San Martín de Trevejo - Cáceres

Calhi empeirá cumu eran denantis,traiu o retratu aqui num pul ludil a
minha familia,o mutivu é pa recordal cumu era a calhi i quén vivia o
moraba en ela,o retratu o fidu Félix o pirulu i estabamus sentaus ena
porta de sei pairi,logu sigia a casa dondi vivia tiu Peiru i tia Cándida
despois estaba a casa do cura,esta calhi tamen se cunhucia pol a calhi
do cura,acababa pol esa man en um'a tená,das duas casas do fondu,a de pol cima vivia tia Sinda cum'os filhus,i a de pol baixu era a casa
de tia Claudia,os maioris d'esti foru foran a escuela de tia Claudia,
num tôs,pos eran solu os pudientis que puian pagal esti sirvicio.
Fendu esquina pol a dereita vivia Xúliu o marica que asi le chamaban,
a que le siguia era de tiu Ezequiel o mixtu i de tia Inés,lugu vinha
a tená de tiu Xiúan pirulu i o curral de tia Fabiana,que figueira tinha
esi curral,daba um'as brevas enormis,desdi a ventán da sala dondi ei
vivia,cum um'a vara larga atau ena punta um boti d'os do tomati o d'os
do maracatóns,previu córti en triángulu,mitia a breva eno boti i le daba p'arriba cortanduli o rabu,que maravilha,era cumu dil de pesca peru
milhol, pulque num falhaba i pescaba sempris,tiraba da vara pa mi i
a breva vinha segura dentru do bori,asi um'a i otra va hasta que me
fartaba,era mais seguro que subilsi a figueira.
Ia vos contaré mais soidi patos i forti abrazu.

Pusiblementi alguen de esa comarca de Salamanca "Las Batuecas"
bautizaría esa calli.
A casa de mei entrañabli amigu Angil "castañu" creu que estaba
pegandu a tua.
Que se fora escribindu a historia do lugar calli por calli y recordandu a nosus antepasaus siria un bo ejerciciu de memoria,
me pareci unha boa idea Nachu.
Queru coñocer a historia de CASA CARAMELU ¡Qué nomi tan guapu!
a sua ubicación, a quén pertenecei y quín habitó.

bos días.

Chencho, tu que lees tantu libru, dibirias de habel liu ya o libru do nosu quiriu e ilustri paisanu Domingo Frade "Mingu" referneti a as callis d'o lugal i as xentis que en ela moran (pasàs i presentis).
O libru se titula "Callejeiru Mañegu" i esta pero que mui interesanti e instructibu.Un libru que dibirian poseel tos os que sintan mañegus.

Un abrazu i soidi a fala

M/E

Sí, claru que o coñozu y fais ben en recomendalo,
pero aqui en o Foru nun está reculliu o que nos conta
Mingu y sería bo con o sei permisu introduilo y ampliar
a información. Asi cumu tampocu está a historia da "CASA CARAMELU"
¿Tu sabis algu de e.ela?

"Ya no queda gasolina, "monsieur"" idia o empleau
vendendu chocolatinas.
Esperu que Sarko sea derrotau...pa que tua pensión nun
piligri "M/E"

uN abrazu y boa jorná de protesta a de mañán.