San Martín de Trevejo - Caceres

estas son un.has pequenas reflexiôs sobre o día de TOS OS SANTUS, en o que, cumu sabéis, se acostumbra a honral a os difuntus, a os nosus ancestrus que nos precederan, que nos formorin, que nos educorin, os que nos insinorin esti mañegu, de o que tôs nosottrus estamus muy orgullosus.
Vaya pâ elis, miña consideración y respetu, a sabiendas, creu ei, que dispois de nosa generación, é pusibli que se ulvii a memoria de aquelis que nos perecederan. Así o veu ei agora en a juventú actual. Claro, elis aún o ven muy lonxii, otrus, por ley de vía, cumu aquel que didi ya temus un pé en o estribu.
Boas tardis, y forti abrazu

VI.- DÍA DE TOOS OS SANTUS

S´han limpau as sepulturas
con floris s´han adornáu:
o campusantu ha queáu
rebosanti de hermosura.
Y cual tristi partitura
escutamus un “mementu”
que con monótonu acentu
vai don Eduardu entonandu.
A xienti se quea chorandu
y mirandu o firmamentu.

Hai tristeda y aflición:
está mui redenti o duelu:
as mulleris levan velu
y redan con devoción.
Os homis gravis y serius,
dispois de redal un ratu,
o quizá de fel un tratu
se alejan dó cementeriu.

Dexiemus o Jalovín
pâ os do mundo anglosajón;
Nôs temus en San Martín
muta millol tradición:
s´acerca ya San Martinhu,
hay que dil probandu os vinhus

B_RODAS