San Martín de Trevejo - Caceres

Voy a expoñel a miña opinión sobre a huelga de oixi, sin entral, que esi siria otru debati, en a conveniencia o non de fela, ni si a causa de convocala e correcta o si vay contra o gubernu na mais o tamén contra a Reforma Laboral, que, ditu sea de pasu, naidi ha explicaua ben, por que ca aún conta a feria según la vay sin mas analisis, ni si ha siu mais ben un pulsu dos sindicatus ago descreditaus por o fracasu que tuveran con a Función Pública, ni niñunhá otra consideración mas que aquela en a que me voy a central, e idel, solamenti en o que se refieri a o modu de produdirsi esta huelga y en os resultaus, por que aquí pasa como en as eleccios, tos han gañau.

Os sindicatos convocan unha huelga general chamandu a ela a tos os ciudadanus, fain un montón de mítines reivindicandu o dereitu que os asisti de dil a huelga y as rados de ela.

A istu na que objetal, e un dereitu constitucional y como tal se ejercita.
Pero ago ven a otra cara da mohea, por que nun solu hay dereitus, tamen hay deberis diriamus, asi que da misma maneira que o dereitu que ca un ten a expresarsi librimenti ten a limitación que tos sabemos, o dereitu de fel huelga se le impón o limiti de atendel servicius minimus esenciais que ya están muy concretaus por el Tribunal Constitucional (saniai,transpotis, justicia,seguriai, saniai, etec.etc.).

Ca ciudadanu, en unha huelga general, ten a opción de fela o nun fela y, hasta a sacieai, se ha repitiu, que hay que garantizal o dereitu a fel huelga, y o dereitu a nun fela, o sea a traballal.

Pero, ¿Qué ha pasau oixi?, o dereitu a fel huelga naidi o ha vulnerau, to o que ha quiriu ha feitua y se han negociau en caisi tos os laus os servicius minimus; pero desgraciamenti, to o que nun ha quiriu nun fela, nun ha puiu ejercer esi dereitu; os piquetis “informativus” nun se lo han permitiu en mutisimas ocasios, y por esta radón, personalmeti, pensu que, por mutu que se trati de convencel, ha convocatoria ha resultau un estrepitosu fracasu pa os convocantis, por que de nun habel piquetis/coaccion o paru ni se hubera notau, como nun se ha notau en o pequenu comeriu, ni en os baris y cafetarias, ni en a Administración, en general, ni en la Justicia.
Si digu istu e por cuñucimentu propiu, por que me consta, cómo un piqueti informativu nun ha deisau entral camios con alimentus perecedeirus en un Mercau, obligandu a o conductor baisu amenazas gravis a dilsi pa otru lau, cómo a unha cafeteria cercana a o Cotti Ingles de Sevilla, por que a atendía o dueñu nun quiria cerral y le romperan unha mesa y un cristal, cómo han amenazau a taxistas con pinchal roas, y un montón de etcs.
Os componentes dos piquetis, se sabi que son, mayoritariamenti, sindicalistas liberaus, o sea que cobran y nun traballan en as empresas as que pertenecin o fai en activiais sindicais y , como e natural, tenin un enormi interes en que a huelga triunfi pa mantel o sei estatus, creu ei

Así nun me gusta a mi unha huelga, se están vulnrandu dereitus fundamentais como a libertai y o dereitu a traballal, aunque desgraciamenti esti dereitu nairi o garantiza y a prueba e o enormi paru que hay. Que sepais que ei e feitu huelgas, y he feituas en un sitiu muy peligrosu, por que estaban pruhibias y puian expedientalti por ser funcionariu y se chamaban paru de protesta, pero dondi ei traballaba en final dos anus 70, nun se obligaba a nairi y ose ben por que ei era representante de funcionarius que nun se puia chamal sindical, sinon solu representanti,

Nunca poeré estal de acordu, se permita o non legalmenti, que nun se permiti, con que se abusi de o dereitu que a persoa se le recoñoci, por que sempris se perjudica a otru con esi abusu y esi otru tamen ten dereitus pa ejercel.Os dereitus son pa tos igual

Se ha garantizau o dereitu a fel huelga pero nun se ha garantizau o dereitu a traballal, asi que cuandu se nos den cifras de siguimentu habra que tel en conta a o mon´tón de xentí que, querendu, o millol por que a perdida de o sueldu de esi dia a necesitaba, nun ha puiu traballal .
Muta xentí a pi y e necesaria una Ley de Huelga y unha regulación exahustiva do sindicalismu, que hay mutu liberau por ei y mutu iñeiru que se cobra en subvencios, ya que nun son tantus os que pagan cuota sindical pa mentel esas organizaciós.

Solu me quea idel, que istu e unha reflexión pa o Foru, que nun buscu adhesiós de niñun tipu y aceptu, por que así debi sel, as opinios en contra que se digan, sin faltal, isu si.

Perodoei por a extensión y un abrazu pa tos, soidi pa a fala. Chitu.

Os piquetis de huelga han existiu desde sempris y existirán.
Que unhos traballoris incitin a otrus a que fayan huelga é
unha acción legítima. Sí, tu falas os que actuan de maneira violenta,
pero istu é inevitabli, pensu que é unha minoria. Que o traballaor que esi dia quel traballar se senta INTIMIDAU a ver tanta genti en a entra do traballu, é certu, pero os piquetis deben situarsi a eí precisamenti.
Me pareci un grave error o que le fideran a o dueñu de esa cafetería
u a os taxistas. Os traballoiris AUTONOMUS as huelgas nun van cun el.lis
y deixar de traballar un dia significa unha pérdidas muy grandis.
Me gustaría saber cuantu pagan os sindicatus en Francia a o traballaor
cuandu vai a unha huelga, porque aqui nun pagan na y o o mais curiosu é que a o LIBERAU nun le descontan do sei salariu.

boas tardis.

Queru precisar:
A mayuria de os traballaoris ATÓNOMUS nun suelin dir a huelga
y nun se les debiría presionar de niñuan das maneiras.

Oixi os sindicatus da policia protestan por o comportamentu de os piquetis,en Getafe se le a rotu a perna a un policia,en otrus sitius se buscaba a comfrontacion sin mais.A huelga e un dereitu dos traballadoris,o que os sindicatus parecin ulvial e que os policias tamen son traballaoris,teñu que recoñocel que varius dirigentis de UGT seiran en defensa da actuacion da policia.
O que pareci claru e que os traballaoris sabin o que querin,por isu a huelga nun a tiu mutu exitu.Pensu que os sindicatus equivocorin a estrategia,si a huelga se ubera feitu por sectoris creu que tindria mais exitu que o que a tiu.
Un traballaol Autonomu si fai huelga quen le cubri as perdidas,nairi,por isu solu actuan cuandu se fai una protesta solu do sectol de os autonumus,o que idia antis as protestas tenin mais exitu si se fain por sectoris,saniai,educacion,etc.
Forti abrazu

OS piquetis son afiliaus a os sindicatus y levan chapas/bandeiras
pa que sean identificaus. O que sucedi é es que os vándalus aproveitan
to istu y van con molotovs, mecheirus, liquido inflamabli y cubertus
con pasamontañas: queiman neumáticus, cochis, autobusis, conteneoris,
rompin lunas dos escaparatis, ponin silicona e as cerrauras...
pero nun suelen ser os piquetis informativus.

A REFORMA LABORAL esta en trámiti parlamentariu y as enmiendas
de os grupus parlamentarius que poyan ser ayantri nun son precisamenti
as que representa a os traballaris.NUN se tindrian que haber congelau as pensios.

As HUELGAS GENERAIS tenin muta mais resonancia que por sectoris
son intrumentus de lucha que o problema que plantea es sobre a sua
OPORTUNUAI o non. Cumu afiliau desde os inicius de CCOO digu que si
nun se consigui na de esta HUELGA o Secretariu General dIbirIa
dimitir.Y nun se contempla tal acción. Os Sindicatus,por desgracia, TENIN muy poicus afiliaus y desde dentru nun resulta fácil sacar da poltrona a mais de un que cobra y nun traballa. Esi é un problema gravi de os nosus sindicatus. ¿Y o prEsidenti da patronal Díaz Ferrán? espérpenticu resulta que un empresariu que ha fracasau en as suaS empresas, presida a CEOE. Si asi o querin o seis afiliaus...

bos dias

Ei o que criticu y con o que , desde logu nun estoy de acordu, e con a forma de " informar " que tenin os piquetis "informativus". Unha coisa e colocalsi a entrá da Empresa y, si quereis, afeali a conducta de os que nun vaya a huelga, en o casu de que a huelga sea pa unha cuestión reivindicativa de esa Empresa, y otra distinta, como ha ocurrio ago, que se trati de unha huelga general, dondi to mundu esta convocau a paralsi, digu ben, está convocau, nun obligau y ahei está a cuestión, nun se poi obligal a nairi, sobre to en unha huelga general, a paral, a nun traballal, por que se está conculcandu o sei dereitu. Na mais isu, en o demais tendis radón y estoy de acordu. Na mas e un comentariu mas, Soidi a Fala y un saluu de Chitu.