Otra Cru Bindita mais ¡ Que maravilla ¡ Itu sigui quenti y animau, lastima que nun me fayan casu y se identifiquin algunos das sorpresas, os cometius y as caduciais, por que o debati está sirviu. Ago que nun vaya a idel agluin que esa magnifica propaganda que nos fai do lugal Marta Blasco - por certu gracias por o que didis – está tamen subvencioná. ¡ o que faltaba ¡,. Estas son as coisas por as que hay que luchal, por que alguin que vaya o lugal, queira volvel y vea o bo, que, desde logu, o hay. O mau debemus destacalo, pero dandu soluciós pa corregilo. Esa e a labor de os candidatus. Mañán e día da Cru, otra Cru Bindita mais, unha das grandis y entrañablis festas do lugal. Fei un altu en a campaña y, creyentis o non, pili pa que o lugal siga prosperandu, pa que sea a envidia de os alreoris y pa que teñamus muta soidi pa desealnus felidis festas a tos mutus anus. Marta, e de ben nacius sel agradicius, tu eris ben nacía, desde logu, y por isu hay que darti as gracias por esi cantu de agradecimentu que fais a o lugal en general y a mutas persoas en particular, boa genti, hospitalaria, das que disfrutan atendendu a genti que ven de visita. O ditu, que teñais bo día da Cru, tal vez friu, pero que sea bó pa tos. Soidi a fala y un salu de Chitu.
|