San Martín de Trevejo - Caceres

Um dos dias qu'o calol nos do um respiru eno mes de Agostu, pos d'otra
forma e um'a temeriai metelsi eno campu de Valverdi, m'animi i me foi
a conhocel Salvaleon, pos numca habia diu.
Agarri pâ Valverdi i d'aqui pâ Purtugal, antis de chegal a fronteira a man esquerda indica a Salvaleon, peru inda nos quean oitu km de carril,
a principiu ves carteis peru chega um momentu que t'entran dudas, sempris hai algun pastol pâ preguntal i amabrimenti te indica.
O carril e pâ tô terrenus o cumu en mei casu pâ furgonetas, num pensaba
encontralmi gran coisa, habia liiu um libru de Vicenti Parra de Valverdi
dondi idia que solu queaba um cerru sin ninhun'a senhal do qu'aquilu habia siu, cual foi minha sorpresa cuandu vi as muralhas cum sei fosu
do qu'habia siu a fortaleda defensiva de Salvaleon, rodeandu a muralha
di cum'a entrá pricipal ancha i de costa suavi, dentru do recintu quean
ruinas doque poeran habel siu cabalherizas i otras estancias dondi mui
pusibrimenti morara o comendaol.
A muralha ia tendra algu mais d'um metru d'ancha, me sinti ena entrá
principal i me quii mirandu en sintiu sul o que habia siu a Vilha, pos
tamén conserva sua muralha, ao lau dereitu estaba o riu Basádiga que
fai lindi cum Purtugal i ao lau esquerdu o riu d'As Elhas, o silenciu
era relajanti cuandu menus, paricia cumu si as peiras quiseran falal,
me sinti tansportau, logu descubri um cartel que falaba da rosa
d'Alejandria, ca anu ocurri algu inesperau, esta flol brota pol primaveira i pâ finais d'Abril esta en prena belheda, pos s'abrin as
foilhas i se ven as similhas d'um colorau brilhanti intensu,máis tardi
se cambean a negru i tamén mui brilhanti, finalmenti se descompón i tô
tipu d'incectus se dan um fistin, deixa um cheirol num mui agradabri.
Pos istu ocurri eno fosu, osea que, a fortaleda se ve rodea d'esis lindus coloris, tôs os anus a historia se ripiti, um se quea pensandu
cumu si Salvaleon nos quisera idel que num esta mortu, que aunque perdera tô sei esplendol i poel puliticu esta en sei sitiu i latenti.
Num se a vosotrus peru a mi estas coisas me deixan pensativu, a visita
foi mui pusitiva i me foi contentu, pos cumu ia dixi, num esperaba encontralmi tanta coisa.
Esperu vos gusti esta historia, a mi me encanta.
Forti abrazu i soidi pâ tôs.

¡ Estupenda descripción Nachitu¡ Y muy interesantis as reflexios, se vé que a Historia de emociona y te gusta, sigui deleitandunus tamen a os demais con esis cuñucimentos que, a vedis, nos suministras. Habrá que rogali a Indanunse que nos obsequi con unhos retratus de esi fosu en Primavera, pa disfrutal de a vista de esa rosa misteriosa, que debi sel unha maravilla. Como unha maravilla a siu degustar un Cava con o que esti verá em obsequió un amigu, que, ademais de historia, debi sel entindiu en o tema, y que he mantiuo conservau a boa temperatura hasta o Domingu pasau que sirví de aperitivu, a mi me gusta asi, muy curtu pa nun quital a gana de comel, compostu de anchoa, que tiña inda de Santoña, y un queisu "payoyo", que me pareci que solu se coñoci por aqui por que e muys especial y se fai en os pueblus blancus de Cadiz de unha ovella especial, ¿Dentis largus? Si viñeras por aqui algunha ve.....ya sabis, avisa.Bueno, pues vay enrandu o Otoñu y, istu o digu pa tos, habrá qe dil pensandu en algunha cumilona pa naviais ¿non?. Como me idia O Salu, esti anu ente tos os que queira, que a escoti nun hay na caru, menus algun viñu que nos faciliti Muñu, asi que, preparaus y a dil pensandu y fendu propostas ya. Soidi pa tos y pa a fala .Chitu.

Siría interesanti, organizar un-ha especie de excursión a Salvaleón, con alguin intindía (Nachu ¿por qué nun?), aunque tuvéramus que alquilar algun-hos 4 x 4. Ya que por o que didi Nachitu (magnífica descripción, sí señol), os cochis que temus os d´as ciais nun valin pâ dil p´alí.

Por otra parti, Chitu, ya veu que tês bô gustu. Esi queisu Payoyo, que se fai en Villaluenga d´o Rusariu, me ten enamoráu.
Nun sé si o que tomástis era de ovella (que tamén o chaman asina), pero o de cabra, precisamenti d´as cabras payoyas, é un-ha dilicia.
Ei c´a vé que voi pâ Serra de Cádiz, sempris procuru agarra un par de elis o tres, que, lógicamenti, nun me comu de un-ha vé.

Que teñáis bô día, y que toméis algún aperitivu bô, aunque nun sean anchoas de Santoña ni queisu payoyo. Hai tamén coisas mui boas en otrus sitius.

B_RODAS

Pos ei ma puntu. Anque ya caisi con a descripció de Nachitu quea vistu,peru por fel unha merendola y mais se levais esis productus............¡Ya está ben de dal invidia de esas coixas tan boas, que en tos o laus as hai!!........Aqui temus unha que se chama
"suecas" peru a mi ma ditu o mecu que tenin mutu colesterol i ia nun está un pa esis "trotis". Nos conformaremus con a ensaimá.
Forti abrazu.

Pos nun me ha seidu o nick. Por o que digu ya supondreis que soy
Cerrumicli.

Ben feita a correeción, Brodas, son cabras payoyas y creu que tamen se fai de mezcla con ovellas, aquelas pareci sel que son una raza especial y oqueisu e totalmento ecologicu por que hasta o cuallu e das mismas cabras, como antis en o lugal, o casu e que do que hey disfrutí fain muy poicus por isu son tan apreciaus y o teñu por recomendacion caisi. Soidi pa tos y pa a fala,Chitu-

Nun se trata de niñun-ha corrección. Sólu era pâ aclarar que "payoyo" se les chama a dambus queisus (o de cabra y a o de ovella). A mi me gusta máis o de cabra, pero nun le fairía ascus a un cachu de o de ovella.
Tamén se les chama "payoyos" a os nativus de Villaluenga, cumu a nosotrus nos didin mañegus o lagarteirus a os de As Ellas.
M´apuntu tamén pâ enchel a andolga. (Dondi quera que sea)
Boas tardis
B_RODAS

Nachitu,me encanto o que contas de Salvaleon,e mirau en internet coisas de esti castelu peru hay poica informacion,me encantaria dil contigu a velo.Ei tamen pensaba que nun queaban restus,desdi o riu nun se ve apenas o restu das murallas que tu falas,se didi que ten influencia Templaria,nun se si sera certu.
En cuantu a o proximu conclavi de o foru,estoy esperandu o que me digais,sera millorau en productus,o mais importanti e que veña cuantu mais genti millol.Debiriamus creal o premiu a o millol furista do ano,se eligiria en o foru,que vos pareci.
Forti abrazu

hola nachitu.ma gustau a historia que contas de salvaleon.haber si me pois idel o titulu do libro,por que en google poñu o nomi de vicenti parra y solu me sain peliculas do actor.ei e liiu unha novela de un valverdeiru que se chama david piñero fuentes que se titula "basadiga condenados al contrabando" que tamen fai algunha referencia a salvaleon.
un saluu y soidi a fala.

Lauryan, perdoa que num te haia contestau antis, o titulu do libru e
Valverde del Fresno ( Retazos de su historia )o autol dixi mal o nomi,
e Florentino Parra Iglesias, esti libru de editó eno 1992.
Esperu que cum istu poas dal cum el, o imprimí Gráficas Cacereña, S. L.
C/ Maluquer, 1 ( Cáceres ).
Forti abrazu.

fotos del castillo
https://ww.castillosnet.org/programs/castillosnet.php?tip=vis&dat=caceres/CC-CAS-037&fot=0&num=1

gracias nachitu,por a informacion.intentare encontralo.

un saluu.