San Martín de Trevejo - Caceres

ei soy mañegu, proclamu con alegria ser un bo mañegu y me gusta falal de mei lugal, dondi quera que voy me se quea a boca pequena pa idil que mañegu soy, o que sea emigranti mañegu dondi quera que se encontri ten que estar orguyosu de habel naciu en esta terra tan hermosa, somus yenti traballaora, bos anfitrios pa yenti que ven de fora, le tendemus nosas mas y anosas boigas levamus pa un bo viñu dali a probal, le falamus de o nusu dialectu que nos os mañegus con orguyu senpris falamus y anasus fiyus con cariñu desde pequenus le insinamus. nosu lugal e hermosu y ten suas verdis pradeiras y e unha terra con muta riqueda, y poemus, y debemus presumil de nosa hermosa y grandi plaza con sei pilon de peira de cantiria, sei hermuso arroyu correl por nosas callis, romanci y historia ten nosu lugal escundiu en ca esquina que a nosa yenti mayol suas historias nos contan, puemus presumil de olivaris y de bos adeitis que estis nos dan, de as boas viñas que bo viñu de pichorra que nos da y de nosus cordeirus y cabritus que a tos os forasteirus les gusta probal, me gusta recordal y falal con a yenti mayol de os tenpus de a matanza, os cuchinus en nosas callis se mataban y chamuscaban y o cherepi y pichinchi no lo descuartizaban, tos a o reol de o fugu esperabamus a que o magru se asara y con un bo tragu de viñu toas as penas se nos qui taban, teñu mutas poesias de a yenti y de o lugal que me gustaria contal pero por oixi nun queru aburrirus mais. soidi pa fala