San Martín de Trevejo - Caceres

Respectu a o tei mensaje muy claru, precisu y respetuosu en dondi afirmas que soy filosofu, teñu que idirti que NUN E CERTU aunque andi sempris buscandu "os tres pes a o gatu"
E pusibli...¿coñocis esta direccion en a que sai a tua filla en un video aplexextremadura.com/biblioteca/videos.htm

Pensaba enviarti esti mensaji telegraficu
y na mais, sin embargu, no se si o lugar para fer a siguientis reflexios que se me acaban de ocurrir, o fayo con dudas pindoti de antemandisculpas si te puera ofender:

Un FORU e un lugar de debati, de diálogu, de polémica...
En un FORUM nun debi existir censura ninñua, na de temas tabus: Arti, Ciencia, Religion, Politica, Sociologia etc etc..y concretamente en esti de San Martin, o mais importante, creu ei, e exprersarnus en a nosa y o IDEAL siría: DIVIRTIR, ENTRETER...
pero o problema se presenta cuandu un forista se toma a crítica en o aspectu persoal y en lugar de debatir INSULTA.
Tu pos idil o que te de gana sobre o que ei escriba, sin embargo si falas de a miña activiai profesional utilizarias un lenguajei decorosu
¿non?
¿Cúmu se explica que alguien que se autodenomina POETA recurra a un insultu en lugar de utilizar a sátira o a ironía?
¿Cumu se poi aceptar que alguen con cultura afirmi que o millor poeta de lengua castellana, Jorge MANRIQUE (¿1440?-1479) haya plagiau a un poeta árabe cuandu nun hay mutivus pa supoñer que Manrique supera
árabi?
¿Cumu se poi quear un calau anti alguin que respondi de esta maneria tan salvagi "Si tu nun entendis, ya me explicu purque te has diu a
o extrangeiru" (21-6)
"Un mañegu en o extrangeiru" domina tres idiomas, tecnicu muy cualficau de unha multinacaional que si hubiera tiu un MECENAS hoyi a suas pinturas estarían en os milloris museus do mundu.
Sei fillu que ten mutu talentu, triunfará.

¿Cuanta genti participamos en esti Foru?
creu que desde Sa martin escribin unhos cincu
Y desde fora calculo cincu o seis.
Y cumu nos coñocemus toos y de dagalitus ya poi un escondersi con o sei seudonimo, que ¡OJO! ei o respetu, pero a o final se sabi quin e.
Por ejemplu, radonamentu de j.l:
¿Quin poi escribir: "agazapau en as tellas de a casa de tia Benita...?
alguin mayor de 50 anus y que o de la "visita meca o a lugar" solo o sabi alguen do entornu de Cerrumicli.

Cuandu ei afirmu que toos os heteronmus de POLICIA PENSIONISTA (PP)son o mismo, debeiria ser mais precisu: os escritus sain do mismu ordenaor, purqui o ultimu mensaji de MALLAS..se trata de unha muller muy cercana, mutu a PG.
Sinceramenti, si ei hubiera quiriu idil PARTIDO POPULAR (PP)
asi o hubiera manisfeau. ¿Quin mo hubiera prohibiu?
Hay que saber leer, ANALIZAR, nun interpretar a prosa. Procuru escribil de maneira clara evitandu a aMBIGUAI, nun soy cumu aquel que se expresaba asi: "QUIENES PRETENDIAN GOBERNAR LA NACION SOLO DESEABAN SU BIENESTAR" nun sabemus si se trata de o bienestar de a nacion/pueblu o do particular de os que aspiraban a gobernar.

Intuyu y cumu nun teñu pruebas nun o poyu afirmar, que alguen do entornu do AYUNTAMENTU hayautilizau o ORDENAOR do AYUNTAMENTU, un ben publicu, y se esconda bayxo un seudonimu, esperu que autoriai responsable, me o DESMENTA.Que escriba o le de gana, se pña o seudonmu que queira, pero nun o faya desde un lugar que nun e da sua propiai.
Que de a cara, pero cuumu e solu unha intucion, espero que alguen da Casa Consistorial me o desminta.

Que teñas BOAS VACACIONES i esi si o sintiria que entraras aqui
tuas FOTUS son publiciai pa o lugal, pero respetu a tua decision ca cual e libri de fer o que queira.

Y sinceras disculpas por a extension do mensaji

Boas tardis
Chenchu

Vamus a vel,Chenchu,ei pensu (logu existu)que eris un poicu modestu cuandu didis que nun eris filósufu.¿Quin nun é filósufu?,¿quin nun se fai a diariu un montón de preguntas,que aún sendu básicas,trata de encontrali unha resposta?,¿quin nun emplea a radón pa descubril y comprendel a realiai das coisas que se manifestan en y por a naturaleda?.Tos somus filósufus en mayor o menor grau,ya se que mais empíricus que metafísicus o metodológicus..algu inda m'acordu da selectiviai,ya fai mais de treinta anus...
Si ei te dixi filósufu,y a Cancheira poeta,nun foi con ánimu de chanza,sólu pritindía aplacal un poicu a polvoreira que vos tendis montá entre os dois.Supoñu que o administraol de FORO-CIUDAD nun entendi na do que aquí se fala,ni de as consecuencias que poi trel istu,si non ya estábamus excluíus de esti portal.
Tamén pensu que quizás me teñas algun rencor porque ei habré manifestau certas simpatías por Cancheira,certu e que pa mí foi sempris un bo amigu(tántu cumu tu),y desde aquí vos digu que teñáis mutu cuau con as descalificaciós y os insultus.tos nos coñocemus y nun queremus que istu que empezó cumu unha nova forma de tertulia,acabi en un enfrentamentu sin sintíu.Ei ya manifistí esta mañan a miña intención de abandonal esti foru.Hay otras áreas de internét mais gratificantis que tiña deixás por entral,leer y participal en o foru...Teñu a esperanza de que tomi istu otru rumbu.
Boas tardis