San Martín de Trevejo - Caceres

Grácias,a tôs esis num identificaus que boa molestia se toman en dal
datos cum pelus i senhas,peru queru idel de pasu que cuandu queru vel esti tipu de nuticias compru o periódicu o ponhu a tilivisión.
Num m'interesa pâ ná certus temas que s'han escritu últimamenti,i menus
temas políticus,sempris he pensau qu'a politica e pâ o que vivi d'ela.
Hai otrus forus pâ tratal certus temas milhol qu'esti,ei entru a diariu
escriba o num,veu esas peroratas que cansan,pos parecin testamentus, largus escritus,cansa leelos,i num me despertan interes.
Esti foru ten otru fundamentu,cumu e conselval a Fala,mantel lazus de
amistai pâ tôs qu'estamus fora do Lugal,sabel coisas do mesmu i sobre tô
tratal de conselval a Fala a traves da escritura inda dandu paus de cegu
pos num sabemus felu cumu e dibiu,peru num poiu entendel qu'um manhegu
num poa intental siguil estas pautas,menus entendu que entrin num identificaus soltandu a pracel o que les venha en gana,num,enesti foru
num me gusta vel istu i num me poiu calal,pos igual qu'aminha libertai
empeza dondi acaba a dos demáis tamen me gusta qu'os mesmus pensin
asina,ia estoi cansau i um poicu molestu cum istu.
Hubu um'a ve que num puian entral os num identificaus,se propuisu fel
um'a apertura pâ que poeran entral a leel tôs aquelis qu'estuveran interesaus en sabel coisas d'esti foru,pos num se si num nos tendremus
qu'arripintil,notu certu interes en sabel cumu respiran os componentis
d'esti foru o cual consideru qu'e vulneral a intimiai dos mesmus.
Ei num tratu de fel vel qu'o quei pensu e palabra de Dios,vivu i deisu
vivil,alá câ cual cum suas ideas,tôas respetablis,peru num voi a entral
ao trapu cum estas provocacións,solu digu que cansa tanta insistencia
um'a i otra ve en sacal textus,pulque ni siquera transmitin o pensal
do qu'escribin,se limitan a transcribil cumu papagaius o que leen.
Sintu habelmi extindiu tantu,peru creu que se me nota certu cabreu,poi
qu'algun dia saia o sol pol Antequera i diga ei tamén o que me venha
en gana,isu sí,a cara descuberta i cum valintia,sin amparalmi en anonimatus,que num se poi anal i guardal a roipa,ni tiral a peira i
escondel a mán,qué valintia temus num identificándunus.
Soidi pâ tôs i forti abrazu.

Mui ben ditu (o escritu )Nachitu,estoi cuntigu,icreu que mais de un forista tamen.
Menus testamentus han escritu algun.
recordus a Bego.

Aqui respondu,duas vedis me he liu o que didi Nachitu,y pa nun varial almodandu pa dilmi a traballal,que aunque sea dumingu tamen se traballa y con gustu boy,solu que me pondre un-as boas botas que esta nevandu.
Nachitu pensu igual que tu,nun me gustan pa na as discursios,y menus cuandu notas que se esta metendu a politica por mellu,os nun rejistraus que te lian y nun sabis si o que escribi o de arriba e o mismu que o de abaisu,un jaleu va ;trapalladas; comu didi o mey homi.
Tamen me cansa tanta confusion y pasu pajina.
Que paseis un bo dumingu tos.
Soidi a fala.
A figueira.

Tes toa radón Nachitu y ei ya he escritu sobre esti mismu tema en a misma dirección que tú.O asuntu dos nun registraus mitineirus y copia manifiestus, ten solución y está en a nosa man. Ni contestal a os non registraus, como si nun estuveran, com fagu ei habitualmenti; ni a os mitineirus que se autonomiman con nomis novus que en definitiva nun son identificablis.Nun se poi prohibil a entrá a niri aunque se poin censural aquelis textus injuriosus pa alguin, pero o millol e telos por nun escritus, a vel si se aburrin. Temus que intental que esti foru sea, precisamenti, o que tu didis, unha tertulia de amigus o cuantu menus paisanus, que discrepan, a vedis, de as opiniós do otru y que, con educación, se manifiestan, preferentimenti, en a nosa fala, sin que istu queira sel unha prohibición pa aquel que, desgraciamenti pa él, nun ha feitu a posibli por expresarsi en ela. E asi de sencillu. Soidi patos y pa a fala, Chitu.

O mais importanti é expresarnus en a nosa lengua
sin importar o tema; do que didis "Nachitu" de nun estar
expresau en mañegu nun o valoraria.

Te voy a responder y me voy a repitir, cumu sempris:

"Nun me interesa pa na certus temas
que s´han escritu ultimamenti
i menus temas puliticus, sempris he
pensau qu'a pulitica e pa o que vivi d'ela"

Si falamus dos presupuestus do nosu ayuntamentu
é pulitica, si dos macetos... pulítica, do
paru obreiru,da importación do cacau, da
contaminación etc..etc. y vendran as eleccios
generais, as municipais y tendremos que falar de
el.las, logu, hasta o airi que respiramus, gusti
o nun gusti é pulitica.Too o que agora é pulítica
o dia de mañan é historia.

(Te recomendu o libru de Fernando Savater:
"POLITICA PARA AMADOR" ED. Ariel)

Aqui en esti foru se lee "Autor" y ca cual é libri
de leer o nun leer o que ca cual se expresa sobre o
que le de a gana. Soy partidiariu de responder sempris
y haSTA a os imbécilis y locus desesperaus que insultan y nun firman.Opinu que nun debin tel a úLtima palabra. Asi cumu ca
cual é libri de solidarizarsi o non con quin recibi a agresión.
O foru é y será o que queiramus que sea: que o IDEAL siria
que entretuvera, que formara, que instruyera, que os nosus textus
foran verdadeiras joyas literarias, que transmitira aligria etc..
y mutu mais IMPORTANTI: que en o nosu LUGAL nun hubera paru obreiru
y que A FALA estuvera PRUTiGIA por os poderis públicus.

Aunque en esti mensaji nun sea o espaciu apropiau...
le preguntu en que normativa o legislación actual
a un funcioanariu se le obliga a firmar o que él
("O milanu")afirma, porque cumu Lala soy funcionariu
jubilau y descuñucía esti feitu.

bos días.

En as elhas hay un foru que he pribau y num tepois metel en el almenus que num estes rejistrau ,ei creu que siria um-a boa solucion si num sequel que entri jenti num rejistra ,de toas as maneiras temus culpa nos, que respondemus y sobreto cuandu hay temas que nos interexa (entre elis ei)y logu nos queisamus si didin algu que nun he de nosu agradu .Asique senpris se poi punhel um-a solucion si sequel .