Valverde del Fresno - Caceres

Era mei bisagüelu,homi rudu i algu secu en seis comentarius,se le cunhucia por o tiu Cándidu u du naranjal. U naranjal dibia estar riu
Figueiras arriba,cumu por as cortis,toa esa zona dibia ser um vergel
regau pur a Levadinha,esta acequia partia desdi u Petril pa movel as
norias que fician funcional tantu a almazara du aceiti cumu a du munhu
que muia us gras ficendu farinha,en sei recurriu sirvia pa regal hortus
i frutais que abundaban en bancais pa aproveital u terrenu.
Chegaran a Valverdi mei güelu cum mei padri,inda cum poica edai,montaus
en a faca,foran a casa de tiu Luteriu que ficia carrus pas vacas,creu
que esi era o nomi,mei güelu le pidiu u favol de que levara a mei padri dondi sei güelu pa que u conhocera,el num diva,a relación entri genru
i sogru dibia estal mui delicá.
Partiran pur u ponti velhu,chamau tamén San Pedro,subindu por u riu arriba pasaran pur u pucinhu dondi lavaban a ropa zagalas i num tan
zagalas,en esi preguntal que temus enos pueblus dijeran.
¿ Dondi dis tiu Luteriu cum esi zagalinhu,de quin é?
E de Rufina a de tiu Cándidu,voi lá que num conhoci inda u netu.
Di cum Dius,se quedaran lavandu i cum suas cunversacios.
Mei padri habia naciu setimisinu eno anu vinticuatru do siglu pasau,
habia sobriviu por casualidai,pos se salvaban mui poicus ia que num
existian encubadoras i demais coissas.
Siguiran subindu,pasaran otru ponti,subiran paredis i por fin chegaran
ao naranjal,dondi se encontrára regandu o tiu Cándidu.
Tiu Luteriu diju,bos dias tiu Cándidu.
Que te trai pur áqui,diju u tiu Cándidu.
Vos traiu u netu,filhu da vosa Rufina pa que o conhozais.
I dondi s'aquedau sei padri,ena taberna claru,comu sempris.
Buenu,buenu,cumu te chamas zagalinhu,diju o tiu Cándidu.
Me chamu Naziu tiu,diju mei padri.
Num me chamis tiu,soi tei güelu.
Si güelu,diju mei padri cum mais meu que vergonha.
Um poicu escasinhu estas,mentras falaba se habia agachau i cujiu
um'a naranjas d'as queidas no solu i se la do au netu,num hubu
otru ademan de carinhu cumu fora um beisu o um'a caricia.
Tiu Luteriu rompeu aquel diálugu dicendu,buenu tiu Cándidu,vamus
lá que tenhu muitas coissas que ficel,num hubu mais palabras i
agarrandu a mei padri d'a man volveran por dondi habian vindu.
Asina foi o encontru du netu i sei güelu,hoxi incumprinsibli,pos
ei soi ia güelu tamén i estoi deseandu que me traian u netu pa
jugal cum el,e a ilusión d'a casa i de tôs.
Num fagu mais comentarius,siria u caráctil d'os serranus d'a época.?
Sin palabras,cumu us bos chistis.
Soidi pa tôs.

y tei padri que te dicia de este encontru NACHITU. he certu que antis non se demostraban u cariñu comu agora,afortunadamenti isu a canbiau y se di que se quel mais us netus que a us fillus,ei isu non u se por que non teñu netus,pero e certu que meis padris han consentiu a us netus to,ei he vistu a mei padri tirau en u solu sugandu con us meis fillus,isu con non u fizu nunca con niñuñ fillu sei jejeje que coixas.un saludu

Que historia mas curiosa, y el caso es que esos nombres me suenan, jejejeje.
Choni, a us netus no se querin mais que a us fillus, se querin de otra menera, ei teñu un de 10 anos y, adiel i oisi a estau en casa, pa mi a siu un dia de festa, Ludi le trajo umas castañas du Vierzo, que reculleu cuandu ficiamus u camiñu de Santiago a sema pasa, isu pa´el e un gran regalu, e du seis aguelus, jejeje, us netus pa us aguelus e como un juguete pa us zagalis, antis decia que e a cama de sei padri, agora dici que a sua cama, y sei cuartu, ei u chamu, "Tuerce botas" y el ami " Abuelo gruñon" jajaja es un solete, Saludos, Jose.-

Te felicitu, Nachitu por a forma tan simpli y a vé tan certeira de describir as relacions que tiñan entoncis un aguelus con seis descendentis. Transmitis muta sensibilidai y seguro que ue tei aguelu, oisi, estaría muy orgullosu du sei netu, Escritus comu u tei son us que fazin este foru tan distintus de otrus dondi se apela a controversia mais inutil.
Un saludo de te paisanu Salgueral

supoñu que ten que sel comu tú dicis ba_cuco,por que ei srmpris digu que us meis fillus us he pariu son un cachu de mi,asi que us netus se tenin ue querer mutu peru de ota forma...jejejej,un beixu pa ludi y otru pa ti...dondi andara flordejara?????????