San Martín de Trevejo - Caceres

Ayer se celebró una solemni Misa oficia por o Señor Obispu de Coria Cáceris y concelebra por 22 Saceredotes, con motivu de os 50 añus de sacerdociu de D.José Luis, estuvu to muy ben, le foran ofricius varius regalus, Ayuntamentu le regalo una placa con a escipción en Mañegu,o pueblu un reloj de pulsera, crfeo que de oiru, os curas naturais de San Matin le fideran otru regalu, creu que un a placa. Dispuis de Misa habian preparau un aperitivo pa to pueblu en os bayus de o salon parroquial,fui tan abundanti que dispuis de tu que se consumi ayer, sobró y esta mañan dispois de Misa hemus siguiu a festa comendu y bebendu pa poel apurar to que habia. H a estau to muy ben,o pueblo a coperau,Ayuntamentu tammen. Ayer se fidu un a cumia en os Cazaoris,pa os que se apuntorin, previu pagu de importi de o cubertu.
Istu fuy a festa de ayer,novamenti Felicidades a D. José Luis y si e posibli que celebri os de 75 anus isu he o que le dese.Un saludu pa tos de O Foru y comu sempris Aupa a Fala.

Como e tiu a sorti, estas Naviais, de pasal a seida y entra do anu en o Lugal, asistí a misa homagi a o Parrocu y ratificu integamenti o que nos conta con tanta precisión, El Salto, y solu me atrevu a añadil un detalli que, debi tel importanci pa os que defendemus y queremus a fala. Maximu, o alcaldi, afectuosamenti, recrimino a D. Jose Luis o non falal inda mañegu y mei cuñau, Jesus o cura, con la licencia do Obispu, que a jearquia e a jearquia, le dedicó unhas palabras en mañegu, cuandu le entregaba o obsequiu dos demais curas, aunque tuvera que pil disculpas a os castellanu falantis que habia en o actu.Tamen teñu que idel que ya están expostus en lateral izquierdu de igleixa aquelas portas píntás que estaban colgás antiguamenti dos dois laus según se entra en a Igleixa, por a parti de abaisu. Han queau, unha ve restaurás, muy ben,solu falta que se editin os correspondientis folletus explicativus de esas pinturas pa que, quen as admiri, sepa de que se trata, nun solu que son os evangelistas por fora y detallis da pasión de Cristu por dentru, pues están montás como si foran portas de un gran armariu, como o eran antiguamenti. Esperu que a Conselelría de Cultura da a Xunta de Estremaura, no quee, a meyas a coisa. Na Mia, soidi apa tos, que chegueis sin noveai os que hayais seidu y que esti Anu Novu, vos colmi de ben y, como sempris digu, de muta soidi que e o ben mais preciau da vía. Un Saluu de Chitu.

Boas noitis a tos, leu o escritu de Chitu i sólu teñu que idel que me paredi tristi tel que pil disculpas pol falal mañegu en San Martin de Trevellu.
Soidi a Fala ( que falta le fai)

Nun saquis as coisas de quiciu, Pirata, por cortesía, por educaciòn si ques, cualquera que se dirigi a un grupu, dentru de otru mais numerosu, en unha lengua distinta non cumún, debi fel o que fidu Jesús. Non por que sea o mañegu o non, sinon por que e, a mei juiciu, normal que asi se faya se trati de o idioma que sea. Mutus hemus criticau o feitu de que, por ejemplu, un catalán, en nosa presencia, sabendu que non somus catalano parlantis, se dirija a o restu de seis paisanus en a sua fala ulviandu a nosa presencia. Asi que de tristi na, creu, Un saluu de Chitu.

Boas tardis a tôs, ei nun creu que sacu ná de quiciu, sólu digu o que digu, i si se fala en mañegu na situació por ti descrita, basta cun fel una traducció o un resumin, peru pîl disculpas o permisu o veu fora de lugal, ésa é miña opinió.
Soidi a Fala ( que falta le fai)

En esa y en cualquer otra situación similar, o comentariu que fais sobre o gestu sigu consideranduo improcedenti, ei ya he feitu o radonamentu de tal calificación, asi que, respetu, pero non compartu a tua opinión. Consideru zanjau o tema, Un saluu., Chitu.

Ei tampocu compartu a tua, peru a respetu tambien.Tema finiquitau.
Soidi a Fala (que falta le fai)

Nun se trata de solu de respetal as opiniós de ca'un. En as exposiciós do tema hai que dal radonamentus (e así porque si,nun vali).
D. José Luis e un cura destinau en esa Parroquia y fala castellanu, idioma oficial en toas as Cumuniais y nun ten a obligació de tel que aprendel mañegu; os que si temus a obligació de saber castellanu somus
nossotrus.¿que culpa ten él que tos le falin en castellanu?.¿y si pensa que pa qué vai a aprendel mañegu si logu fora de alí nun le vali pa na.
O mismu penso do galegu,vasco, catalan, y tal y tal....
Esti e un tema que ten muta corda y poi tel opini´´os distintas, por un tubu. Esta e a miña.
Salú a nossa Fala.

Me pareci que o que hemus tratau non e de si D.Jose Luis, que ten to dereitu do mundu a falal como le de a gana, dibia o non falal mañegu, sinon que se pira "disculpas" a os que nun o falan y estaban presentis en o actu, por idel unhas palabras en a nosa fala. Na mais, puñu istu por aclarar o tema. Un saluu de Chitu.

Y ei pa acabal de aclaralo digu que nun se le ten que chamal a atención "que ya puia habel aprindiu a falal o mañegu".Si tos os presentis sabiamus o castellanu paqué lial a madeja.Ca un que fali o que le de a gana si o interlocutor o entendi, si nun o entendi me pareci unha descortesia. Jesús fidu muy ben en pil disculpas pa tos aquelis que nun sabian mañegu.Aqui nos estamus pasandu de rosca, querin que tos os que vivan en Cataluña falin catalán, os vascus igual, os galegus igual y tal y tal...a vel si os que andeis por andalucía vos fain aprendel a bailal "Sevillanas" a forza. !!Veña, que a epoca de comulgal con roas de funho ya pasó!!
Debemus estal orgullossus ca'un de sua fala ni mais ni menus...
Un salu pa Chitu de parti do "petacón" y otru mei pa él y pa o foru.

Teñu ganas de chalrial, amigu Prisma.

1.-Digu, que Maximu le recriminó cafectuosamenti a o Sr.Cura que nun falara mañegu, istu non significa que insinuara que tiña obligación de felo.

2.- Nun se por que didis: !!Veña, que a epoca de comulgal con roas de funho ya pasó!!

3.-Mira, o de as Sevillanas, nun me huera importau por que cuandu me arrancu ( muviu por a manzanilla claro )non doi pe con bolu.

4.-De o saluu de "petacón" nun me fiu mutu por que e o que me arrea forti y me lanza lonxi por o solu, de o tei saluu, aunque non se quen eris, si y to agradezu y devolvu. Chitu

"Le recriminó afectuasamneti que nun falara Mañegu". Si ei tamen estaba ali.O de a roa o digu porqué tenhu intindíu que en cataluña y otrus lugaris están obligandu o impoñendu a obliugación de Rotulal os letreirus en esis idiomas en negocius y tamen en tos os documentus oficiais. Creu que istu e inda un solu Estau con dedaoitu gobernus y un idioma oficial, que si quen tiñan que obligal poñelo.!!ya idia ei que istu tiña muta corda¡¡
Ya te dexiu que voi a tomalmi par de viñus en ca tei primu.
Otru salú.

Estimaus furistas:
Oprimeiru de to feli anu novu pa tos os mañegus y mañegas de boa voluntai.
segundu:ficilital a o Sr. Cura por o sei adniversariu en a mia que a sirviu a gexti do lugal en tos estis anus.
terceiru. o tema de si falal o mañegu o nun por a señol cura. Me pareci que si xenti cun menus estudius son capacis de aprendel lenguas extranxeiras, seguru que con un poicu de empeñ o hubera aprindiu. Mal pol o señol cura.
cuartu: si as formas en que se siculpó D. Jesús. Se poinfel de distintas maneiras y ya se han ditu por Chitu y o Pirata. Me da igual una que a otra. Sin mais. Pero e una maneira de apoyal o que a xenti debi traballal si quel acercarsi máis a o seviciu da genti de esti lugal.
quintu: nun compartu a opinión de Prisma. Si ei estoy en Francia en una profesión do serviciu a xenti falaré en francés, si en cataluña o catalán y si se que hay xenti que nun sabi fairé , por ejemplu o que didi chitu o millol o de Pirata y con o restu de lenguas do Estau o mismu. Si e con a Fala y pensamus que hay que potenciala , pues isu , sin mais.
Que si pa qué necesita o deixa de necesital me da o mismu. ten un traballu de cara a xenti y se entenderá millol si se integra.
Se poi idil mais altu pero nun mais claru.
Soidi a fala

Si se entendi ya perfectamenti con o idioma que sabin falal tos. Agó si te vas pa Francia nun te quea mais remeyu que aprendel frances,porque ali nun se fala español.Tampoicu ei compartu o que didis tú. Pero ya dixi que istu tindría mutas opiniós.
Inda o poyo idil mais claru.

Boas noitis a tôs, nun é cuestió de comulgal con roas de muño, si nun de dalsi conta de que España nun é o que era, para ben o para mal.
Soidi a Fala

Felicital tamen a Dn. José Luis por tantus anus dedicaus plenamenti a os mañegus y lagarteirus. Ten mutu méritu sendu guritu que sea quiriu por to mundu. Valorar y resaltar aqui a boa organización tantu religiosa cumu gastronómica. Felicitar por a homilía en mañegu de Jesús, que pasará a historia por ser o primer sacerdoti-arcipresti que utiliza a nosa lengua ante a máxima autoriai provincial religiosa, o Sr. Obispu de Coria-Cáceris. Ya solamenti por o esforzu que fidu en un actu de tanta repercusión, él que nun está habituau a felo, mereci o nosu agradecimentu. Lamentu nun haber estau alá, sin duda, me hubera emocionau. Gracias, Jesús.

Tal y como "chitu" nos informa, estoy de acordu con a intervención de o Sr. Alcaldi, pero...bo siría que as ACTAS dos plenus do Ayuntamentu, asi cumu as comunicacios escritas se redactaran tamen en mañegu.

¡Ojalá chegara o día en que as autoriais puliticas o religiosas se disculparan por a utilización do castellanu/espñol ante os ciudadanus mañegus, lagarteirus y valverdeirus!

Que GOdamus sempris do INSTANTI, que nun hay que preocuparsi por na, que amemus a calma y a libertai.Si o practicaramus, ya nun siría necesariu idil isu de "feliz anu novu".Y si lograramus creer de novu en os Reyis Magus, alcanzaríamus entoncis o paraisu.

boas tardis.

Se me ulviu:
Agradecel a "osaltu"/"chitu" a información que nos da, de nuhn sel por el.lis agora nun estaríamus comentandu o miriciu homenaji a Dn. José Luis.

Tú mismu o didis Chenchu:

"bo siría que as ACTAS dos plenus do Ayuntamentu, asi cumu as comunicacios escritas se redactaran tamen en mañegu".

Sin embargu aun quean mutas coisas que fel p´a que se logri istu, pero hai un-ha sobre tô: Fijal as normas de cumu se escribi.
Nun vali eidel, cumu aquí se ha ditu en algun-ha ocasión que caún escribi cumu quel, isu nun é real, porque chegamus a preguntal ¿cumu poñemus Xálima? ¿Cumu escribimus igresia o Igresia?. ¿Cúmu se escribi a misma palabra rexa, cuandu se refieri a parti d´o aráu, o se refieri a una especie de protección en ás ventás?.

Antis de chegal a que poian escribilsi as actas en mañegu hai que delimital otras mutas coisas.

É máis: recordu cuandu eran concejáis:, entre otrus, mei pairi y tei tíu José "o Porras", que me contaban que, entre elis, en os plenus se falaban en castellanu: ¡deplorabli!.

Pensu que, primeiru, por quin corresponda, habrá que determinar un-has normas,que deberán ser válidas pâ tôs.

Son pasus que hai que dil dandu, poicu a poicu.

Soid pâ tôs, y cumu didi pirata tamén pâ fala, (que boa falta le fai.

B_RODAS

Brodas:

As NORMAS hoyi por hoyi nun se poin establecer purque dependi dos falantis dos tres lugares y aqui Valverdi dibiría ser a locomotora porque é a que ten mais habitantis.
Os autoris anónimus das primeiras manisfestacios escritas en o que logu se denominaría castellanu, as "AS JARCHAS" nun tiñan norma alguha. Y a Gramática castellana de Antonio de Nebrija se publica ya en o 1.492 cuando había mutus millos de falantis castellanus fora de Castilla.
¿Ves? "por quin corresponda" -didis- a toos nos correspondi, pero a proposta está ya feita y se sabi CUMU FELO: A JUNTA se dirigi a Universai de Extremadura y les solicita: Un profesor licenciau en Filología que se ocupe de a Fala. Hay esti presupostu. Asi de fácil.
A o mismu tempu, nun é incompatibli, con o que tantas vedis hemus ditu aqui: creación de un taller de lecto-escritura da FALA, pa grandis y pequenus.

As ACTAS u as comunicacios do Ayuntamentu se poin escribil de a misma maneira que nosotros nos expresamus aqui sin NORMA alguha.
¿Y tu crees que si as ACTAS nun se escribin en mañegu é purque nun existi Normativa? A resposta que te dan é que desde o puntu de vista legal nun se poi y por otru lau o secretariu nun sabi mañegu.

"Soidi a Fala" ya está institucionaliza, unha extraordinaría aportacion de "Pirata", pero nun creu que porque o sacerdoti-arcipresti Jesús, en un actu SOLEMNI y anti o sei superior cumu era o Sr. Obispu se disculpara por a utilización do mañegu, agora a nosa FALA "boa falta le fai", está mais gravi. Por favor, que Jesús actuó con sintiu cumún.

boas tardis.

Tendis radon, a fala, a dos tres lugaris, está necesitá de esi taller que armonici a forma de escribil, pa que nos entendamus. Ei escfribu oixi y Axuntamentu, o otrus o escribin de otra forma, reisa e común, como en castellano, pa os dois significaus, aunque tamen puia escribilsi con X como procedeni de J. En fin, gramáticus hay, seguru, pa felo y felo ben. En cuanto a imposibiliai legal de escribil as actas dos plenus en a mañegu, nun a veu por niñun lau, o que nun está expresamenti prohibiu, está permitiu,sino aei temus a rotulación de as callis, solu habria que felo de forma biligüi, por que o oficial e oficial y castellanu. E a miña opinión. Soidi pa fala que , desde logu a ten, y un saluu pa tos de Chitu.

Boas noitis a tòs, estoi d´acordu cuntigu no que didis..." pero nun creu que porque o sacerdoti-arcipresti Jesús, en un actu SOLEMNI y anti o sei superior cumu era o Sr. Obispu se disculpara por a utilización do mañegu, agora a nosa FALA "boa falta le fai", está mais gravi."Peru de toas maneiras sigu pensandu que, pa mi i sólu pa mi,é una coissa tristi.Pol oitra parti o de redactal as actas en mañegu, oixi pol oixi é una coissa impusible, a no sel una fala oficiai, o isu creu ei.Tamén digu que o pensal que a Fala nun está "touché" é de optimistas.
Soidi a Fala

"Pirata":

O esforzu que has feitu por aprendel o mañegu a pesar de as críticas que has recibiu, teñu constancia, temus toos que valoralo; muestras tantu amor hacia a Fala que te entristeci o percibir que nun se antepon sobre o que denominariamos educación en too o sei sintiu de esta palabra. Respetuosamenti, voy a puñermi ya en unha situación extrema, siría millor a sua morti si nun actuáramus cumu o nosu Arcipresti, nun miriciría a pena conservala si nun temus en conta os aspectus fundamentais da convivencia.
¿Cúmu protegela y promocionala si nun se IMPON? nun ten fácil resposta. Por a información que teñu y con algun posibli error, cumu se está fendu a normalización lingüistica en Euskadi siría un modelu a seguir. Aquí en Catalunya se ha pritindiu COPIAR o modelu de Quebec (Cánada), cumuniai francófona con total influencia do inglés, a o pé da letra y agora resulta que os dagalitus en os colegius de primaria e institutus falan en clasi en catalán y en o patio en castellanu.
Que me recorda mutu cuandu a Iglesia utilizaba o latín, lengua morta, pa usu liturgicu.
Se observa en Barcelona cumu os emigrantis do Magreb y pakistanis (os chinus é otru casu, somus nosotros quin a o final debemus falal o mandarín)aprendin a lengua catalana , nun asi os latinoamericanos.

En Vilafranca del Penedés, 75 Kms de Barcelona, presencié unha procesión o dia da festiviai da Inmaculada organiza por ciudadanus peruanus, toos vistius con os seis trajis traidicionais y de tantu culuriu.Tras a imagin da Virgin en andas, unha gran orquesta valenciana. Me chamo a atención que nun a prisidira niñun sacerdoti.

Y cun istu acabu:
O muy Honorabli President de la Generalitat ten matriculaus a os seis fillus en un colegio alemán, privau, por supostu.

boas tardis.

Boas tardis a tôs, Chenchu nun me veñas con coñas marineiras, ei nun demostru tantu amol pora Fala cumu didis, ni me metu con o arcipresti en especiai, sinu que digu, i o digu genericamenti, que pa falal mañegu en San Martin de Trevellu nun hai que pîl, llamalo cumu queiras, permisu, disculpas o lo que queiras, pois creu que hai maneiras de sel airosu do atolladeiru sin perdel a boa educació,as formas,ni os aspectus fundamentais da convivencia, i que consti que é sólu a miña opinió.
Sobri o que apuntas sobri as formas a utilizar pa a normalizació da Fala nun teñu ni repajolera idea, peru seguru que os entendius ia estan sobri o tema.
O que pasa en Catalunia, falal catalá en clasi i castellanu no patio, sólu demostra que o castellanu nun esta en peligro de extinció (en Catalunia),bilingüismo puro i duru, o cual debi sel motivu d´aligria pa tôs; o do bilingüismo i a nun extinció do castellanu.
Sin mais me dispiu deseandu....
Soidi a Fala

"Cumu era unha coissa tristi"
que en San Martin se tuviera que pil pirmisu pa falar mañegu, dedui que le tiñas mutu cariñu a fala,pero segun tu eran "coñas marineiras"
O de Catalunya demostra que o nacionalismu de CIU duranti 23 anus IMPUYU un modelu que os resultaus ben estan a vista: Se foran 18.000 profesores, a suas plazas foran cubertas y sin pasar por o SISTEMA de OPOSICIOS, o sea, a deu por otrus que to o sei méritu estaba en que sabían falar o catalán. Supón que me dan en propeai a plaza de maestru en San Martí purque sé falar o mañegu. Se gastorín mutu en propaganda y na en a preparación do profesorau. Si en os anus 70 estábamus en a Vanguardia de Europa en a Enseñanza, hoyi vamus en o furgón de cola, cumu asi o atestiguan toas as encuestas. Y o problema nun é cumu señalan alguos por o catalán, non, Finlandia que é a primeira ten cumu lenguas oficiais o sueco u o finlandés. Suiza ten tres lenguas oficiais.
Non, nun te metesti con o Arcipresti, non, cuitetu, que con esforzu que fidu en falar a nosa lengua, él que utiliza o castellanu con o sei obispu...pero ante 22 curas, periodistas, a iglesia abarrota ¡¡Aleluya!
y fendu usu do mañegu ¡Aleluya! ¡Aleluya!!! (perdona Leti, pero me estaba emocinando) a miña filla me chama a atención porque chillu mutu.

boas noitis
chenchu.

Chenchu,cono que ei te queiru....¿cumu me fais istu?.Nun queiru polemicas, pois ia di pol finiquitau o tema.Peru nun poiu quedalmi quietu i calau cuandu se deixa entrevel coissas que ei ni he pensau ni mutu menus he ditu.Resumendu,caún fai o que queri, fala cumu le ven en gana, i nun pasa ná.Si o mei comentariu ha molestau a alguien, piu disculpas i retiru tô o ditu.
Me despiu deseandu......
Soidi a Fala
P.D.
Nun entendu o entrecomillau do encabezamentu..., peru deixao, que aburrimus ao foru.

Nun entendu pur qué te sentis ufindiu ni entendu tampocu que
debas pil disculpas si tu nun has faltau o respetu a naidi.

Comprensibli que nun entedas as palabras entrecomillas, disculpas, dibiría habersi entresacau o párrafu:

"Pero de toas as maneira sigu pensandu
que, pa mi i sólu pa mi, é una coissa tristi"
O subrayau é mei.

bos días.
Un forti abrazu.

Bôs dias, si Chenchu si, sin chegal a depresió ísu que comentamus me produju tristeda, peru quizá sea pola miña debiliai, pois te contu que vendu a pelicula "Krammer vs Krammer", da tristeda que me agarró o corpu, choré, i mira que era una chorrá cumu a copa de un pinu; coissas que pasan....
Forti abrazu y....
Soidi a Fala