San Martín de Trevejo - Caceres

Hóixi,se celebra o dia mundial da mulhel trabalhaora. Pa mi,esti día,ten dobli significau. Hóixi fai anus,dissí o club da sultiría.

Vaya,pa toas elas,o mei respetu i admiración.Noxotrus,en cuantu a trabalhal,obligaciós,lucha i tenaciai se refieri; estamus a anus luz d'elas.É a primeira que se levanta i a ultima en dilsi aeital.Sí é necessariu,darán a volta o mundu,contal de defendel a sua caxa i familia."¡¡Quin dissu isu do sexu débil!!".

Un abrazu pa toas elas,en especial pas manhegas.

FONTI NOVA

Me unu a FONTI NOVA en cuantu a filicitación pa toas as mulheris.
Tô cuantu didis e verdais, num vamus a ponhel máis por meu a pasalnus, se poi sel un poicu pilutilha de ve en cuandu, peru num hai que pasalsi.
Filicital a Fonti Nova i a sua mulhel, en o aniversariu de boa.
Quea milhol asi a coisa, porqui nunca se sabi cuandu se di, en hora boa,
cumu poi sental.
Hai un ditu castelhanu, quen cassa ben i num erra acerta duas vedis.
Bromas aparti, creu que a malhuria hemus pasau ia as boas de plata, asi que num nos habra diu mal.
Ben, ia era hora de que arrimicharais, paricia comu si estuberais de reflexión. Me entrorin ganas de idel ¿ Eú ? ¿ Que feis ?
Tampocu sabemus na da nossa Chunita, suponhu que ia estara en o lugal.
Habel si semus do letalgu i escribimus un poicu máis.
Forti abrazu pa toas i pa tôs.

Boas tardis, ia que istu se menea i o tema é bô, doi a miña opinió.
Istu dos "días internacionais", seguru que son necesarius, peru a vé deixan vel que algu nun va ben.De toas maneiras creu que nun é mutivu de dal felicitaciós a naidi, en esti casu as mulleris, si nun de traballal, tantu no planu personai cumu generai pa que nun sean necesarius us "días internacionais".
De toas folmas "por si las moscan pican" felicitaciós as mulleris,as que traballan,as que encima o fain fora de cassa i purqué nun as que nun traballan.
Soidi a Fala

No esta mal que alguna vez no valoreis asi como lo haceis y en voz alta.Pense que este dia iba a pasar de puntillas por el foro,pero ya veo que no,y se agradece.Asi que vaya mi gratitud por la parte que me corresponde como mujer trabajadora.Un abrazo para todos los foristas,y un abrazo muy especial para todas las mañegas.

Ben está o que está ben y, como didi Pirata, como de opinal se trata, pa entral en a tertulia y escribil algu y tamén por que verdadeiramenti me sai, sinceramenti, de dentru , he de declaral que personalmenti istu de os dias de tal o cual, nun me gusta, por que os recoñucimentusa debin felsi tos os días,

¿Por qué dia de a mullel traballaora? ¿Solu a que traballa fora de casa se mereci esi recoñucimentu?. E verdai que a que caballa fora de casa, a mayoría, o sé por propia experiencia, traballa tamén, y mutu, dentru de casa, sacrifica mutas coisas propias de a naturaleda femenina, como o plenu ejercicio de a meterniai ( cuau dos fillus etc) pero tamén e verdai que se sinti, en a mayuria dos casus, mais realizá como persoa y aporta pa economía familiar unha parti, mutas vedis importantisima, dos ingresus con os que vivir con holgura y disfrutandu de ventaixas que de otra maneira nun se tindrian. Vaya unha coisa por otra ¿non?. Por isu nun habria que ulvialsi de a simpli ama de casa, que de simple na, por que e unha responsabiliai, mutas vedis, sel administraora, cudiñeira, lavandeira, mairi y compañeira, e un cometiu dificil y laboriosu ¿ que tamen o fain as que traballan? Pues si, por isu tenin mais méritu, pero sin desmerecer as otras.

Pensu en, efinitiva, que e unha pena que haya que recoñoceli un dia a alguin o a algu que se mereci un recoñucimentu diariu, por que tamén nosotrus temus dereitu a que se nos recoñoza algu ¿non?. , pero ¿Por qué esi recoñucimentu? Por que nunca se le ha recuñuciu na, na mais que obligacios, esi e o fallu. Nun hay que pil mais que igualdad, non equiparación, por que isu supon que a quin se trata de aquiparal e de piol condición. Certu, de piol condición ha siu a mullel,ago a coisa e discutible y ben está, hay que corregil os fallus pasaus, pero non hay que pasalsi tampocu. E a miña opinión y to e discutible. Soidi pa tos y pa fala,Un saluu...Chitu

¡Estoi dacordu con voxotrus! . Nun tinha que existil un dia d’estas características: ni pa mulhel, ni pa naidi. Toas estas coixas,tendrían que estal sempris mui prexentis en a memoria de tos. Pero,cuandu istu nun se fai; habrá que recordalas. ¿ Alguin,recordaría esta faceta da mulhel,si nun se fijara un-ha fecha? "¡¡creu que non!!".

Cuandu he mencionau a mulhel trabalhaora, nun fayu distinción entri "oficina", "fábrica" o "caxa".En cuantu o trabalhu que desempeña a ama de caxa, si hubera un-ha puntuación pa valoral istu; por minha parti,obtindría a máxima."Me sobran radós pa pensal así".

Un abrazu pos dois, FONTI NOVA

P.D. Nachu : ¡gracias por a felicitación! .Agora,nun tenhu tempu, pero me encantará intercambíal un escritu cuntigu. Respectu a esi proverbiu castellanu- pura filosofía-.

Forti abrazu.