San Martín de Trevejo - Cáceres

-Os interexis económicus fideran estragus enesta población duranti o siglu vinti eno patrimoniu históricu . Si a esta especulación, l’anhadimus certa dosis d’ignoracia, o caxu resulta inda mais trágicu.

Enesta fotu das ruinas do que foi o castelu de Benaventi feita a principiu do siglu vinti; s’aprecia perfectamenti a dimensión e importancia qu’un día tuvu. Exceptu a torri chamá "Caracol" (esquerda da fotu, ena actualiai, forma parti do paraol nacional de turismu), cunstruía poros "Pimentel" -finais do quindi principiu do dedaseis-. Gran parti do restu, perteneci o siglu dodi; dondi en algun-ha d’esas dependencias, imaginu murriria Fernandu II.- Aquel rei leonés qu’algu tuvu que vel eno origin da fala.

Siglus mais tardi, as tropas napoleónicas, o incendiorin i derruiran muralhas, hasta queal mais o menus cono aspectu qu’apareci ena fotu. Pues, así permaneci duranti o siglu dedanovi, hasta o primel terciu do siglu vinti que se tira pa fel jardís, paseus i algun-ha que otra vivienda.

De nun habelsi cumitíu esi dexatinu, hoixi tindría un interés enormi, comu mutus lugaris de Castilla i León que tuveran o acertu de conservalos.

Forti abrazu

PD.A fecha da fotu é a d'envíu.