San Martín de Trevejo - Cáceres

Me chamó atención esta fotu feita porún adebanu en fechas redentis i do que pusiblimenti fora: un-ha torri,ermita o castelu arriba en Xálima . Seguramenti,son fotus feitas das mismas ruinas que "a figueira" tuvu a cortesía d’envialnus o pasau otonhu.

Sorprendentimenti,o autor da fotu nun fai referencia algun-ha a esta peira. Pusiblimenti nun le dera importancia o desconhocera o significau. Pa mí, nun quea lugal a dudas de que se trata d’un-ha "tumba antropomorfa. ¿A vel,si resulta qu’o "Mons Veneris" de Viriatu é Xálima? – istu é broma- ¿por qué non?.

Tenhu intindíu, qu’eno Lugal hai un-ha persoa que é aficionau a "Arqueología". Pues, pusiblimenti aquí puiría descubril algu interexanti i dalo a conhocel. Seguramenti,na destis restus arqueológicus haian síu antis tíus en conta ni estén catalogaus.

Forti abrazu a tos

PD. A vel si dinamizamus o foru. ¡munhu!,tú nos arreas,peru dispois permanecis ena retaguardia -Eh!!.

Que radon tes Fonti Nova,pareci que estamus adurmilaus.Nun sabemus de Cana fai tempu,habel si espabila.Esta o Foru demasiau tranquilu,bueno sempri nos quea Chenchu,que comu un espadachin, respondi a os retus o provocacios de os furistas.
En o lugal existia un equipu de arqueolugus-busca teisoirus,de gran reputacion en a zona.Se buscaban as riquezas que deixarun escundias, nun sabemus quen,pero que segun o sabel popular existin.Se fideran expedicios as Torris,a o pozu das campanas,a Xalima etc nun encontrorin na,pero so pasaban de meu,preparandu a siguienti expedicion.Teñu que recoñocel que os do lugal se cachondeaban,algun dia os sacaremus de o sei errol,cuandu se descubra esi fabulosu teisoiru que esta ecundiu en algun sitiu de San Martiñu.O equipu o formaban os destacaus especialistas arqueolugus,Manuel "O Condi",tiu Peiru "O Zambu" y o Muñu.
Pa cualquel consulta,estamus dispostus a asesoral gratuitamenti a o que o dese.Que te parecia historia Fonti Nova
Forti abrazu

pero muñu comu se teocurri de dal nomis ,nu bes que logu se cachondean de vossotrus y tes radon que comu especialistas num hay oitrus que sepan tantu sobri esi tema ,porque cuantas historias abre uiviu ,cuandu leu coissas sobri as peiras de xalima ,pensu que mutus nun sabin tres cuartas um-a .Bueno prenda un forti abrazu de a filla "O Condi".

Hola o muñu!!.-Que te parecia historia Fonti Nova -me didis-.

-¡Me pareci un-ha fantástica historia i chea d’emocios!.

Me quitu pues o sombreiru anti esti ramilheti d’arqueólogus i buscaoris de texoirus. D’habel contemporizau con Layard i Botta, estis huberan síu discípulus dos manhegus. Enas fotus qu’a "figueira" nos envió de Xálima , hai un-ha con títulu "A nevera de xalima". Pues ben, enesta fotu s’aprecia con toa clariai, comu un-has tres peiras de sillería , han síu arrancás exprexamenti por alguin. Vistu a técnica tan perfecta de construcción desta neveira octogonal ; é impusibli qu’estas peiras s’haian queidu solas.

¡¡Colhós!!, agora quea to ben claru. Aquí ha funcionau o detectol de metais, i algun-hos han feitu o agostu. –Mira por dondi,acabas de dalmi un gran idea . Cuandu me jubili, compraré un-ha d’estas maquinitas i me pasaré o tempu libri recorrendu as montanhas do Lugal . Comu se rumorea: qu’omilhol nun haia perras pa pagal a tos os pensiunistas,habrá que dil pensandu enalgún trabalhu extra.

¡Bueno,amigu muñu! de cuandu en cuandu, nun ven mal un-ha broma.

Forti abrazu

PD. carrunchela didi: porque cuantas historias abre uiviu ,cuandu leu coissas sobri as peiras de xalima ,pensu que mutus nun sabin tres cuartas um-a.

Nun acabu d’entendel o de "nun sabin tres cuartas um-a" ¿t’importaría aclaralmi istu?

Amigu fonti nova ,queru idil que pol sel filha de quin soi ,me a tocau escutal mutas coissas e historias sobre xalima y comu tu ben didis poin sel muy emocionantis ,hay bedis que seben en-as peiras coissas que queremus o que creemus bel y pol isu e milhol que nos den a sua opinion algun-os que entendin mais sobri o tema (muñu ). sobri de compraltil um-a maquina ten cuau porque o tes muy crudu nun vallas a pasal a jubilacion a sonbra mira que estan as coissas bastanti mal sobri esti tema,porque o estau quel tos os texoirus pael y nun querin compartilos con naidi.

Oyi he postu duas fotografias de as mutas que saqui o veran pasau que subi un dia a Xalima con o fillu y os netus.O que nu haya subiu nunca que sae animi que agora se subi muy ben,casi se chega arriba en conchi y a verday que hay mutas coisas pa ver y mutas peiras que contemplar, a demais de o paisaji que desde ali se ve. A neveira esta muy ben inda y ver as ruinas de armita que habia. Animu y e muy bo fel ejerciciu en veran. Animu Muñu,Fontinova y demais,pueis en comtrar o Tesoiru y nos vindria muy ben pa poer fel a Festona de o Foru.
Un saludu pa tos y comu sempris AUPA a FALA.
Elsalto

Amiga carrunchela:

Comu se didi eno argot do futbul: "estoi fora de xugu" . Me foi do Lugal ena primavera do sesenta i tres , aunque nunca he deisau de pensal enél . Tamén, é verdai que duranti bastantis anus i por varias radós,estuvi mui desconectau de San Martín.

O que tratu de idilti , é que participais eno foru manhegas/us que nun acabu de situalas ena familia a que pertenecin -sendu ésti o tei caxu-. Pues, a gran maiuría das familias do Lugal, as cunhucía i as recordu poro moti , pero si me falan d’apilhíus me perdu completamenti.

Según se desprendi do tei escritu,eris filha de Manuel (o Condi), un homi que conhocí mui ben Xálima i o qu’hai enela. Pues, reconhocendu a minha ignorancia,nun sé quin é tei pairi -aunque me gustaría sabelo-, porque estoi seguru qu’algu aprindiría d’él.

Apreciau amigu "saltu": nun necesitamus encontral un texoiru pa fel un-ha festona. O milhol texoiru,é estal en companhía de bos manhegus i manhegas.

Forti abrazu

Istu de subil a Xalima pa mi he un placer,Fonti Nova si estas en o lugal a primeirus de Septienbri chamami que pa la subimus,en o campu me he criau,en San Xuan esactamenti y isu de andar por o campu y por os riu me encanta.
O anu pasau subi duas vedis y hubera subiu mais si nun me tuvera que dil pero cabe que vaisaba me queaba con a sensacion que nun habia vistu ni a cuarta parti de o que ali arriba hay!¨nun por a coixa que si texoirus,en metalicu o coixas por o estilu,si noun por a istoria que se poi sacal de esas peiras que me tenin muy intriga,ya desde pequena sempris me han chamau a tencion de as formas ,en os sitius que se encontran y as posicion que estan y pa mi mutas han siu mubias apropositu,istu mutus o sabin,to ten a sua logica,POR QUE ??pero as duas vedis que subi os que subiran cunmigu tiñan presa de dal a volta!hay que miral con calma.
Ali arriba hay mutu de dali voltas a cabeza,aparti de o paisaji y a paz que encontras ali arriba y en tempus de batallas se controla to muy ven do que ven por abaisu.
En fin que Xalima inda hay que falal.
Bueno soidi a fala y a nosa istoria que inda nos quea muta pero hay que encontrala y esta aei.
A figueira.

¡Hola figueira! . A principius do siglu dodi , novi cabalherus da nobleza francexa se foran a Jerusalén a rebuscal enos sótanus do templu de Salomón. Nun era oiru o que buscaban sinon cunhucimentus. Novi eran os homis, i novi foran os anus qu’alí estuveran aprendendu ,¡Dios sabi qué! (forman a ordin do Templi).

Pues ben, cuandu estis cabalherus volvin a Francia dispois de novi anus d’estal estudiandu ena universiai do Rei Salomón . Sobri meiaus d’esi mismu siglu i sin ninhun-ha evolución , empeza a surgil un novu estilu arquitectónicu hasta entoncis totalmenti descunhucíu. Esti tipu d’arquitectura, sólu s’aplica a edeficius de caracti religioxu (elis eran monxis) i qu’hoixi conhocemus comu "Estilu Góticu". Comu to istu,son suposiciós minhas, ignoru a relación -si é qu’existi- entri os primeirus Templarius i arquitectura gótica, -demaxiá caxualiai ¿nun creés?.

Comu tú ben didis, conesti objetivu hai que subil a Xálima. Con sed de cunhucimentus; porque nun creu qu’encontremus alí oiru ni pa felnus un anelu. De toas formas: nun sé,si estaré eno Lugal a primeirus de septiembri. Peru si así fora,siría un placel subil cuntigu a Xálima a estudial esas peiras, claru está, dentru das nosas limitaciós.

Forti abrazu

PD. -¡Ah,isu sí! . Con un-ha boa turtilha de patata i a bota de vinhu.

Vali,por a turtilla y un bo viñu nun te precupis isu esta feitu,teñu ganas de aprender ya que solu me he dedicau a traballal y pa aprender nun he tiu mutas ocaxios pero nunca he tardi y cuntigu creu que o tempu nun he desperdiciau te sigu en o foru y por supuestu a Chenchu que sempris da muy boas respuestas,^cuandu respondei en un-as das peiras con os buracus que hera pa ordeñal as cabras y beber o comel o leiti migau en esas pozas me chamo a tencion ya que as peiras estan o descubertu totalmenti y os buracus estan muy altus pa subil ali as cabras o mutu a chubiu desde entoncis y a diu arrastrandu a terra y a rea,mutus estan o arrastri do solu pero hay mutas que me chegaban altura do peitu un metru por lo menus de altura he inclusu os he vistu tamen en canchais ya demaxiau altus que solu os ves subinduti en elis,nun dicutu que mutus heran po que didi chenchu pero os que estan tan altus??y nun habia un solu sempris 3,4 o 5 nun se pero con un dois por si hera mais de un-a persoa,nun se,nun se !!
bueno ya se mirara con calma,sabre volver a esis canchal creu que si!
Sin mais por o momentu soidi a fala.
A figueira.

Tamen ei me apuntu a esa excursión.

Esa debi ser a actitud ante os restus arquitectonicus de cualquer etapa prehistórica/histórica a que tu muestras "a figueira"
dudar de to mientras nun exista a completa seguriai.

Vi en certa ocasion cumu un cabreiru que tiña mei pairi ordeñal unha cabra y migal o pan utilizandu esis pucitus, pur isu o dixi, pero tamen puiria sel pa lavarse o beber a agua acumula da lluvia, o quin sabi...os pastoris os usorin pa isu y os que a fideran pa ritus religiosus en donde o fogu en esis pucitus ben puiria servir pa espantal os lobus.Cumu tu muy ben didis os buracus estan en alturas,
pero e que a cabra dependendu da época do anu, en veran por ejemplo, cumu didi o refrán "tira a o monti" subi a comel as follas dos árbulis a cualquer altura. ¿Qué hay mutus? si, pero é que tamen había mutus pastoris. Y debemus pensar que o pastor tiña mutu tempu libri y en
algu se tiña que entretel y o autor/ris dos buracus de esa maneira satisficiria a sua vocación de picadreiru.Poemus fer tal cantiai de
hipótesis que nunca acabaríamos. Hasta, por ejemplo, intental metel unha peira o uhna chapa en o buracu, o sea, pa yugus.

A Xiálima que agora vemus é muy diferenti de fai 40 anus.

Por certu, ¿se ha retirau a chatarra? o que un dia sirvi pa
protección de os árbolis reden sembraus, mutus se han secau y os protectoris cunvirtius en chatarra.

boas tardis.

sE me ulvió:

Sobre esis pucitus en os canchais, nun se ha feitu, pero nun custaria
mutu analizar por un picapedreiru y en Purtugal os hay muy bos
desentrañar cuantas persoas son os autoris dos mismu.
Me pareci que mutus están feitus por unha misma persoa.

Estupendu tema de conversación,nutría muy ben por os cuñucimentus de Fontinoca sobre a materia, .Esa peira en forma de pileta que puia sel un sarcófagu, se pareci mutu as peiras que hay en Trevellu,xuntu a Igleixa debasu do Castelu. ¿Serán da misma época?.En o términu do lugal tamen hay algunhas asina. En cualquel casu e unbo pretextu pa subil y
Xálima y difrutal de to o ideis. Soidi pa tos y pa afala Chitu.