San Martín de Trevejo - Caceres

Teñu que contalo aquí, por que e interesanti pa o nosu lugal, ya que supon unha promoción importanti a nivel internacional, aunque ten un poicu de invasión, ya sabeis, os Galegus que to o querin; pero hay que recoñocel que istu poi sel muy bo. Un directivu de a casa de Galicia en Sevilla, mo ha contau fai un ratu, como algu que está ya caisi feitu; o que me extraña e que en o lugal nun se haya comentau na inda. Se trata de un conveniu entre as Facultais de Filología de Coimbra, Rio de Janeiru y Vigu y por o que se vé querin fel unha especii de sucursal de esas universiais en o Lugal, didin que a construcción estaría cerca de a Hospedería, con o fin de dali tamen vía a esi estalbecimentu. A especii de escuela esta e pa fel cursus de un anu en aespecialiai de
“ A fala “ y querin contal con profesorau titulau, pero tamen con xenti ya mallol dos lugaris pa que falin y transmitan oralmenti tantu o mañegu como o lagarteiru y o velverdeiru. O proyectu gaña interés por que igual que os estudiantis de Vigu van a trel a suas gaitas pa fel enseñanzas en estis lugaris y os purtuguesis, por o vistu, Acordeos, os de Brasil, potenciarán aquelas chavalas que estén dispostas a ensinal samba to mais que poan, ademais de os chavais, estis tan ben formais que hay por ali, que ensinin capoeira, y sirvan esa bibia tan rica brasileña que e a Caipiriña. En fin que, sobre to en o veran, a caoisa se vai a poñel que un veais, por que e de supoñel que haya excursios pa ver os desfilis diarius que se fayan, como fain a escuelas de Samba.
Ei o contu tal como mo han contau y oixi e un bo dia pa idelo. Un saluu de Chitu

Joe chitu,te has pasau con ha inocenta,´si chegas a idel que os burrus do lugar sabin volar igual hasta nos o creemus peru isu si que nun cola pero me ha feitu muta gracia, a dagala que estaba vendu o foru conmigu inda se esta partindu de risa.Bueno mañegus mutu cuau con has inocentas que oisi he un dia muy aparenti pa gastalas,Soidi a fala y atencion has nuticias interesantis jajajajaja

Ah! pos nun te creas que ten mutu de inocentá, A cepa, ei estoy con Chitu que algu ya habían ditu en aquelas Jornás do pasau verán os grandis estudiosusdo tema cuandu viñeran a o lugal a dal as charlas. Ei persunalmenti estuvi con elis y mostrorin un gran interés por a Fala y as custumbris do lugal. Pol supostu que si a sua volta a Galizia y a Purtugal o planteorin a os políticus , pos pa qué ques mais, estis le querin sacal tajá a o asuntu si comu hemus ditu estamus en campaña preelectoral y tenin que fel méritus y sel en as fotus A que sí Chitu? Vamus, que mo creu a pes juntillas.
Anda que nun vamus a ligal con as dagalotas do Brasil. ¿Qué idias que solu van a vil garotas? Tú verás Chitu pero creu que vamos a tel follós en o lugal si isu é así. ¿nun crees que hay que fel algu pa que Brasil mandi tamén dagais?
Na a o ditu, estoy cuntigu Chitu. Istu é totalmenti verídicu. A Cepa didi istu porque é una incrédula.¿é o nun é así A cepa?
Soidi pa pa poel vel istu y coixas milloris.