San Martín de Trevejo - Caceres

Poyu asegurar que abanda de San Martin nun actuo en o enterru de Don Carlos Ojertu,en esa fecha ya estaba totalmente desfeita a banda, por que ni Tio Luis ,ni meipairti, ni mei tiu Roman ni tiu Lucas o Pinchon, recordu de velos tocar por esas fechas,nunca os e vistu tocar en directu. Creu que esta mal informau o que da esa nuticia, Pues cuandu morrei don Carlus ya nun estaban os Jesuitas en San Martin, fecha mutus anus que se habian diu.Respondu a istu con retrasu por que me encontru fora de o lugar y hasta oyi nun he lio o Foru.
Un salu pa tos os de o Foru y Aupa a Fala.
El Salto.

Tamén me paricía a mí que nun me cuadraban as fechas.
Tiña pensau, agora por tôs os Santus, cuandu fora a redal por os difuntus, acercalmi a ver, en o panteón de Ojestu, a fecha d´o enterru de D. Carlus, porque creu que os jesuítas, por aquel tempu feia ya mutu tempu que nun estaban en o conventu.
Creu habeli uivíu a mei pairi que se foran cuandu él era un dagal.
A vel si aclaramus istu, cumu tamén o de que ha currigíu os erroris d´a página web d´o Axuntamentu. MENUS GROMAS,que diría o otru.
Apertós de más.
Boas tardis.
B.RODAS

Boas noitis.
Ia dixi en otra polémica a necesiai de tel argumentus ó estal documentaus.
Os jesuitas purtuguesis estuberan tres décadas eno lugal, chegorin a principius de 1.900 i se foran a finais de 1.931.
Istu ocurri en'a 2ª República, entoncis se habilitó cumu preventoriu antituberculosu.
O únicu Ojestu que pu morrel en esas fechas siria D.Nicolás Maria de Ojestu, que se supón pairi de D.Carlus.
O cardenal Almaraz, visitó Sâ Martin o 15 de Juniu de 1.920, cum mutivu de celebral um'a misa en'o panteón dos Ojestus.
Enesas fechas si tocaba a banda de música d'airi, poera sel que haia un errol en'o nomi do finau, sin menuscabu p'anécdota ni pa o num identificau, tô mundu se poi cunfundil.
Num se si istu acrara algu, soidi a tôs i'a fala.

Bos días a tos:
Queru entrar en esti foru dandu un sintíu pésami a Charu, por a morti do sei omi, Pacu (q.e.d.),tamén a os fillus, netu/s, hermanus y demais familia.

Ademaís, contestu a mei amigu mañegu FONTINOVA, que desdi o mes de juliu do anu 1962, que disí Sa Martín de Trevellu, num o he voltu a ver, aunque os dois hemos diu a o lugar, él mais que ei, num hemus coincidiu en esti tempu.

Te mandu un forti abrazu y tamén teñu mutu interés en darto persoalmenti

P.D. Nunca uiví que "Abanda de Música do Airi", tuvera unha ma actuación en públicu y menus en un enterru de un personaji do lugar.

Según me contaba mei pairi, que era da "Banda" y figura en o "retratu", foran a tocar maís de una ve a Cileirus, por "San Blas", patrón de este lugar y tamén a otrus pueblus de a provincia de Salamanca.

Indamais, mei pairi, con tiu "Sindu", o "Carpinteiru" (q.e.d, os dois), se dedicaban, a cambiar as notas musicais dos "Manubrius".
Un recordu memorabli a os que formorin parti da "Banda de Música do airi".

Muta soidi "A fala" y a tos os "Furistas".

Si lees o foru habras comprobau que rara ve contestu a os "no identificado" por que nun sabi un con quen fala, pero didis algu que ei recordu y era muy pequenu, recordu habel vistu a tiu Sindu afinal un manubriu que tiña tiu Josè Porras, tiu de Chenchu, y que, me pareci, logu foi a paral pa o local de Falangi, pero nun recordu, aunque si e verdai que diva, a aquela otra persoa que acompañaba a tiu Sindu de a cual eris tu fillu. Por o que didis de Fontinova, debis sel mais o menus de nosa edai, ei o millol un poicu mas jovin, por isu estaria ben que nos deras algunha pista pa sabel quin eris. Ben vindu y esperu que sigas participandu en o Foru aunque, siria bo que con un nomi,seudónimu o como queiras chamalo, pa sabel que eris tu y non otru. Un saluu cordial, Chitu

Mei amigu manhegu:

-Con gran aligría e interés,he liíu o tei escritu.
Sobri o tema da "Banda" que tratais,póicu o na,poyu opinal.Pues,nun a recordu;comu tampocu uiví nunca falal d'ela.

Comu ya te didi Chitu.Tamén ei personalmenti te doi a benvinda,i t'animu a que participis con tos noxotrus a chalrreal das coixas do Lugal.-Ya sabis!!.Agora que vamus po tempu friu,imagina qu'estamus debaissu dos portais da plaza contandu histórias.-Cuantas vedis ¡eh!-

Forti abrazu, FONTI NOVA.

PD.Se levarán un-ha sorprexa,cuandu descubran quin eris.