San Martín de Trevejo - Caceres

Días feia que nun entraba on o Foru. Dispois de vel o que hai se m'han ocurríu estas rimas, que se han feitu sion ánimu de molestal a naidi.

COIÇAS D'O FORU

O Foru está preocupaú
en esti precisu instanti
de coisas poicu impoltantis
que nos tenin alegráus.

Tribuleti a investigal
en Virginia o que ten migas
hai otru que nos da figas
con que se vai p’o ferial,

y alí meta que bailal
soleás y seguidillas
templalsi de manzanilla
y comel y trasegal

langustinus y turtilla
lombus, gambas y jamós.
Qu’en a entrá nun hai colchós
pero sí mutas bumbillas.

Y sei primu, ¡Qué aei o tés!
entre bromas le amenaza:
¡me sacarán d’esa plaza
por os pitochus d’os pés!

¿Cuántus hay en o lugal,
y cuántus hai en o censu?.
Buscaremus por consensu
alguin qu’os sepa contal.

Que si en o mismu lumbral
vivin seti o vivin oitu,
sin contal os que p’a o soitu
han seidu un-ha volta a dal.

Que didi a Constitución
qu'os mañegus poin paseal
de España en cualquel lugal
diga o que diga Garzón.

Fontinova con lumbagu
anda algu fastidiáu,
y tamén está mosqueáu
con algún arcardi vagu.

Nun se debi preocupal
que ya ten ufricimentus,
aunque desde o Axuntamentu
nun le queiran contestal.

Y de Manriqui copiandu
os versus que dedicó
a sei pairi
Quixera dil acabandu
as rimas que faiu agó
a mei airi.

Fontinova, contertuliu:
esis dolores qu’as tíu
d’o lumbagu.
Pensa que en o mes de Juliu
se te quitan con o estíu
y un bo tragu.

Y que sea de boa pichorra,
de vinhu ranzu o dulzón
y si hai sorti,
qu’o poias bebel de gorra.
Si non, agua do pilón
d’a do Forti.

Y a esi qu’anda preocupáu
por os mañegus que hay
en o censu
le digu: nun teñas cuáu,
que isu cualquera o fai
é o que pensu.

Y a o que sel contaol,
y a o que a feria vai contentu
camiñandu
le agradezu o sei rigol
tenin recuñucimentu
de Fernandu.

BOAS TARDIS

Sin querel dalvus figas, que sepáis que me diré p'a Feria pero máis abaxu de Sivilla.

BRODAS

Mira Brodas..o Fernandu..
cuandu leu ,estis teis versus,
me queu cala y pensu,
pensu qu'estoy bailandu ...

tal é o rigmu que le tes;
mais nun te sabria idel
si por segidillas o solearis...
o, vaiti a sabel o qué...

Felicitacios

un salu
Anduriña