San Martín de Trevejo - Caceres

alfena:

-Nun te conhozu!. Comu tampocu tú a mí -imaginu-. Pero,sí sé, con quen te relacionas en o Lugal. Essa relación, te avala, i é a milhol garantía pa entral a formal parti d’esti club. "A nossa pichorra virtual",(comu alguin dissu un-ha ve).

-Agora ben!!.
-Hai un-has normas.
-¿Estás dispostu a cumplilas?.- Son as siguientis:
a).Defendel o Lugal,a capa i espá,alí dondi un s’encontri.
b).Participal con algún escritu eno foru,(comu mínimu cuatru vedis o mes).
c).Nun estal, mais de dois anus sin dil o Lugal.
d).A mais importanti."Nun ulvialsi nunca da nossa Cru".

¡¡Se benvindu manhegu!!,forti apretón de mas, FONTI NOVA

PD. P’ato aquel, que nun cumpla o apartau "b" se le retirará o seudónimu comu a "Mañega ausente".

Amigo Fonti Nova creo que cumplo con mucho orgullo las normas A-C-D.Defiendo con uñas y dientes a mi San Martin querido,nunca en la vida he pasado dos años sin ir al pueblo y no me olvido nunca de la Cruz,a veces egoistamente cuando la necesito,pero siempre la llevo en mi corazón (eso me lo han inculcado mis padres).Y en cuanto se refiere al apartado B,pues tambien procuro cumplirlo,lo que pasa que no en todos los asuntos esta uno preparado,por ejemplo yo de vino no se nada,lo bebo simplemente,asi que no tengo cultura del vino.
Me alegro de verte mas a menudo por el foro,porque has tenido una temporadilla que se te echaba en falta,intuyo que los problemillas que hayas tenido ya van superandose.Un abrazo. Merche

felicidades mañega ausente enel dia de tu santo besitos foristas

Para Mañega Ausente,espero hayas disfrutado del día de tu Santo.
¡¡¡¡ FELICIDADES !!!!!. Un fuerte abrazo, Bego.

Fonti Nova:
Nun sé si nos conocemus. A) ¿Defendel a capa y espá a o lugal?. Si querel fel de menus a naidi (A cru Bindita me libri) Isu se me quea pequenu. Si alguna ve nos vemus entenderá o por qué. Por o vistu isu de que me foi dó lugar con 5 anus y inda chapurreo o mañego pareci que nun e suficienti.
B) Participal en o Foru con opor lo menus 4 escritus. A vel si inda me tendis que chamal pesau...
C)En este momentu creu que teñu algun impedimentu por un asuntu de familia da muller y creu qu he faltau 2 anus o por lo menus a mí me a pariciu un siglu. Un a de as ultimas vedis etuvi en Noiti Vella ceandu en o Hostal o soitu que se cerró. A última ha siu este mismu veran, poicus días pero...
D)Nun ai ve que veña a o lugal que nun saqui tempu para dil a ital una parrafá con Cru Bindita a sua ermita. Sé que está cerrá pero... Cuantas fotus nun tendré de a lápida con a inscrpción de a entrá.
Ojalá siga puendu dil porque será bua señalSi nun voy... mal asuntu.

Un forti abrazu

¿Quin duda que a fala sairá p´ayantri?

Tal como se desprendi de o que escribis, me pareci a mi, que tes unha impresionanti caliai humana, nun te coñozu personalmenti, de momentu, pero a verdai e que nos honras con a tua participación en esti foru, en o que, a vedis, como a entrá e libri, entra algún dandu cuecis, pero nun le feimus casu. Has tiu a delicadeza del felnus casu en o tema de o nomi, gracias, y demuestras, poñenduo de manifiesto, o cariñu que tos compartimus por o lugal, to o que él representa y tos os seis simbolus. Has anunciau discrepancias con algunhas opinios, isu e estupendu, na enriqueci mais que unha sana y comedía discusión. Aquí a vedis nos tiramus lanchadus, como de pequenus, pero logu se ulvía to. Nun creu que hayas entrau antis con otrus nomis en o Foru, Chenchu e que quel quitali o puestu a Tribuleti y fai unhas investigacios que un veas. Me ha gustau esa demostración de bilingüismu con a exhibición orgullosa ante os compañeirus de esi estupendu retratu y , dau que vivis en esa terra desde muy pequenu, seguru que dominas esa fala, debi sel un orgullu pa ti, por que a mi me gusta presumil por aquí de que me entendu ben, tantu con os galegus como con os purtuguesis. ¡Sigui en o Foru Alfena ¡, y opina y critica to o que queiras, sabendu aguantal tamen as opinios discrepantis, que as habra. Un saluu de Chitu

Chitu, perdoa pero con istu de que estamus en o Festival de cini y anda por aquí Richard Gere a muller ten ganas de dil a velo, ya o vimus anteayel, pos ná, otra ve. Te contestu a tardi o mñan con mais detenimentu

Amigu Chitu, vaya pol deyantri mei agradecimentu por a estimación que fai de miña persoa. Esperu que nun se quei en una mera impresión y sepa gañalmi o vosu apreciu poicu a poicu. O poñel o nomi e simplimenti que si un quel xugal a un xogu, temos que empezal por tel tos as misma reglas, ni mais ni menus (a nomi pelau, a seudónimu...). Nun é que anuncii discrepancias que tamén porque comu tos sabemus donde se axuntan duas o masipersoas ya hay probaliai de que haya formas de pensal diferentis ¿si o non?. Hasta con a mullel y isu que tes un proyectu de via en común tes "montá a gresca" de ve en cuando ¿me equivocu?. Ei soy novu en istu do foru y encima nun os coñoceré a mutus y comu he ditu en otra ocasion coñozu muy poicu de os problemas que tendis planteaus en Sa Mertin. En fin, que teñu poicus elementus pa acertal en mutas de as discusios que saqueis a colación en o foru. Esperu que mutas vedis sepais disculpal o atrevimentu a hora de opinal. Me ha gustau isu de que os "tereis lanchadus pero que logu to se olvia ". Ditu de otra forma, se discutin as ideas diferentis pero se respeta as persoas, pensin comu pensin y digan o que digan. En o tema de doniniu do euskera porque me viñi de muy pequenu (te remitu a un mensaji que le voy a envial a Nachitu falandu sobri estu)pero te ayantru, duminal, duminal, nun dominu ni o castellanu contra mais o euskera, digamus que nos entendemus. Orgulloxu, sí pero o mismu que con cualquiel otra coxa que te ha costau mutu y que vas que sirvi para mutas coixas. O de aguatal as opinios discripantis, pol supuestu, o que faltaba predical unas normas de respetu pa logu saltamas ei o primeiru. Me tendis que contal mutas coixas sobri os objetivos que perseguis con este foru, si sólu (ya e mutu) é para luchal por defendel a fala o se le poi sacal inda mas xugu, si os furistas somus mutus (númeru aproximau), cuántus vivin en Sa Martín.Si hay temas tabú que nun se poin tocan o hay reparu,con que ayuas conteis pa o tema de a fala, si se poin buscal subvencios en a Xunta,... Nun sé si voy ven o estoy metendu as naridis dondi nun me importa. Perdoei o rollu. ¿Quin duda que a fala

Amigu Alfena, racias por a resposta. Fai un anu que entrí en o Foru por que me enteiri de que existia o verán pasau, y cuandu empici a lelo me gustó a idea de que un grupu de mañegus, a mayoria que nun vivi en o lugal, escribiran en a nosa fala, coisa que nunca se habia feitu antis, y falaran de to un poicu, de os magnificus retratus que se publican, de as coisas que pasan en o lugal, desde distintu puntus de vista, inclusu de política, bueno de a política de o lugal, pero con mutu cuau por que, ya to dixi en o primer escritu, algún anónimu entra dandu cueicis, pero e millol nun feli casu. Ei diria que nun hay niñun objetivu concretu en istu de escribil aquí, aunque como ya vai tendu antigüeai , o millol pa mais de un somus como un pequenu grupu de presión, libri claro, ya que as nosas opinios se leen en mutus laus Nun hay normas, o que pasa e que Fontinova e un perfeccinista y tendu radón en o que didi y propón, a verdai e que to mundu ten accesu y con libertai se expresa, a vedis con abusu, como le ven en gana. Pero istu se vai perfeccionandu y aunque e certu que o Foru supon ya unha especii de vinculu pa tos os que participamus en él , a naidi vincula, solu nos uni de verdai o cariñu por o nosu lugal y o afan por que esta fala nosa perduri, en a forma escrita, como, gracias a os nosus antepasaus, ha subsistiu desde que se creó. Nun se si te aclaro algu. Un saluu pa tos de Chitu ¡Ah! como pasó conmigu, acabermus descubrinduti e identificánduti.

Amigu Chitu:
A bo entendeol pocas palabras bastan... Te has explicau ben. Buenu ya diremus vendu qué y cuánta presión poemus fel a través do foru. Pol supostu o primeiru que hay que tel e conta e coñocelnus millol y tel claru que "somus tos os que estamus y nun estamos tos os que somus". Hay que vel si hay mais xenti que que traballan por a Fala y por o benm do lugal al fin y al cabu. Qué temus que fel, cuantu donde isu poi sel tratau poicu a poicu despois de coñocelnus millol. Con respetu sempris. Si dil atacandu axenti. Creu que os que están eno lugal nus tendrían que dil dandu pistas de qué coixas se les ocurrin para que o foru sirva pa cuantas mais coixas millol si vai en beneficiu de Sa Martin. O mismu estoy empezandu a "dar codis" comu tú didis y soy o menus indicau pol a falta de coñocimentu de os objetivus do foru. Entindiu o de mellorar a utilizacion de a fala. Miña pregunta e, sendu bastante por agora ¿sólu pa isu?
¿Quin duda que a fala saldrá pa´antri?

Caxu "alfena":

Un-ha ve,revixau esti caxu: o jurau d’esti tribunal (foru),chega as siguientis concluxiós.

Veredictu:

Que, esti manhegu i candidatu a furista,ha superau toas as pruebas mui satisfactoriamenti, con un-ha calificación de sobresalienti.

Sentencia:

Esti tribunal, condena a esti furista a siguil escribindu, cona frecuencia anteriolmenti mencioná, por un periodu mínimu de(vinticincu anus).Nostanti:vista a gran caliai de manhegu que ten. (O mes d’agostu de ca anu, quea liberau de tal cumprumixu).

Manhega Ausente: tamén o tei caxu,ha siu revixau. Exceptuandu o apartau"b" po restu. Esti tribunal te concedi un "SUMMA CUM LAUDE".

Forti abrazu, FONTI NOVA

PD. Chenchu: grata sorprexa liví, a verti en televisión fendu un comentariu sobri as festas da "Merced".

Mutas gracias Fonti Nova. Nun esperaba menus de vosa magnanimiai. Te deseu a misma larga via que tú qués p´a mi o inda mais.
O que si ha siu muy acertau ha siu o veredictu que has eitau p´a a Meñega ausente. Ha coñozu y se mereci que se le apliquin toas as excepcionalidais que teñas en as normas que aplicas.¿Jo, que cachondeu nos levanos!, ¿non?. Q¿uin duda que a fala sairá p´a yantri?

nun se quin ha postu esas normas pero creo que en a defensa do lugar de un está en un mismo, pero de toas as nomas a d me parecí muy forti, ya que hay genti que poy defender o lugal y nun creer en a iglesia. Pero hay que respetar a to mundu

-"Pero hay que respetar a to mundu" -didis-.
-Sabias palabras!!.

A nossa Cru,é inherenti a San Martín. Si te identificas,trataré esti tema cuntigu en mais profundiai.

FONTI NOVA

Si qués miña opinión, y poñendu comu ejemplu a xenti de Sa Martín que ei coñozu, te diré que, mutus nun pixan una iglexa en tó anu, alí dondi vivin, pero é chegal a o lugal y cuandu ha habiu alguna procesión son os primeirus en querel leval a Cru Bindita, creu que en esteis caxus poi mais o símbolu de un cariñu a to o que quiera idil Sa Martín que a referencia d´a imagin con relacion a Igleixa y suas creencias religioxas. Nun sé si me he explicau.De toas formas fai mutus anus y refirenduxi a os maus ejemplus de algús sacerdotis, Alguin ya dixu: "voxotros nun teñais en conta o que fayan sinun o que digan". En fin que por oixi nun me enrrollu mais. O mismu, encima ni me he explicau comu é dibiu.