San Martín de Trevejo - Caceres

Reflesionemus sobri o que son estas fechas,¿dias de consumismu?me negu a aceptalo comu tal ya que desde pequenus nos insinarun a pasalas en familia, algu que a mayuria de vedis nun he posibli ya que sempris hay algunha ausencia, asi que pa mi particulalmenti son fehas que nun se traballa y hay que descansar,si, comu a mayuria de tos has pasare con parti de ha familia por que ha mayuria de ela nun esta o esta longi, algunhos sin ser familia estan tan longi que ni se encontran a elis mismus, pero isu ya he otra historia ya que aqui se trata de valorar estas fechas y pasalas comu millor se poa y disfrutar de esis dias de descansu, aunque nun sean mutus.Si me he posibli entrare pa felicitar a tos en estas fechas en has que pareci que o foru esta apagau, ¿o he que son dias de meditacion?.Reflesionemus amigus.un abrazu pa tos desde Betxi y soidi a fala

Estimá A Cepa:
Por desgracia estamus acostumbraus a compral o que nos falta con o iñeiru. En estas fechas inda mais nos o fain creel. Nos enchin a casa de publiciai que nos invitan a isu, a consumil pa tapal os buracus que temus en a alma. Y contra mais vemus que nun se poin tapal mais insistimus en intentalo.Resultau de este desenfrenu é un sentimentu de soleai inmensa a pesal de que tratemius de rodealnus de muta xenti. Nun nos damus conta de que as persoas poin sintilsi solas a pesal de que a o alreol haya muta xenti.
Sempris vai a faltal alguin dos que queremus, sempris. Pero tú ben sabis que a pesal da distancia física os vas a tel muy pero muy cirqueita de ti, estoy totalmenti seguru. Por esis que están tan longi y que encima nun son da familia, o mismu nun merecin ni que te preocupis en recordarlos. En estas fechas procura pasalo ben en compañia dos que te querin mutu. Os regalus están ben pero verás comu o cariñu dos que estén cuntigu te fairan ulvial to o demais. Cuiati mutu y que te sobri o cariñu dos teis.
Se que estas lonxi do lugal por isu se que een estasfechas especialmenti nos vamus a recordal con mutu cariñu unos a otrus dos mañegos que nun estamus en o lugal, tamén por supostu dos que tenin a sorti de estal en San Martín.
Te deseu toa soidi do mundu pa ti y pa os teis. Por supostu a fayu extensiva a toa a xenti de boa voluntai do foru.

A si de sincilha e a coixa.
Naviai en varias religions ten mutu significau.
Ena nossa, ena que nos han criau, representa o nacimentu do mininu
Dios, pol tantu e um mutivu d' aligria, cumu nacimentu qui é.
Logu ca um le dara o sintiu qui queira, peru a estas alturas da via,
habendu pasau o meiu siglu, num poemus plantearnus esta regunta.
As festas son fenduas, pâ na fai falta fel derrochis, o importanti
creu que e estal cerca dos que queremus a poel sel.
Aunque hai familia que solu venin a casa pol Naviai, comu o anunciu do turrón, logu en tô anu ni pol cumpleanus sa cordan d' um.
Debemus sel bôs tô anu i num solu en estas fechas, qui e um mutivu de
recordal estamus d' acordu, peru a maiol terapia pâ num sintilsi solu
e dalsi a os demais, pulqui si ricibi ena miia que se da.
Num queru eital um selmón, esi num e mei uficiu, e um'a reflexión
sobri estas fechas, cuandu digamus paz as persoas de boa vuluntai
que num sea um'a frasi feita, nus insinorin a querel a os demais
cumu a nossotrus mismus.
Deisare as filicitacios pâ o dumingu que ven pol sel máis propiu.
O friu nos ten aletalgaus eno foru, ia se que pol Zamora andan os
lobus cum bufanda, peru num hai friu que um chuculatitu quenti num
quiti, hai otras coissas tamen.
Soidi a tôs por arrobas i larga via a fala.