San Martín de Trevejo - Caceres

Desde que nacemus, empezamus a morrelnus poicu a poicu, vamus camiñu de o final fatal ya que asi está dispostu; por isu, cuandu sorprendi a morti a edais tempranas o impactu e grandi y dolorosu y dolor, por inesperau, cuandu a morti chega dispois de unha larga vía, sin deisal de sel dolorosa pa a familia, a aceptación de o feitu fai mas leveira a perdida. Tos queremos chegal a vellus y cuantu mais millol y cuantu con mais soidi millol, por que o que se busca nun e solu a longeviai sinon a caliai de via. Fayu esta pequena reflexión, con ocasión de a morti de mei tiu Gabriel, por que, sin deisal de sel sintia, a morti de alguin, ya mayor, se ve como mais natural, menus dolorosa pa os familiaris y achegaus por que, de alguna maneira, tos sabemus o final que vamus a tel y o que hay que pil e que esi final, sea curtu y sin dolor. Mei tiu descansó a unha edai radonabli y o que se pi e que Dios o teña cerca.
De toas maneiras, estis sucesus luctuosus, mutas vedis, o que sacan a reludil, como en esti casu, pensu ei, e o apreciu, o recoñucimentu o as amistais, con que poi contal alguin que, como ei, recibi, aunque de un tiu se trati y descuñuciu ademais pa a mayoría, abundantis muestras de condolencia, que tenin un dobli significau satisfactorio pa quen as recibi . Sinceramente vos queu muy agradeciu El salto, ,Macama, Alfena Fontinova ME.,Nachitu, Bordas, Mañega, Chalrrieira, Chenchu, Mañega Ausenti, Cerrumiquili, o parral y cuantus se han uniu a elis, recibí un forti abrazu y le transmitiré as vosas condolencias a os otrus dois tius meis, hermanos do difuntu, restu de unha familia de dodi hermanus, en nomi de os cualis vos o agredezu tamen. Me sintu orgullosu de sel miembru de esti Foru y de contal con vosa amistai. A vel si e verdai que esti anu nos poemus xuntal en o verán. A vosa disposición sempris, Un Saluu de Chitu.

Agradecer tamén toas a mostras de afetu y pesal por a morti de mei tiu Gabriel que era un "clon" de mei pairi,tantu que me asustí fai dois anus cuandu o vi entral pora porta do bar...mismu gestus,mismu bigoti y a misma sonrrisa,Tuvi unha larga conversación con él,quizá a primeira,pero sí a última,desgraciámenti.
Dispois de algún contactu,fai un mes,con un dos fillus,era ya unha morti anunciá.
Mutas gracias a tos.