San Martín de Trevejo - Caceres

Con o sinceru deseu de que tos hayais chegau sin noveai, con soidi y ganas de empezal as tareas habituais, vos mandu a tos un abrazu de venvinda a o foru en esti novu cursu, tras habernus identificau y habel compartiu, nun solu esis pinchus y esi ¡ viñazu¡ de a boiga de tiu Luis hereá por ME, sinon, y istu e o mais importanti, esa sincera camaradería con a que nos hemus tratau, solu por habel escritu en o foru, ya que, denantis, mutus nos tratábamus y falábamus ya habitualmenti pero ago, idendu tu eris tal o cual en o fou, paricia que había como unha espici de compliciai afectuosa y sincera.

Gracias a Brodas por a felicitación, aunque pa ti era facil, nacestis o mismu dia que ei y creu que con horas de diferencia, según nosas mairis, ¡Feliciais, que cumplas mutus y ,por egoismu, que me sigas felicitandu mutus anus!. Gracias tamen a Fontinova, os vinticincu ya os cumplí, y nun pensu cumplil mais, me estancu aunque pasi o tempu.

Da gustu leel o que se ha escritu y recordar con os retratus esi ratu estupendu. O anu que ven será en a miña boiga, a ver si esta ve acuin tos os que faltorin, inclusu Refertosu y sei netu ¡ que enigna! Ago nun sabemus quin e. En fin, ya está ben de tabarra pa sel o dia primeiru de esti novu ciclu. Comu sempris afectuosamenti....vosa salua Chitu.