Torre de Don Miguel - Caceres

No beu nenguna combesación en ehti foru ehcribia en Ehtremeñu, ehcribil argu sobri la muehtra palra yo so bahtanti retirau de Torri de Don Migüe y aqui ehtoy ehcribie3ndu en la buehtra palra. Asociación Curtural Pablu Gonzálbih. Un salúu.

En el otru foru, en el que desapareció pol razonis que s´escapan a mi entendimientu, había un jilu enteritu dedicáu a palral en torresneru. Argunus dicían que era una cosa de paletus, otrus dicin que namás que decíamus que mentiras. Buenu, tieni que habel paeceris pa tó, peru esu no va a impedil que argunus sigamus escribiendu mal que les pesi a otrus.Y al que no le gusti que le echi azuca.

Te voy a preguntal de la mesma manera que tú escribis, aunque un pocu más comu se habraba en mi puebru: esprícame argu sobri esa asociación de la que dicis “Asociación Curtural Pablu Gonzálbih” dami arguna información o si hay argún enlaci dondi espriqui de qué se trata, me interesa.
Quédate saludau.

Ehta asociación tieni doh añuh de bía, mosotruh queremuh ayual arecuperal la muehtra palra, pol lo que muehtrah ahtibiaih son: Recitalih, teatru, villancicuh, charlah, declaración del día de la palra, día de la lertura, tamien informamuh a henti que quiera hadil asociacionih comu ehta, y hadil comu loh ahturianuh con el Babli. Si quierih sabel máh, pica en MARABAHAH O EN ASOCIACION CULTURAL PABLO GONZALVEZ. Un salúu.

Gracias pol contestal y dalmi información, ya me he puestu al corrienti de la asociación esa y me he empapáu bien; argunas cosas ya conocía y a argunus escritoris extremeñus tamién, asina que si no tienis inconvenienti informa cuandu haya argún actu o cosa extremeña.
Un salúu

ola amigu mosotruh ponemuh un articulu en Ehtremeñu to loh mesih en MARABAHAH, y referenti a loh ahtuh cuasi siempri ahtuamuh en Miahá y antoncih loh ahtuh loh pueh bel en´a WWW.LAREVISTADEMIAJADAS.ES. abel si boh animaih pol buehtru puebru y hadih comu musotruh una asociación pa que no se pierda el Ehtremeñu, acontinaremuh en contahtu.Un salúu.

Aquí pongu un poema en castúu qu´escrbí jadi unus días; lo iba a habel puestu en el otru foru peru "s´acabó la divelsión, llegó el comandanti y mandó paral ". A mí tamién me gustaría que nos habrasis de esa asociación, m´interesa el tema.


Galral Castúu


Amigus y paisanus
D´esta tierra estremeña,
Hoy vos vengu a galral
Con esta lengua amena.
Castúu lo llaman argunus
A esta bonita manera
D´ enhilal los vocabrus
Con tinu peru sin priesa.
Las normas son mu sencillas,
Ya me lo diju mi agüela:
“Pa galral esta jerga
No precisas d´il ascuela.”
S´aprendi ensiguía
En caminus y en vereas,
En las prazas y las callis,
En la igresia o la tabelna.
No tieni dicionariu,
Gramática o cicropedia,
Solu tiene el cariñu
De la genti bellotera.
Deminutivus en inu,
En ina si es mozuela,
Las jotas y las esis
S´aspiran d´igual manera.
Las erris y las elis
Dambas de dos s´artelnan
Sin concieltu ni medía
¡Allá que te las veas!
Las íes y las es finalis
De la lengua Cervantera
Por úes y oes trocamus
Anque a muchus le duelga.
Y asina el que no diga
Jachu, jigu o jiguera,
Ciertamenti t´asiguru
Que no es de la mi tierra.


Un torresneru.

Ole, ole, los extremeñus de la torri!!!mu bonita la poesía dagal, asina es tó comu tu bienlo dicis en tus versus, si lo que yo digu , en la Torri hay mu güenus artistas!!!

Yo pongu un villancicu extremeñu:

Yo vi con los mis ojinus
yo vi de su resplandor (bis)
de la estrella que anunciaba
el nacimiento de Dios (bis)

ESTRIBILLO
En nuestra majá de Extremadura,
jacemos jolgoriu con la
zambomba, con el almiré,
con pandereta.

Los pastores de Belén
ellos jueron los primerus (bis)
los pastores extremeños
decimus también te quieru (bis)

Madre que penina tengu
de no habé siu pastor
de aquellos que allá en Belén
vierun al niñu de Dios.

Pos siqui que anda la cosa regüerta con el asuntu del estitutu. Hoy hubu una manifestación que partía dece el estitutu de Hoyus hasta Peralis (comu dicin en mi puebru: ves Peralis, ves los demás lugaris). Pos ná, que los edilis de casi tos los puebrus afectáus han acuyíu a la protesta menus argunu que otru que ya vos podéis imaginal quien es... En argunus lugaris los ayuntamientus han puestu autobusis pa que la genti que se quisiera desprazal lo hiciera, en el nuestru no. Comu el arcardi no está confolmi con las reivindicacionis, pos ni autobusis ni pancaltas ni ná de ná. Al menus, anque él no es de la mesma opiniòn que los demás, podía habel-li dáu a los vecinus que quisieran il la oportunidá de poel jadel-lu en un meyu de traspolti pagáu con los cuartus púbricus, que las perras del ayuntamientu no están sólu pa lo que a él se le antoji que está bien. Peru craru, una vez más mos tenemus que joel y aguantal lo que decida el caprichosu esti, que se piensa que los demás somus tontus del culu y no tenemus capacidá pa pensal y decidil pol nosotrus mesmus.

Peru güenu!!! A la genti de la Torri no le jaci farta que le pongan autobusis!, ellus solitus son capacis de apañarsi el viaji pa defendel lo que ellus crein que es justu, peru si es asina comu tú dicis que han estau “ casi” tos los arcardis, menus argunus, esu me güeli a peloteu políticu. Craru ... craru... ahora entiendu ...!!!

Ya sé que a la genti de la Torri no les jadi farta que naidi les ponga un cochi pa il a ningún sitiu, peru pa estas cosas multitudinarias comu las manifestacionis que defiendin causas comunis y justas y otrus eventus los ayuntamientus suelin estal con los sus vecinus y los apoyan de arguna manera, comu por ejempru poniendu un autobús. Peru craru, aquí en esti puebru es la genti la que tieni que bailal al son que toca el arcardi y no al revés, que pa esu sabi más que naidi y no se le puedi ni cretical. Ya ves lo que comentó el otru día en otro jilu de esti foru, qué quiénis éramus nusotrus pa cretical la su gestión, comu si él estuviera por cima del bien y del mal y juera el ser perfectu que to lo jadi bien. Pos cormigu lo lleva craru, polque piensu decil to lo que crea convenienti sobri la su gestión, esu que le quedi craritu. Y si no le gusta pos que s´aguanti, que esu jademus los demás.

Decía arguien en otru apartáu que er Berlusconi, no podría comelsi el turrón, piensu yo que con los adelantus que hay, los dos dientis los tieni puestus en un santiamén; ahora que vaya puntería tuvu el que le lanzó la réprica esa de la catedral de Milán, menus mal que solu jué con la réprica que sinó...

Por aquí jaci tamién muchu fríu, esu dicin,pues llevu sin salil de casa unus diinas, estoy con la gripi, no sé si la A, la B ó no sé cual, peru no vos preocupéis que me he puestu los guantis pa tecreal, no juesi se vos pegara argu.

La propuesta de las uvas y er cava, no estaría mal que el ayuntamientu se estirasi un pocu y ver allí a tos los vecinus brindandu por el añu nuevu.

Tati ahí acurrucaínu en casa, dagal, y no tengas priesa en curalti esa gripi que pahí juera jaci un fríu que se quea unu to arrecíu. Andu mirandu el parti del tiempu en el televisol y pa mañana da nievi paquí.
Me paeci bien esu que andáis diciendu de tomal las uvas y el cava en la praza el día é nochi vieja, peru pa esu tendrán qu´arregral el reloj del campanariu, que el probi da las horas igual que si estuviesi
acansináu y las agujas no se menean del mismu sitiu dece jaci más de un lustru, que paeci comu si se hubieran quedáu paralíticas, las probis.
Ah, y el cava que sea extremeñu, craru, a vel si vamus a sel nusotrus tan tontus de consumil cava catalán cuandu ni siquiera el Lapuerta esi que es presidenti del Barsa lo toma en las celebracionis que jaci. Digu yo que algu malu le pondrán cuandu ni un catalanista comu él se atrevi a probal-lu y prefieri jincalsi unus güenus tragus de champán francés.

Craru, craru! er cava extremeñu, que está bien güenu y naita que envidiarli ar catalán.

Venga!!! otru villancicu!!!

EN LA MAJÁ
Este villancico ha sido proporcionado por el grupo de folklore "El Trigal"

ESTRIBILLO 1
Los pastores de Extremadura en la majá.
Los pastores de Extremadura en la majá.
Festejamos al Niño de Dios,
Como nadie le canta esta noche, Nochebuena.
Festejamos al Niño de Dios
Como nadie le canta esta noche, Nochebuena.

ESTRIBILLO 2
¡Que algarabía, con la zambomba!
¡Venga juerga, venga cantaleo,
en la Noche del Niño de Dios, Nochebuena.
¡Venga juerga, venga cantaleo,
en la Noche del Niño de Dios, Nochebuena.

Los pastores de Extremadura en Nochebuena.
Los pastores de Extremadura en Nochebuena.
Nos asamos nuestros corderillos.
Nos echamos sus buenos traguillos
y venga a cantar.

De la nievi que daban en el parti na de na, muchu ruidu y pocas nuecis. Con las ganinas que tengu yo de que paquí caiga una nevá de esas de las d´antañu pa que disfrutemus un poquinu. Ya sé que a argunu no le jaci gracia nenguna esu de la nievi, porque trai muchus desbarajustis, peru no más que sea un par de diínas pa que los dagalinus juguerretéin y se lo pasin de rechupeti. Lo que sí sigui jaciendu es un fríu de esus que jacin rejilal por dentru. Adondi mejol s´está estus días es metíu unu en casa sentáu juntu al braseru de picón de paliqui, viendu la teli, jugandau al tuti o leyendu un güen libru, que a mí esus juegus moelnus de las consolas no me petan muchu.
Güenu, dagalis y dagalas, vos deju y me voy a cenal, que hoy me he jechu unas migas con chocolati pa chupalsi los deus y no quieru que se m´enfríin.

Espera sentainu a la nievi que yo creu que esti añu argu cai, a mí tamién me gusta muchu, jugal con ella y jacel argún muñequinu.Me acuerdu que antañu, que argu más nevaba que ahora, la genti subía por las gateras a cogel la nievi a los tejáus y jacían lechi helá, y debía estal bien requetegüena, esu sí, tamién bién fría...

Me ha dau envidia de las migas, asina que comu no tengu pan atrasáu, me voy a jacel unus buñuelus con chocolati, a vel si calentamos argu el cuerpu, que he llegáu con un fríu de la calli que pa qué.

Ayel esclibí un cahinu en esti apaltau der foru y resurta que no apaeci pol ningún lao,sabra perdiu en er caminu o sabi Dios dondi sa metiu. Comu estu qu'estoy esclibiendu ahora mesmu no sarga no güervu a esclibil naita mas.
Ya no macuerdu de lo que pusi ayel, peru el conteníu era sobre er friu y la nievi. Si argunu quieri vel nievi que sa cerqui pal puertu e Peralis y pallí hay de sobra,hastau la carretera colta pol esi motivu.
Tamién decía que en Nochivieja vamus a estal en la praza un grupu e genti esperandu que mos den las doci campanás pa comelnus las uvas y bebelnus un bochinchi e cava o de vinu e polienta, que paesu lo tenemus der güenu y nos sali mas baratu.
Comu no sé si estu va a salil ya no esclibu naita mas pol hoy, no sea que pielda er tiempu danduli ar tecrau.Que tengáis salú y no vos pilli l gripi.

A vecis no salin los mensajis polque se poni una palabra malsonanti y el filru del chismi esti no lo deja aparecel. Ya ves tú qué bobá más grandi, comu que no hay maneras de decil bicharracus y habral mal de la genti si unu quieri sin usal palabras que se consideran habitualmenti como tacus. A lo mejol en lo que escribisti se t´escapó un coñu, un cojonis o una hosti... Creu qu´escritu asín, en Torresneru, la inteligencia de la máquina va a queal bulrá. Lo mismu jacían los americanus en la segunda guerra mundial, transmitían los mensajis en las lenguas de los indius pa que los japonesis, que son mu chiquinus peru mu cucus, no se los guiparan.

Vaya sustu esta madrugá, no habéis barruntáu er terremotu ahí en la Torri?yo aquí sí, jué mu poquinu ratu, y hasta esta mañana no lo supi ciertu, pues comu vos diji andu con la gripi y pensé que los tembroris que me entrarun por er cuerpo era de esu, hasta que comentándulu con más genti esta mañana, tamién le habían pasau, jué poquinu ratu , peru me asusté pensando que estaba peol de lo que creía.

No, pos paquí no s´ha barruntáu na de na. Esta mañana lo escuché en el arradiu cuandu me disperté, peru no sentí na en to la nochi. A lo mejol es que tengu el sueñu tan profundu que ni siquiera un terrememotu me pertulba. No quiera Dios que mos toqui una desgracia de esas, que ya veis las calamidadis que salin en el televisol ca vez que ponin las imáginis de argunu de esus sitius dondi ocurrin estas cosas. Bastanti terremotu tenemus ya con la crisis tan grandi en la que estamus metíus paque encima mos toqui esta "lotería".

Amigu muchiah graciah pol indilgal ehti billancicu en el foru, musotruh la Asociación Curtural Pablu Gonzálbih tiniamuh ehti billancicu grabau peru no en pape, ya lo emuh arricuhiu pa cantalu a otru añu, abel si ponih otru apaeciu a ehti pa hadil igua y asin cantal-luh a otru añu.Un salúu.

To loh mesih corgamuh en el bloh EL PERIOICU EHTREMEÑU un indigui en ehtremeñu, pal que quiera dinguelal-lu.

Acabu de vel er tiempu que ha jechu en La Torri, y jolinis qué friu!!! -6ºC,estaréis tós metiinus en casa ar braseru, aquí tamién ha jechu fríu, yo no he salíu ni a por er pan, tenía pan bimbu y con esu me he apañáu.
Ha neváu? En er papel que he vistu, pintaban unus copinus.
Güenu que paséis la nochi tranquilina y a vel si estus fríus se carman un pocu, pos los costipaus y la moquilla no se acaban de quital.

Tamién me he enterau, que sa muertu la tía Locadia, la probi ya dejó de penal, desde aquí le doy er pésami a sus hijus y a tóa su familia.

Hoy va de pésami, ahora mesmito tamién me he enterau der fallecimientu de la María la Piba, mi más sentíu pésami pa sus hijas y familia.

Jolinis, comu sigamus así mos vamus a queal en el puebru más solus que la una. Peru buenu, comu se sueli decil, es ley de vida y tos, tardi o tempranu, hemus de dejal esti mundu.
Urtimamenti estoy mu contentu con la nueva cilcunvalación, polque además de que los cochis grandis y los camionis que se dirigin a Gata ya no teinin que pasal por en metá ´er puebru y ya no jacin estropiciu en las callis, han puestu unus cartelis mu grandis en los que se lei bien craritu er nombri de la Torri. Menus mal, polque hasta ahora había unus cartelinus chiquininus que apenas se veían y los forasterus que llegaban o pasaban por aquí no sabían ni adóndi estaban y tenían que preguntal al primel vecinu con el que se topaban.
No puéu decil lo mismu de la juenti del Guresu. Jaci unus añus intentarun sacal-la en condicionis y jicierun un pilón chiquinu con un cañu. Peru no sé cómu ni quién tuvu la ocurrencia de jacel-lu a más artura de dondi sali el agua. Resurtáu, hoy tenemus una juenti corganti
que no sirvi pa ná y el agua sali por debaju del pilón comu queriendu esquival esi horribli engendru que parierun. Y ahora si la genti quieri bebel, tieni que acachal las costillas comu si estuviera cogiendu acetunas. Peru craru, no to´l mundu puéi acachalsi, que en er puebru más é la metá de los seris que lo habitan ya van p´arriba en edá y no tienin ya los sus güesus pa jacel talis ejercicius aléticus. Y es una pena que un agua tan rica no se puéa saboreal pol tos los vecinus. Paeci que esi cachu del Guresu al prencipiu se tomó con muchu entusiasmu, incrusu se compró una finca privá por un oju de la cara y to s´ha queáu en agua de borraja. A vel si ahora que hay mejol accesu a través de la rotonda Cagona se adecenta aquellu un pocu mejol comu zona d´esparcimientu.

Desde esti jilu extremeñu quieru desearvus a tos los paisanus y en especial a los que lein y escribin en esti foru, unas felicis navidadis y un añu llenu de paz y armonía,y si pue sel que nos toqui la lotería a vel si esta crisis la jacemus más llevaera y pol supuestu que no nos farti la salú que es lo más prencipal.
Felicis fiestas pa tós.

La henti mayol se mueri comu loh hobenih, peru a mi me da muchia pena cuandu lah ehpicha un mayol, primeru pol pesona y segunderu polque elluh son bibliotecah andantih, y cuandu fallecin eh una pesona menuh qu´acabiha de palral Ehtremeñu.
Felicih fieh a toh.

Pa mí que los que escribimus y leemus esti foro somus poquinus. La lotería comu siempri ha veníu escasa, o más bien nula polque esti gorpi no he pilláu ni rintregus ni pedreas. A vel si pa la lotería del niñu hay un poquinu más de suerti y arrepañamus argu. Ya llevaba unus días sin escrebil aquí polque no me dejaba entral sin registralmi y anque intenté hacel-lu, no sé pol qué caraju tampocu se me activaba la cuenta. Total, que con un poquinu de retrasu yo tamién quieru felicital las fiestas y deseal un añu nuevu llenu de alegría y prosperidá pa tos los torresnerus, especialmenti pa ti, adelfilla2010, que eris de las pocas personas que lein y escribin aquí.

Tampocu a mi ma tocáu naita de la loteria, otrus añus ar menus pa un café y arguna copina, peru ogañu, naita, asina que me he quedáu más probi, pos he perdíu to lo que jugaba, peru comu sueli decirsi por estas fechas, que tengamos salud y trabaju, que en estus tiempus que corrin son la mayol lotería.
Der puebru tamién llevaba argu, peru tampocu ha caíu na, asina que echaremus ar niñu y sinó a vel si hay más suerti al añu que vieni, quién no se conforma es porque no quieri.

No boh precupih polque no boh aya tocau la lotería enque a naidi l´amarga un durci, peru lo qu´ai que piil eh salu que tiniendu salu aluegu el dineru bieni trebahandu. Felih hañu a toh loh palrantih d´e hti foru.

Feliz añu nuevu pa tos los forerus y paisanus.

Güenu, paisanus, pos ya empezamus otru añu que esperu que venga cargáu de cosas güenas pa tos nusotrus. Siempri se dici que añu nuevu vida nueva y to´l mundu empieza el añu con güenus propósitus, peru yo que ya tengu unus añus ya no me jagu nengunu, asín luegu no me quea esa mala concencia que se sueli tenel cuandu s´abandona el propósitu. Y encima argunas vecis hasta te cuesta las perras, pos te compras una bicicreta estática de esas que no tienin rueas o argún artilugiu parecíu pa bajal la grasa que s´acumula en estus días navideñus y dispués a los cuatru días l´abandonas en el sobráu o en la cochera pa que sirva de cobiju a los morgañus. Yo creu que lo mejol de to es vivil el día a día y dejalsi en paz de toas esas pamprinas que no van a sitiu nengunu.

Felih hañu a toh loh foreruh qu´indilgan a ehti foru suh cuitah y demáh cosinah,peru boh quieru proponel una cosina, en bihtah de qu´ae güena henti boh propongu hadil dehti foru un encuentru de toh loh palranti d´ehtremeñu de la comunuá ehtremeña.Alanti con la muehtra palra. Un salúu.

Amuh alla ombbrih no soh enfriih qu´aluegu cuehta muchiu trabahu encomenzal. Un saluinu.

Guenas nochis, pa empezal, acabu de vel esti foru y he queriu pasal a saluaros. Hadi muchu friu toy viendu en la Torri, aqui andi yo vivu la nievi ya midi una cuarta. Madrita mia que friu. Mos cuyaremus bien pa no acatarralnus.
Besinus pa tos.
Tajuela.

omu l´abih pasau pol ai con´a niebi, pol Cazrih ehta mañaa an caiu unuh copinuh mu chiquirrininuh. Salinuh pa toh.

ja ja ja, me parece original como hablaís, yo tengo familia en HERVÁS y nunca he oido hablar así, ¿sabeís si por allí se habla o en los alrededores?
Vuestro pueblo no sé donde cae...

No boh desamih polque moh pongan barbariaih encontra de la muehtra palra, mosotruh a siguil palrandu la muehtra luenga. Un saluinu.

esta mañana me preguntaro si se dici dagal o zagal. Yo le diji quen el diccionario pone zagal, pero quen la torri se dice dagal,dagalinu y dagalina.

Otru gorpi han vuertu las lluvias, esti añu vamus a raneal bien en los ríus y en las arbercas.

Otra nochi de friu, en Torri ya man contau que tamien. Esti invielnu ehta siendu largu ya.
Loh calnavalis mu divertius y lah amah de casa, vamus son lo mas de lo mas. Un saluo pa toas ellas.
Tajuela.

Amiguh de Torri ehti añu no boh poih quehal pol farta d´agua, boh baih a soñal con ella, y aluegu idin ehtuh entendiuh en chambu climaticu qu´ehtu ehtaba chambandu, poh s´an equibocau. Un saluinu pa toh.

Solu queria envial un saluu a toh loh ehtremeñihtah de la Torri pa que sigan escriviendu y ablandu comu sabin,
que ca veh quea menuh genti que sepablal comu antiguamenti y ehtu tenemuh que conservalu pa que no se moh pierda en el olviu. queh mu bonitu recoldal comu ablaban loh mayorih y sehta perdiendu. YO SOY EHTREMEÑU

´Güenu amiguh de Torri, tenih qu´entral en´l foru de Plasencia ae un güen debati sobri la muehtra palra, no ehemuh de participal polque antoncieh ehtu s´apaga y eh lo que quieri muchia henti. Un saluinu.

mae pos lu dagal, lu di ke cojonis andais habrandu?

Amiguh del foru ehtu s´a parau un poquinu,l´Asociación Curtural Pablu Gonzálbih boh embita al omenahi que en onol del Pueta Grabie y Galán se ba a hadil en Miahá el Sabau 24 d´Abril a lah doci orah. Un saluinu.

Amiguh de Torri, abel que pasa qu´ehti foru ehta mu parainu.El Sabau día 24 d´Abril a lah doci orah se ba a celebral en Miaha, un omenahi en onol al pueta Grabie y Galan. Un saluinu.

Y´ahtamuh con el dehganu ehtremeñu, cohemuh lah cosah con tanta priesa qu´al final paramuh en secu, ae que sel cohtanti enque s´ehcriba poquinu a poquinu.Un saluinu.

pos lu que crase de habra es esa asina no es -parez caida por las aguas .me se a defarataoel portillo

Amiguh de ehti foru abel si m´endilgaih unuh billancicuh con ehtribillu que sean no mu longoh. Un saluinu.

que es eso de la buehtra palra