tempu, que é mais ben poicu y por supostu u da diócesis de Coria Cáceres. Me gustaría recopilar datus das Cofradías que ya non exitin ademais da Cofradía da Vera Cruz. Y cuandu disponha de suficienti información da cual é muy valiosa tamén a que me chega das persoas comu vos, a daré a cunhocel.
Us primeirus penitentis tal ve, comu tu apuntas; tuveran que vestirsi pa limpal us pecaus. Mais tardi diría cambiandu u sentiu y se apuntaba a genti pa dal gracias pur algún ben cunseguíu.
Non estoy seguru de qu´a vestimenta dus albarrenecus/rranecus tuvera que vel cu "sambenito" qu´era a ropa de escarniu qu´u Tribunal da Inquisición mandaba ponhel aus condenaus pur delitus religiosus.
En principu "u sambenitu" non debía de sel de color brancu porque estaba feitu de tela de sacu y levaba un´a cruz de San Andrés.
Du que tenhu vistu hasta agora da Cofradía da Vera Cruz, us penitentis, a principius du siglu XVIII, seían ena procesión du Jovis Santu.
Agora queda por sabel, si us que seian entoncis eran por mandatu da propia Cofradía o a voluntai.
A bica se ficía tamén cu sentíu distintu au d´agora y non se entregaba solu a bica, tamén había queisu y vinhu.

Te felicitu, De_ valverdi, por u tei interes en indagar coisas y datus relacionaus con a Historia de Valverdi. Tamén agradezcu a Putigas , asi como a us demáis , por a sua aportación a u Foru, caso sempri con datus ben documentaus y que facin , como di De Valverdi, que esti foru este vivu.
Dentru de ná chegaré un-a vé mais a u lugal. Esperu que esta Primaveira esté tan floría como a u de anu passau
Soidi pa tós

Contestandu a de-valverdi--ei e voltu a leer to u hilu sobri-albarranecus y naidi nombra a- sanbenitu-a ver si te mandan por otru foru y te as confundiu a u mandar a contestacion-san juan y a madalena
son us unicus santus que nombru ei y ba-cuco solu fala de-capas pardas-
de zamora-y da matraca-que me fizu acordarme -das carracas ----otra coisa
que se ficia na semana santa -era u monumentu- que esas pinturas inda pois velas -en un-as condicions de pena si non as an restaurau desde que ei as vi-tamben se tapaban a tos us santus da igresia con mantus negrus entoncis habia mais de 20 imaginis y un-us preciosus retablus y ali non queda na--isu que dicis que ademais da biquiña de no siñol tamben daban quexiu y viñu e a primeira ve que u barruntu ei-bueno sigui indagandu y si estas nu lugal hay muta genti de mais de 90 anus
y con boa memoria y te contan to que le preguntis y con mil amoris....
Salgueiral que teñu que ficel ei?tu non contis con dil u ceu-quen ten que dal u pescozon ?comu tu dicis---dicis que vas pu lugal a ver si poñu
algu da primaveira da amiga ya que este e u anu internacional dus bosques y e tamben u anu dus mochus-MOCHUELO-que estan desaparecendu -nu lugal ya non se ve un-a garrapiña- CERNICALO-a que se eita de menus
e a txoni rojo -ludo ten que saber por dondi anda esta nu lugal?----
esa fotu dus cuchininus e preciosa y un-a perdi con tos us perdigons correndu que se se as pelan detras da madri que atravesa a
carretera? esa fotu tamben quedaria ben linda, ei non fui capa de ficela
soidi y saludus pat@s

Dicin as enciclopedias:
El sambenito es una prenda utilizada originalmente por los penitentes católicos para mostrar público arrepentimiento por sus pecados, y más adelante por la Inquisición para humillar a los condenados por delitos religiosos.
U motivu de falal du sambenitu é porque tu dicías u que pegu a continuación nesti fíu (hilo):
“...si era de cuandu expulsaran a us arabes y a us judius de ESPAÑA y us que renegaban da sua religion y se fician cristianus us obligaban a levar esa vestimenta -que le chamaban -sayon-”
Pur otru lau ba_cuco mus ficía un'a preciosa descripción da “Procesión de las Capas Pardas”.
Tantu a tua mención au “sayón” pa distinguil a us que non eran cristianus, comu a figura das "capas pardas" que nombraba ba_cuco, me trajeran a memoria u tema du “sambenito” porque desa guisa vestían enus autus de fé da Inquisición as persoas que eran condenás. Aquelas que non as pasaban pur a pira y as queimaban, vistían pur un tempu u sambenitu y tinhan que leval un ciriu ena man.
Colega Putiga deseu que esta aportación minha sirva pa aclaral u tema du “sayón” y vus agradezcu a toas as persoas que participais nesti foru, de toas aprendemus algu y toas mus animan a seguil ficendu praza. Tamén preguntu as persoas que mus levan dientreira en anus porque tenhu a sorti de vivil nesti encantu de rincón.
Un abrazu sin distinción pa toa genti.

Colega de-valverdi-dicin as enciclopedia:
1º sayón-administrador de justicia de la edad media,entre otras funciones,citaba a juicio a los acusados.
2ºVerdugo que antiguamente ejecutaba a los condenados.

3ºcofrade u hombre que pertenece a una asociación religiosa en semana santa,participa en las procesiones vistiendo una túnica larga.

Diccionario de la Lengua Española-LAROUSSE
Ben aclarau queda asina da gustu comu dici u ditu-FALANDU SE ENTENDI A GENTI-y aqui estamus pa sacar entre tos u que podamus y ajudarnus us un-us a us otrus-comu us japonesis--agora agradecerti u de <fiu> por hilu
-mira pa que veas to que aprendemus y que rico e u nosu chapurrau -tamben se poi dicel--hebra o liña-to sirvi pa u mismu pa enfiar o ligal
un fiu de oiru- un sartar de axins-o u que estamu ficendu nos -un fiu de
recordos--dicis- que teñu a sorti de vivil nesti encantu de rincon- isu si que e sorti esi rincon dus tres lugaris-un abrazu y soidi pa t@s

Istu, e,mais que Salamanca, pa,ficel on,a enciclopedia, jejejeje, me lo paso "pipa" gracias por ficel que a´miña memoria recordi us nomis que tiña olbidaus,(fiu, Hebra,Liña, enfiar, y fiu lasu) que pena que se pierdan estos dichos, saludos, Jose.-

Ay Putigas.. dami esi pescozón pero non permitas que caia nas profundidais du Avernu, ali dondi esta u reinu de Satanás y dondi tendré que purgar tos us meis pecaus. Ei queru dir a u ceu.. Si u pescoozón non e suficienti estoi dispostu subir en plenu mes de agostu, en penitencia , de rodillas , hasta u Picotu. Sería en plena sesta y sin habel durmiu na por culpa da verbena da plaza. Levare u sayón de penitenti, ná de dir a moda dus albarranecus, con roipa blanquiña de algodón bem planchá, non, na de isu, u sayón estará feitu con tela de sacus, sacaus du solu de un galiñeiru, poblaus de piollus. Debau de tal ropaji levaré us ciliccius de alambri rodeandumi to u corpu y duranti u camiñu me flagelaré as costas.
.. Y na de agua du petril o da Fonti Crespu pa refrescarme y calmar a sedi, non, levaré un-a botella de coña du mau que me ajudará a tragar us polvorons de Estepa que será a unica comía que podré tomar duranti u caminhu de penitencia..Tó con tal de redimir as minhas culpas y merecer u premiu dus justus

(Pero ei se que Putigas sabrá tel piedia d'esti pecadol y le bastará con u famosu pescozón. ¿Verdai que si, Putigas?.. Anda, sé bó , o boa, por que contigi non me aclaru.)

¡Ay Salgueiral...comu se nota que ya estas nu lugal pur isu nun as ditu
na antis-porque sabis cu picotu esta mais cerca du ceu-y nu otru sitiu estan as profundidais y aprobeitas us dias que sabis que ei fallu festas
u dia dus santus inocentis y u dia dus trabayadoris-un-a por inocenti y
u 1º de mayu porque non deju de trabayar na mais que esis dois dias--
comu se ve que estudiastis con genti de habitu y aprendestis a quilu de
que dios escribia dereitu con us renglos torcius--y encima con coña y dulcis--cuandu seria con pan y agua--ya veremos que arreglu le damus a
istu non contestas na de na-a ver si u tei non ten solucion y encima
me arrastras ami -ei si que non me aclaru contigu-me alegru que estes con esi bo humor que me recordan a otrus amigus---y durmi tranquilu que vamus a escribil sobre a primaveira y tes que ficel esas fotus que nus
prometestis y- pincha y valverdeiru ya -estaran inspiraus con
esti tempu y us demais fairemus u que podamus y veras que ben u vamus a ficel- soidi y boas noitis pa t@s

Putigas, quiero decirte que casi al principio del hilo, decías que había una cosa negra que sacaban al principio de las procesiones, que parecía una manga y que no sabías como se llama; bueno pues te contesto diciendote que precisamente se llama "manga", esta salía en las procesiones y en los entierros, la había de dos o tres colores, según para lo que fuera, al igual que otro que tambien se sababa era el llamado "pendón", que era más grande, que por cierto pesana mucho más y era dificil de llevar y más cuando hacía algo de aire., te digo esto por que fuí monaguillo, y recuerdo esto así precisamente.Gracias, boas noitis y soidi pat@s.

Valverdeiru.
Primeiru, si mu permitis dicel que me quitu u sombreiru dientri das entrás de Salgueral, a quen alguén u rebautiza como Salgueiral.
A continuación dicerti que estoy interesau enas aclaracions que fais a Putigas.
A manga ¿Tinha certu pareciu cu paraguas?
U pendón ¿Levaba algún adornu: armas heráldicas, simbología religiosa, o solu era un´a tira de tela d´un color rematá cun flecus doraus...?
¿Qué pois contarmus disu?

Solicito que sepas perdonar mi falta por no haberte contestado en castellano. Asímismo os deseo a todas las personas que alimentáis este hilo que disfrutéis de un muy feliz día.