Campaña si, pero cuau Ni he siu, ni queru sel, por tantu nun seré nunca, vigilanti o cuidaol das boas costumbris do foru, pero nunca me calaré pa afeal conductas que consideru inadecuás o pa recoñocel a bondai de aquelas otras que, entenda ei a titulu personal, merecin esa calificación. Teñu por costumbri, ni contestal anónimus ni fel politica directa, ni aquí, ni fora de aquí, pero acabu de lel o que nos didi Luis Carlos, segundu de unha de as listas de candidatus a gobernal o lugal, y, estaré o non de acordu tantu con o partiu como con as ideas que representa, pero e o primer mitin radonabli, demócrata, respetosu, dignu y comediu que he liu aquí; por tantu, teñu que alabal a forma, repitu, pa que nairi se confunda, sin manifesarmi en cuantu a o fondu, por que ya sabemus que, en Campaña, como didin paquí abaisu “ to er mundo es güeno “, logu ya, por as obras se van coñocendu. O que si he certu, e que tos os que queiran fel aquí campaña, que sería estupendu pa coñucimentu de os que estamus fora, tomin ejemplu y nun desacalifiquin, aunque fayan as denuncias que considerin oportunas, ni personalicin despectivamenti, aunque critiquin. Nun se si me habré pasau. Soidi a Fala y pa tos. Un saluu de Chitu
|